notnews ganivi3 

    HOTnews

    HOTnews
     
     

    ქალაქ ზუგდიდში, ზვიად გამსახურდიას გამზირზე მდებარე ერთ-ერთ ბანკში შეიარაღებული პირის შეჭრის შესახებ შეტყობინება შინაგან საქმეთა სამინისტროში დაახლოებით 14:21 საათზე შევიდა.

    პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია და დაიწყო დამნაშავის გაუვნებელყოფის ოპერაცია. ამჟამად ადგილზე მობილიზებული არიან სამართალდამცველები, მიმდინარეობს საგამოძიებო და ოპერატიული ღონისძიებები.

    პოლიციის თანამშრომლებმა შემოსაზღვრეს შემთხვევის ადგილის მიმდებარე ტერიტორია. ადგილზე მობილიზებული არიან სამართალდამცველები, მიმდინარეობს საგამოძიებო და ოპერატიული ღონისძიებები.

    საპოლიციო ღონისძიების მშვიდობიანად წარმართვისთვის, კრიტიკულად მნიშვნელოვანია შემთხვევის ადგილის მიმდებარე ტერიტორიაზე მაქსიმალურად დაცული იყოს უსაფრთხოების ნორმები. შინაგან საქმეთა სამინისტრო მოუწოდებს მედიის წარმომადგენლებს დაიცვან უსაფრთხოების ნორმები, პირდაპირ ეთერის რეჟიმში არ გადასცენ საპოლიციო ღონისძიების და სპეცდანიშნულების თანამშრომელთა მიერ წარმართული ოპერაციის ამსახველი კადრები. ეს საფრთხეს უქმნის მოქალაქეების და პოლიციელთა სიცოცხლეს, ასევე მათ ჯანმრთელობას.

    მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. შინაგან საქმეთა სამინისტრო საზოგადოებას ინფორმაციას ეტაპობრივად მიაწვდის.

    ტვ „პირველის“ ცნობით, ზუგდიდში, ბანკზე თავდამსხმელებს 30 მძევალი ჰყავთ აყვანილი, თუმცა ამაზე ოფიციალური ინფორმაცია ჯერჯერობით არ გავრცელებულა. 

    ზუგდიდში, ბანკის დაყაჩარებაზე, სოციალურ ქსელში ახალი ინფორმაცია ვრცელდება, რომლის თანახმადაც, თავდამსხმელმა ბაკში მყოფ პირებს დაჩოქება მოსთხოვა. ამასთან, მან მხოლოდ ხანდაზმულები გაათავისუფლა.

    შეგახსენებთ: ზუგდიდში ერთი საათია, „საქართველოს ბანკის“ ფილიალს აყაჩაღებენ. ზუგდიდის ცენტრში მობილიზებულია სპეცრამზი.   

    ამ ეტაპზე უცნობია, რამდენი თავდამსხმელია შეჭრილი ზუგდიდში, ბანკის შენობაში. ასევე, უცნობია, რამდენი მძევალი ჰყავთ ყაჩაღებს.

    ამ წუთებში ზუგდიდის მოვლენებზე განცხადება პრემიერმა გააკეთა, რომელმაც თქვა, რომ მისი ინფორმაციით, ბანკში ერთი ადამიანია შეჭრილი. 

    ტვ „პირველი“ იუწყება, რომ ერთი მოქალაქე ბანკიდან სახანძრო კიბით გამოიყვანეს.

    შეიარაღებულმა თავდამსხმელებმა ზუგდიდში მძევლები აიყვანეს, - ამის შესახებ „ტვ პირველი“ იუწყება. ამავე წყაროს ცნობით, ამ წუთებში ერთ-ერთი ბანკის დაყაჩაღება მიდინარეობს.  

    ტვ „პირველი“ ავრცელებს ინფორმაციას, რომ ამ წუთებში ზუგდიდის ცენტრში სპეცოპერაცია მიმდინარეობს, სადაც ერთ-ერთ ბანკს აყაჩაღებენ.

    დაავადებათა კონტროლის ეროვნული ცენტრის ხელმძღვანელმა ამირან გამყრელიძემ მთავრობის ადმინისტრაციაში დღეს გამართულ ბრიფინგზე განაცხადა: 

    “უმეტესობას სჭირდება ბინაზე მკურნალობა, ასევე უმეტესობას არ სჭირდება წამალი ბინაზე, თუ მას კიდევ სხვა დაავადება არ აქვს, რომლის გამოც ის მუდმივად იღებდა წამალს. ძირითადად, ბინაზე პაციენტებს სიცხის დამწევი საშუალება სჭირდებათ, როცა ტემპერატურა 38-ზე, ან 38-ნახევარზე ზევით არის. ჩვეულებრივად, 10-12 დღის განმავლობაში ეს ყველაფერი გაივლის და ადამიანი ჯანმრთელდება.”

     

    „პრაიმტაიმის“ ინფორმაციით, ყველაზე ახალგაზრდა ქალი, რომელიც კორონავირუსით გარდაცვლილად ითვლება, ნინოწმინდიდან თბილისის ზღვის ჰოსპიტალში, ცხელების ცენტრში, 18 ოქტომბერს გადაიყვანეს.

     

    ახალგაზრდა ქალს ორმხრივი პნევმონია და ცხელება აღენიშნებოდა, ასევე ქალი ჭარბწონიანი იყო და თანმხლები დაავადებები ჰქონდა. ცხელების ცენტრში პაციენტი კიორონავირუსზე ტესტის ჩასატარებლად გადაიყვანეს, თუმცა ის მანამდე გარდაიცვალა, სანამ ტესტის პასუხი იქნებოდა.

     

    ახალგაზრდა ქალი 19 ოქტომბერს გარდაიცვალა და ის კორონავირუსით გარდაცვლილად დღეს ჩაითვალა, რადგან ტესტის პასუხი ბოლო 24 საათში გახდა ცნობილი.

    „პრაიმტაიმი„

    სოფო გელოვანი კოვიდპაციენტთა სიაშია. მომღერალს ვირუსის სიმპტომები დაბალი სიცხით დაეწყო. ახლა მხოლოდ მსუბუქი ყელის ტკივილი აქვს. ამის შესახებ მან სოციალურ ქსელშიც დაპოსტა. როგორც გელოვანი ჩვენთან საუბარში ამბობს, თავს მხნედ გრძნობს და ჯერჯერობით სახლშია.

     

     

    სოფო გელოვანი: – 18 ოქტომბერს, საღამოს, 37 და 2 მომცა სიცხე. მქონდა ყელის ტკივილიც და გადავწყვიტე, რომ ტესტი უნდა გამეკეთებინა. დადებითი პასუხის შემდეგ გადამოწმება არ მიცდია. ახლა გავიგე, რომ ჩემს სამ მეგობარს, ვისთანაც კონტაქტი მქონდა 18-ში, დღეს უკვე სიცხეები აქვთ. გამოდის, რომ მათ კორონავირუსი მე გადავდე. ჯერ ტესტი არ აუღიათ.

    ცუდი ის არის, რომ კონტაქტი ვერ დავადგინეთ, ვისგან დავინფიცირდი. ძალიან შეზღუდული მქონდა ურთიერთობები. არ დავდიოდი ხალხმრავალ ადგილებში. პირბადის გარეშე გარეთ არ გავდიოდი, ყველა რეკომენდაციას ვიცავდი. მართლა წარმოუდგენელია, რომ მე შემეყარა. ბევრი სხვა ადამიანი, ვისაც ბევრი კონტაქტი აქვთ, ძალიან ფრთხილად უნდა იყვნენ. უკვე ძალიან ახლოსაა ვირუსი, ძალიან მოდებულია.

    ვისთანაც ბოლო ორი კვირა მქონდა კონტაქტი, ყველას დავურეკე, არავის არ აქვს კოვიდი. ვფიქრობ, რომ შეიძლება შვილების მოტანილი იყოს, თვითონ უსიმპტომოდ არიან. ხვალ ჩაუტარდებათ ტესტირება. თავს კარგად გრძნობენ. მეუღლეც კარგად არის.

    ამ ეტაპზე სახლში ვართ, ერთმანეთს მოვუვლით. მხნედ ვარ, ოდნავი ყელის ტკივილი მაქვს. ვცდილობ, ბევრი სითხე მივიღო. ექიმების მეთვალყურეობა ამ ეტაპზე არ მესაჭიროება.

    „პრაიმტაიმი“

    ლაგოდეხის მუნიციპალიტეტის სოფელ უზუნთალაში ორსული ქალი დაჭრეს. შემთხვევა წუხელ, გვიან ღამით მოხდა.

    ადგილობრივების ინფორმაციით, ქალმა ხმაური გაიგო და გარეთ გავიდა, რის შემდეგაც მას თავს დაესხნენ და ცივი იარაღით დაჭრეს.

    ქალი ლაგოდეხის "არქიმედეს" კლინიკაში გადაიყვანეს. ექიმების თქმით, მისი ჯანმრთელობის მდგომარეობა დამაკმაყოფილებელია და უახლოეს საათებში სახლში გაწერენ.

    Please publish modules in offcanvas position.