notnews ganivi3 

    ×

    Warning

    JUser: :_load: Unable to load user with ID: 959

    ბიზნესმენ გოგი თოფაძის შვილიშვილს ჭრილობა ფილტვისა და კისრის არეში ცივი იარაღით აქვს მიყენებული.

    ოჯახის ადვოკატის გიორგი ანთაძის თქმით, მისი დაცვი ქვეშ მყოფის მდგომარეობა სტაბილურია.

    „თავდამსხმელზე ინფორმაციას არ ვფლობ. მომხდართან დაკავშირებით დააკავეს თუ არა ვინმე, არც ის ვიცი. რა ვითარებაში დაჭრეს და საქმის სხვა გარემოებების შესახებ ამ დროისთვის ვიდრე დაზარალებულად არ გვცნობენ, ინფორმაცია არ გაგვაჩნია" - აღნიშნა ადვოკატმა.

    ჯერ კიდევ ვერ გამოაფხიზლეს, მაგრამ მეუბნებიან, რომ ალბათ, გადარჩება , - ამის შესახებ გოგი თოფაძემ ჟურნალისტებს მის შვილიშვილთან, ლევან თოფაძესთან დაკავშირებით განუცხადა, რომელიც დღეს დაიჭრა.

    გოგი თოფაძე დაჭრის დეტალებს იხსნებს.

    „მე, ჩემი მეუღლე და ჩემი და სახლში ვართ, დავიძინეთ, ამ დროს ატყდა იქ მთელი ამბავი, სანამ ავედი, ჩემი მეუღლე პირველი გავიდა, ნახა იქ, არტყამდა ვიღაცას, ჩაეხუტა ამ კაცს, კინაღამ მეუღლესაც დანა მოხვდა“, - ამბობს თოფაძე.

    მისივე თქმით, კაცი, რომელმაც მისი შვილიშვილი დაჭრა, იქ მყოფი ქალის მიმართ აგრესიულად იყო განწყობილი.

    „მე არ ვიცი, მაგრამ რაც მითხრეს, ეს ქალბატონი და ეს ვაჟკაცი ვინც იყო, რამოდენიმე წელი იყვნენ ერთად, მერე თურმე, ერთმანეთს გაცილდნენ“, - განაცხადა თოფაძემ.

    მისი თქმით, მომხდარს მისი შვილიშვილის სამი მეგობარი შეესწრო.

    „ერთ-ერთს სამი ბიჭიდან ვიღაცამ დაურეკა, ეს ჩამოვიდა ქვევით. შემოვიდა ქუჩიდან სხვა კაცი - უცნობი, ამოვიდა ზევით ამასთან ერთად. რატომღაც ქალის მიმართ იყო ცოტა აღელვებული, ჩემმა შვილიშვილმა დააწყნარა, ამოიღო დანა დაარტყა. ვინ იყო არ ვიცი, მთელი დღე ვარ საავადმყოფოში და ვარ პოლიციაში. პოლიციაში, თქვეს, ვინც გააკეთა დავაკავეთო“, - განაცხადა თოფაძემ.

    მისივე თქმით, სანამ შემთხვევის ადგილზე გავიდა, მამაკაცი, რომელმაც მისი შვილიშვილი დაჭრა, წასული იყო. თოფაძე ამბობს, რომ დღეს პოლიციაში ღამის საათებში გეგმავს მისვლას.

    ცნობისთვის, თბილისში ბიზნესმენ გოგი თოფაძის შვილიშვილი ლევან თოფაძე დაჭრეს. დაჭრის ფაქტზე დაკავებულია ბუსა ჟვანია.

    შსს-ს ინფორმაციით, გამოძიებით დადგინდა, რომ ბრალდებულმა ურთიერთშელაპარაკების ნიადაგზე, ლევან თოფაძეს მისსავე საკუთარ საცხოვრებელ სახლში, ცივი იარაღით სხეულზე რამდენიმე ჭრილობა მიაყენა.

    გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

    წყარო: Ipn.ge

    დედაქალაქის მერია გამზირზე სატრანსპორტო გადაადგილების სქემას ავრცელებს. უწყების ცნობით, ჭავჭავაძის გამზირიდან მარცხენა მოხვევით პარალელურ ქუჩებთან დაკავშირება აიკრძალა და შესაბამისად:

    ვარაზისხევიდან ფალიაშვილის ქუჩაზე მოხვედრა შესაძლებელია კეკელიძის ქუჩის გავლით.

    ვაკის პარკიდან მოძრავ ავტომობილებს ფალიაშვილის ქუჩაზე მოხვედრა შეეძლებათ კავსაძის, მირცხულავას, ერისთავისა და თაყაიშვილის ქუჩების დახმარებით.

    ფალიაშვილის ქუჩაზე ვაკის პარკის მიმართულებით მოძრაობა შესაძლებელია ცალმხრივად.

    ვაკის პარკიდან აბაშიძის ქუჩაზე მოხვედრა შესაძლებელია მიშველაძის, კავსაძისა და მირცხულავას ქუჩებიდან.
    აბაშიძის ქუჩაზე ვაკის პარკიდან მრგვალი ბაღის მიმართულებით შენარჩუნდება ცალმხრივი მოძრაობა.

    ფალიაშვილის ქუჩიდან ჭავჭავაძის გამზირზე მოხვედრა შესაძლებელია მარჯვნივ მოხვევით ბერძენიშვილის, კავსაძის, თაქთაქიშვილის, არაყიშვილის, მირცხულავას, ბაზალეთისა და ნაფარეულის ქუჩების გავლით.

    ბაზალეთის, თაქთაქიშვილისა და ბერძენიშვილის ქუჩებიდან მარცხნივ მოხვევით შესაძლებელი იქნება ჭავჭავაძის გამზირზე ვაკის პარკის მიმართულებით გადაადგილება.

    ვაკის პარკიდან სახელმწიფო უნივერსიტეტის მიმართულებით ყიფშიძის ქუჩასთან დაკავშირება შესაძლებელია მიშველაძის, მოსაშვილის ან აბაშიძისა და ბერძენიშვილის ქუჩებიდან, ჭავჭავაძის გამზირის გავლით.

    ჭავჭავაძის გამზირიდან ჭაბუა ამირეჯიბის გზატკეცილზე მოხვედრა შესაძლებელი იქნება რამიშვილისა და ავალიშვილის ქუჩების გავლით. უკუმიმართულებით გადაადგილებისას, ჭავჭავაძის გამზირზე მოხვედრა შესაძლებელია ავალიშვილის ქუჩის დახმარებით.

    ვაკის პარკიდან ვარაზისხევის მიმართულებით მოძრავ ავტომობილებს ჭავჭავაძის გამზირიდან მარჯვნივ მოხვევით მოხვედრა შეეძლებათ მიშველაძის, კავსაძის, მირცხულავას, ერისთავისა და თაყაიშვილის ქუჩებზე. მიშველაძე და თაყაიშვილის ქუჩები არის ცალმხრივად მოძრავი.

    აბაშიძის ქუჩიდან ჭავჭავაძის გამზირზე მოხვედრა შესაძლებელია შემდეგი ცალმხრივად მოძრავი ქუჩებით: ბერძენიშვილი, თაქთაქიშვილი, არაყიშვილი, ბაზალეთი და ნაფარეული.

    ვაკეში მელა დაიჭირეს, რომელიც ტანსაცმელსა და ფეხსაცმელს იპარავდა - ამის შესახებ, სოციალურ ქსელში ვახტანგ ლომჯარია წერს და ფოტოს ავრცელებს.

    "ერთ უწყინარ და ბედნიერ ოჯახს, შუაგულ ვაკეში ეს ,,არამზადა" გოგო შეეჩვია და ისეთი ოინები ჩაატარა, კაი ხანი მასპინძელს პარანორმალური მოვლენების ეპიცენტრში აგრძნობინა თავი.
    ხან ცალი ჩუსტი იკარგებოდა, ხან ბოტასი. კონკრეტული ოჯახის შევიწროებას არ დასჯერდა, მეზობლების რეკეტზეც გადავიდა და გასაშრობად გაფენილი ორი პერანგიც გაიყოლა. საინტერესოა რაში გამოიყენა? 
    -ვინ არის დამნაშავე?
    პასუხი არ არის.
    -სად არის დამნაშავე?
    პასუხი არ არის.
    უკვე ოჯახის წევრების ნერვული სისტემა, ანალიტიკური და ლოგიკური მსჯელობა ჩიხში რომ შევიდა, ცალ-ცალი ფეხსაცმლით სიარულიც მოდად აქციეს და ერთმანეთს ეჭვის თვალით დაუწყეს ყურება, ყალთაბანდიც გაიფაქტა 
    ეს ოინბაზი კი ,,დაატუსაღეს", მაგრამ თანამზრახველიც ყოლია და იმასაც მალე მივუსვამთ გვერდით 

    პ.ს ისე სახეზე ხომ ეტყობა რისი მკადრებელიცაა? " - წერს ლომჯარია.

     

    შინაგან საქმეთა სამინისტრომ თბილისში ჯანმრთელობის განზრახ მძიმე დაზიანების ბრალდებით ერთი პირი დააკავა.

    "შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1996 წელს დაბადებული ბ.ჟ. ჯანმრთელობის განზრახ მძიმე დაზიანების ბრალდებით, თბილისში დააკავეს.

    დანაშაული 3-დან 6 წლამდე ვადით თავისუფლების აღკვეთას ითვალისწინებს.

    გამოძიებით დადგინდა, რომ ბრალდებულმა მიმდინარე წლის 2 აგვისტოს, ურთიერთშელაპარაკების ნიადაგზე, 1998 წელს დაბადებულ ლ.თ.-ს, მისსავე საკუთარ საცხოვრებელ სახლში, ცივი იარაღით სხეულზე რამდენიმე ჭრილობა მიაყენა. დაჭრილი მამაკაცი საავადმყოფოში გადაიყვანეს, სადაც ოპერაცია ჩაუტარდა.

    სამართალდამცველებმა ბ.ჟ. მომხდარიდან რამდენიმე საათში, ცხელ კვალზე დააკავეს.

    გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით მიმდინარეობს, რაც ჯანმრთელობის განზრახ მძიმე დაზიანებას გულისხმობს" - აღნიშნულია შსს-ს მიერ გავრცელებულ ინფორმაციაში.

    შინაგან საქმეთა სამინისტროს გადაუდებელი დახმარების ოპერატიულ მართვის ცენტრ 112-ში შემოსული ინფორმაციის თანახმად, ახმეტის მუნიციპალიტეტის სოფელ შენაქოში 25 წლის მოქალაქემ ცხენიდან გადმოვარდნის შედეგად მიიღო სხეულის დაზიანებები და ესაჭიროებოდა მაშველების დახმარება.

    თუშეთის მიმართულებით შინაგან საქმეთა სამინისტროს სასაზღვრო პოლიციის ვერტმფრენით გაემგზავრნენ სახანძრო-სამაშველო ძალების დეპარტამენტის ჯგუფები. საგანგებო სიტუაციების მართვის სამსახურის თანამშრომლების მიერ, ექიმის თანხლებით, პაციენტი გადმოყვანილია თბილისში, ღუდუშაურის სახელობის ეროვნულ სამედიცინო ცენტრში და უტარდება შესაბამისი სამედიცინო დახმარება.

    სამაშველო ოპერაციაში ჩართულები იყვნენ შინაგან საქმეთა სამინისტროს საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს ჯგუფი და ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის ექიმები.

    ფოთში, 31 იანვარს გაუჩინარებული ახალგაზრდა კაცის ოჯახი შესაბამის ორგანოებს დახმარებას სთხოვს და სამართალდამცველებს სამძებრო ღონისძიებების გააქტიურებისკენ მოუწოდებს.

    როგორც "imedinews.ge"-სთან ოჯახის წევრები ამბობენ, ბიჭი სახლიდან დილით გავიდა, მისი მანქანა მდინარე რიონში იპოვეს.

    „ყველას ვთხოვ, რომ უფრო ყურადღებით მოძებნონ ჩემი შვილი. 6 თვეა, დაკარგული მყავს შვილი. წააგო ფული და გაიქცა სახლიდან. პატარა თანხა წააგო. ადრე თამაშობდა. ბოლოს 31 იანვარს ვნახე ჩემი შვილი, მერე არ მინახავს. ყველა საბუთი დატოვებული აქვს. არ ვიცი, რა ვიფიქრო. არაფერს არ გამოვრიცხავ", - აცხადებს, დაკარგულს დედა, დინარა ჯაბუა.

    ფაქტზე გამოძიება სსკ-ის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

    "მთავარის" ინფორმაციით, თბილისში დაპირისპირებისას გოგი თოფაძის შვილიშვილი და კიდევ ერთი პირი დაჭრეს. ორივე მათგანი ხეჩინაშვილის სახელობის კლინიკაში იმყოფება და მათი მდგომარეობა მძიმეა. ამავე წყაროს ინფორმაციით, თოფაძის შვილიშვილს ოპერაცია უტარდება. კლინიკის ექიმები განმარტებას არ აკეთებენ. კომენტარი ჯერჯერობით არ გაუკეთებია არც შსს-ს.

    "მთავარის" ინფორმაციით, ლევან თოფაძე ზურა ჟვანიას შვილმა დაჭრა, თუმცა ამ ეტაპზე უცნობია, იგულისხმება თუ არა გარდაცვლილი პრემიერი ზურაბ ჟვანია. 

    შვილიშვილის დაჭრის ფაქტს ადასტურებს გოგი თოფაძეც და ამბობს, რომ ახალგაზრდას ჭრილობები დანით აქვს მიყენებული.

    დაპირისპირება გამთენიისას, ლისის მიმდებარე ტერიტორიაზე მოხდა.

     

     

    ესპანეთში საქართველოს მოქალაქე, 23 წლის ქალი სკვერში ჩამომხრჩვალი იპოვეს. გარდაცვლილი თელავის მუნიციპალიტეტის სოფელ აკურის მკვიდრი, ნაზი მეზვრიშვილია. შემთხვევა 27 ივლისს მოხდა.

    დაღუპულის ოჯახის წევრის თქმით, ნაზი მეზვრიშვილი ესპანეთში მეუღლესთან ერთად იმყოფებოდა. მათი ინფორმაციით, ორივე დასაქმებული იყო, მოქალაქეობა ახალი მიღებული ჰქონდათ და ბავშვს ელოდებოდნენ. მეზობლების თქმით, ქალი სახლიდან დღისით გავიდა, საღამოს კი სკვერში ჩამომხრჩვალი იპოვეს.

    როგორც "ფორმულას" მეზობლებმა განუცხადეს, ნაზი მეზვრიშვილი თავს არ მოიკლავდა, რადგან "არ ჰქონდა არანაირი მიზეზი, ჰყავდა მეუღლე, იყო ფეხმძიმედ და ჰქონდათ სტაბილური შემოსავალი".

    ოჯახს დამატებითი ინფორმაცია არ აქვს და ესპანეთში, საქართველოს საელჩოს წარმომადგენლობიდან მეტ დეტალს ელოდება.

    სრულიად საქართველოს კათოლიკოს-პატრიარქმა, ილია მეორემ სამების საკათედრო ტაძარში საკვირაო ქადაგება აღავლინა და მრევლს წმინდა ილია მართლის დღესასწაული მიულოცა.

    მისი თქმით, დღეს აღევლინა განსაკუთრებული ლოცვა იმისთვის, რომ თაობებს შორის კავშირი იყოს.

    „ქრისტეს მიერ საყვარელნო, ჩვენო სულიერო შვილებო, კიდევ ერთხელ გილოცავთ წმინდა ილია მართლის დღესასწაულს. დღეს ტრადიციული დღესასწაულია. დღეს ჩვენ განსაკუთრებული ლოცვა წარმოვთქვით, რომ იყოს კავშირი თაობათა შორის. უფროსმა თაობამ უნდა გადასცეს ახალ თაობას თავისი გამოცდილება, თავისი საქმე. ახალგაზრდებს ვუსურვებ, რომ პატივი სცენ მამასა და დედასა თვისსა, უფროსს თაობას, რათა დღეგრძელი იყვნენ და კეთილდღეობა სუფევდეს მათთან. ღმერთმა გაგაძლიეროთ. ჩვენ რთულ დროს ვცხოვრობთ, მაგრამ ღვთის ძალითა და მადლით ყველაფერი დაიძლევა. ღმერთი იყოს თქვენი მფარველი და მსოფლიოს მფარველი. უფალმა გაკურთხოთ ერი თვისი მშვიდობით. გაიხარეთ ორთავე სოფელსა შინა" - აღნიშნა პატრიარქმა.

    Please publish modules in offcanvas position.