notnews ganivi3 

    რუსა ხავთასი

    ლიბერთი ბანკი სამომხმარებლო სესხებზე დეკემბრის აქციას იწყებს. აქციის ფარგლებში, მომხმარებელს შეუძლია აირჩიოს  განსაკუთრებული პირობებიდან ერთ-ერთი.

    •  ფიქსირებული 5%-იანი წლიური საპროცენტო განაკვეთი პირველი 3 თვის განმავლობაში (ეფექტური 18.5%-დან)
    • ან დაისვენოს სესხის ყოველთვიური გადასახადისგან ზაფხულამდე, 6 თვემდე საშეღავათო პერიოდის პირობით

    აქციის პირობებით სარგებლობა შესაძლებელია როგორც ახალი სესხის აღებისას, ასევე არსებული სესხის სხვა ბანკიდან გადმოტანის/თანხის დამატების შემთხვევაში, შემოსავლების დადასტურების პირობით. ლიბერთის სახელფასო კლიენტები კი სასურველი თანხის დამტკიცებას ან არსებულ სესხზე თანხის დამატებას ინტერნეტ და მობაილ ბანკიდან, სახლიდან გაუსვლელად შეძლებენ.

    ლიბერთი ახალი სტრატეგიის ფარგლებში, თავის მომხმარებლებს მუდმივად გაუმჯობესებულ და მომხმარებლების საჭიროებებზე მორგებულ სიახლეებს სთავაზობს.

    შეთავაზებით სარგებლობისთვის მომხმარებლებს შეუძლიათ მიმართონ ლიბერთის ნებისმიერ სერვის ცენტრს მთელი საქართველოს მასშტაბით, ან მობილურ სერვის ცენტრებს.

     

    აქცია გრძელდება 31 დეკემბრის ჩათვლით.

    დეტალური პირობები: https://bit.ly/3EUupt6

    იანვარ-ოქტომბრის განმავლობაში ეკონომიკური ზრდის მაჩვენებელი 10%-ით განისაზღვრა და ასევე მინდა ვთქვა, რომ მესამე კვარტალში, ბიზნესსექტორის ბრუნვა 17%-ით გაიზარდა და 47 მილიარდი ლარი შეადგინა. ეს არის ჩვენი სწორი პოლიტიკის შედეგი, - ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.

    პრემიერის თქმით, ბიზნეს სექტორში, მესამე კვარტალში სამუშაო ადგილები გაიზარდა 45 000-ით და ჯამში შეადგინა 723 000, რაც რეკორდული მაჩვენებელია.

    „ახლა რამდენიმე სხვა საკითხზე მინდა გადავიდე. პირველ რიგში, მინდა ვთქვა, რომ რამდენიმე დღის წინ გამოვიდა საქსტატის ბოლო მონაცემები. იანვარ-ოქტომბრის განმავლობაში ეკონომიკური ზრდის მაჩვენებელი 10%-ით განისაზღვრა და ასევე მინდა ვთქვა, რომ მესამე კვარტალში, ბიზნესსექტორის ბრუნვა 17%-ით გაიზარდა და 47 მილიარდი ლარი შეადგინა. ეს არის ჩვენი სწორი პოლიტიკის შედეგი. ბიზნესს მინდა კიდევ ერთხელ მივმართო. ბიზნესმა ყველაზე კარგად იცის - ქვეყანაში რომ არ იყოს სტაბილურობა და მშვიდობა, არავითარი ბიზნეს ბრუნვის ზრდა, დასაქმება და ახალი სამუშაო ადგილების შექმნა არ იქნებოდა. ქვეყანას გადააქცევდნენ პოლიგონად. ამას გარდა, იცით, რომ სამუშაო ადგილები გაიზარდა და რეკორდული ზრდა არის სამუშაო ადგილების. ბიზნეს სექტორში, მესამე კვარტალში სამუშაო ადგილები გაიზარდა 45 000-ით და ჯამში შეადგინა 723 000, რაც რეკორდული მაჩვენებელია და შეიძლება ითქვას, რომ პანდემიამდელ მაჩვენებელს საგრძნობლად გადააჭარბა ამ მაჩვენებელმა“, - განაცხადა პრემიერმა.

    თურქეთის საგარეო საქმეთა მინისტრმა, მევლუთ ჩავუშოღლუმ განაცხადა, რომ თურქეთი უკრაინაში ომის შესახებ მკაფიო სურათს მომავალი გაზაფხულისთვის ელის:

    „ახლა უკრაინა წინ მიიწევს და იბრუნებს ოკუპირებულ ტერიტორიებს, თუმცა რუსეთი სანაცვლოდ მიზანმიმართულად ურტყამს სამოქალაქო ინფრასტრუქტურას. ასე რომ, ცხოვრება რთულდება განსაკუთრებით უკრაინელებისა და ყველა ჩვენგანისთვის.

    ვფიქრობ, გაზაფხულამდე გვექნება მკაფიო სურათი ცეცხლის შეწყვეტის, ზავის ან მოლაპარაკების შესახებ. თურქეთი გააგრძელებს თავის ძალისხმევას“

    ჩეხეთის ელჩი პეტრ მიკისკასა და საქართველოს საგარეო საქმეთა მინისტრის მოადგილე ალექსანდრე ხვთისიაშვილმა შორის ნაყოფიერი შეხვედრა გაიმართა. ამის შესახებ ნათქვამია საქართველოში ჩეხეთის საელჩოს ინფორმაციაში, რომელიც საელჩოს ოფიციალურ ფეისბუქგვერდზე განთავსდა.

    „ჩეხეთის რესპუბლიკის და საქართველოს ორმხრივი ვაჭრობის შესახებ ქართულ მედიასაშუალებებში ბოლო დროს გავრცელებულ პუბლიკაციებთან დაკავშირებით ჩეხეთის ელჩი პეტრ მიკისკამ და საქართველოს საგარეო საქმეთა მინისტრის მოადგილე ალექსანდრე ხვთისიაშვილმა ნაყოფიერი შეხვედრა გამართეს.

    ელჩმა დააკონკრეტა, რომ მისი კომენტარი კონტექსტიდან ამოღებული ფორმით გავრცელდა და უკავშირდებოდა არა რუსეთის წინააღმდეგ სანქციებს, არამედ ზოგადად ვაჭრობას, რადგან ელჩი საქართველოს ხელისუფლების პრინციპულ პოზიციას სანქციების საკითხთან დაკავშირებით იცნობს და აფასებს.

    მხარეებმა განიხილეს ინფორმაციის შემდგომი გაცვლა ამ და სხვა სენსიტიურ საკითხებზე. ჩვენ ვვარაუდობთ, რომ საქართველოს ხელისუფლების ეჭვები ამოწურულია და ეს თემა შემდგომ განხილვას აღარ იმსახურებს“, – აღნიშნულია ინფორმაციაში.

     

    ბალენსიაგას შემოქმედებით ხელმძღვანელი დემნა გვასალია მოდის სახლის კამპანიის Gift Shop-ის ფარგლებში გამოქვეყნებულ ფოტოებთან დაკავშირებით ბოდიშს იხდის, რომელმაც საზოგადოების აღშფოთება გამოიწვია. ამის შესახებ წერილი დიზაინერმა Instagram-ის პირად გვერდზე გამოაქვეყნა:

    „მსურს პირადად მოგიბოდიშოთ არასწორი არტისტული არჩევანისთვის სადღესასწაულო კამპანიის შინაარსის შესახებ. ვიღებ ჩემს პასუხისგებლობას. შეუფერებელი იყო, რომ ბავშვებს რეკლამა გაეკეთებინათ იმ ნივთებისთვის, რომლებთანაც არანაირი კავშირი არ აქვთ.

    მიუხედავად იმისა, რომ დროდადრო ჩემი ნამუშევრობით ფიქრების პროვოცირება მიყვარს, არასდროს მქონია განზრახვა, რომ ამისთვის ისეთი საშინელი თემა გამომეყენებინა, როგორიც არის ბავშვებთან სასტიკი მოპყრობა, რასაც მე ვგმობ.

    საჭიროა ვისწავლო მომხდარისგან, მოვუსმინო და დავკავდე ბავშვთა დაცვის ორგანიზაციებთან ურთიერთობით, რათა გავიგო, თუ როგორ შემიძლია მონაწილეობა მივიღო და დაცეხმარო მათ ამ საშინელი თემის წინააღმდეგ.

    ბოდიშს ვუხდი ყველას, ვინც შეუარცხყოფილი დარჩა ამ ვიზუალებით და Balenciaga იძლევა გარანტიას, რომ ადეკვატური ზომები იქნება მიღებული არამხოლოდ იმისთვის, რომ მსგავსი შეცდომა არ მომავალში არ განმეორდეს, არამედ ვიღებთ პასუხისმგებლობას ბავშვთა კეთილდღეობის დაცვაში ყველა იმ გზით, რომლის გამოყენებაც შეგვიძლია."

    "ნაციონალური მოძრაობის" თავმჯდომარეობის კანდიდატის, ლევან ხაბეიშვილის განცხადებით, მნიშვნელოვანია არჩევნები ძალიან სწრაფად, მიმდინარე თვეში ჩატარდეს. დღეს პარტიის ოფისში ბრიფინგი გაიმართა. ლევან ბეჟაშვილმა, ლევან ხაბეიშვილის მხარდამჭერებთან ერთად "ნაციონალური მოძრაობის" თავმჯდომარის არჩევნების დანიშვნა დაუყოვნებლივ მოითხოვა. ამის შემდგომ თანაგუნდელების საჯარო მოწოდებას კობა ნაყოფიამ უკრაინიდან საჯარო ვიდეო-მიმართვით უპასუხა და "ნაციონალურ მოძრაობაში" პოლიტსაბჭოს სხდომა 11 დეკემბერს 15:00 საათზე ჩანიშნა. 

    "ძალიან კარგია რომ თარიღი გამოცხადდა, -შეიკრიბება პოლიტსაბჭო, მიიღებს კონკრეტულ გადაწყვეტილებებს და რაც ძალიან მნიშვნელოვანია, სწრაფად უნდა მოხდეს "ნაციონალურ მოძრაობაში"  არჩევნების ჩატარება. ამომრჩევლის მანდატის გარეშე, პარტიის თავმჯდომარე ვერ იქნება ეფექტური და ვერ იქნება პარტია სტაბილური. უმნიშვნელოვანესია, ძალიან სწრაფად დასრულდეს საარჩევნო პროცესი და ეს აუცილებლად უნდა მოხდეს დეკემბრის თვეში," - განაცხადა ლევან ხაბეიშვილმა.

    აშშ-ს ელჩი, კელი დეგნანი მესამე პრეზიდენტის ჯანმრთელობის მდგომარეობასა და ამასთან დაკავშირებით "ემპათიას" გამოქვეყნებულ დასკვნას გამოეხმაურა:

    "განვაგრძობთ ვითარების მონიტორინგს ძალიან ყურადღებით, დეტალურად გავდივართ ახლახანს გამოქვეყნებულ ანგარიშს. დოკუმენტების ნაწილი ჯერ კიდევ ქართულ ენაზეა და არ არის ინგლისურად ნათარგმნი. მთავარი არის ის, რომ მთავრობამ გადადგას საჭირო ნაბიჯები ახალი ინფორმაციის საფუძველზე. ყველა ველოდებით სანდო ობიექტურ სამედიცინო დასკვნას ბატონი სააკაშვილის ჯანმრთელობის მდგომარეობის შესახებ. შეერთებული შტატები გამუდმებით ამბობს, რომ ფუნდამენტურად მნიშვნელოვანია, სააკაშვილმა მიიღოს საჭირო სამედიცინო მომსახურება და მისი უფლებები იყოს დაცული." 

     საქართველოს პარლამენტის თავმჯდომარის, შალვა პაპუაშვილის თქმით, „ემპათიასადმი“ ნულოვანი ნდობა აქვს. ამის შესახებ მან გერმანიაში განაცხადა, სადაც ვიზიტით იმყოფება.

    „რაც შეეხება ცენტრ „ემპათიას“, ჩვენ გვახსოვს ეს ორგანიზაცია ჯერ კიდევ ბაჩალიაშვილისა და შაქარაშვილის საქმეებიდან. სიყალბეს ჰქონდა მათი მხრიდან ადგილი. ყველამ გაიხსენოს რა ე.წ. ექსპერტულ მოსაზრებებს ახმოვანებდა მაშინ „ემპათიის“ ხელმძღვანელობა. საბოლოო ჯამში, ყველამ ვნახეთ, რომ ეს იყო აბსოლუტური სიყალბე. ამიტომ ჩემი მხრიდან, ამ ორგანიზაციისადმი ნდობა, რა თქმა უნდა, არის ნულოვანი“, - განაცხადა პაპუაშვილმა.

    საგარეო საქმეთა სამინისტრო სპეციალური განცხადებას ავრცელებს ჩეხეთის ელჩის განცხადებასთან დაკავშირებით. უწყების ინფორმაციით, ასევე დაადასტურა, რომ სანქციებთან დაკავშირებით საქართველოსთან მიმართებაში შეკითხვები არ არსებობს.

    „2022 წლის 2 დეკემბერს, საქართველოს საგარეო საქმეთა სამინისტროში ჩეხეთის რესპუბლიკის ელჩი პეტრ მიკისკა დაიბარეს. აღნიშნულის მიზეზი გახდა მედიაში გავრცელებული მისი განცხადება, რომელშიც იგი ამბობდა, რომ ჩეხეთიდან საქართველოში შემოსული პროდუქციის ნაწილი, სანქციების გვერდის ავლით, რუსეთში გადის.

    საგარეო საქმეთა მინისტრის მოადგილემ ალექსანდრე ხვთისიაშვილმა ჩეხურ მხარეს კიდევ ერთხელ გააცნო ის კომპლექსური ნაბიჯები, რომლებსაც საქართველო ახორციელებს მსგავსი ფაქტების არდაშვებასთან დაკავშირებით და ელჩისაგან მოითხოვა დეტალური ახსნა-განმარტება იმისა თუ რას ეფუძნებოდა პეტრ მიკისკას განცხადება, რომელიც რეალობას არ შეესაბამება და ზიანს აყენებს როგორც ორი ქვეყნის თანამშრომლობას, ასევე საქართველოს რეპუტაციას.

    ჩეხეთის ელჩმა დააფიქსირა, რომ სამწუხაროდ მოხდა მისი სიტყვების მცდარი ინტერპრეტაცია და კონტექსტიდან ამოღებული ფორმით გავრცელება.

    მინისტრის მოადგილესთან შეხვედრისას, ელჩმა აგრეთვე დაადასტურა, რომ სანქციებთან დაკავშირებით საქართველოსთან მიმართებაში შეკითხვები არ არსებობს“, - ნათქვამია გავრცელებულ ინფორმაციაში.

    ამერიკის შეერთებული შტატების კონგრესის ბიბლიოთეკის დარბაზში ჯგუფი „ალილოს“ კონცერტი ჩატარდა. ამის შესახებ სოციალურ ქსელში ლაშა ღლონტი წერს. 

    „ჯგუფ ,,ალილოს” უდიდესი წარმატება აშშ კონგრესის ბიბლიოთეკის დარბაზში!!!“ - წერს მომღერალი. 

     

     

    წაიკითხეთ „ვერსია“ პდფ ფორმატში

    Please publish modules in offcanvas position.