notnews ganivi3 

    „მოპარული მილიონები დაუბრუნეთ ხალხს ამ გაჭირვების ჟამს!“ - თაკო ჩარკვიანი

    ავტორი / პოლიტიკა

    მას შემდეგ, რაც ქვეყანაში სრული კარანტინი გამოცხადდა, პარტია „კანონი და სამართლის“ ლიდერმა, თაკო ჩარკვიანმა სოციალურ ქსელში დაწერა:

     „მთელი პასუხისმგებლობით ვგრძნობ რა ამ უმძიმეს ვითარებას, ამ პანდემიის გამო, ვცდილობ, სრულიად ობიექტური პატარა შენიშვნებით შემოვიფარგლო და არც მადლობას ვაკლებ ყველას, ვისაც ეხება (ვიმეორებ, ყველას უკლებლივ), განსაკუთრებით კი ექიმებს, რომლებსაც მიწამდე თავს ვუხრი ამ პროფესიონალიზმის და თავდადების გამო მაგრამ ვერაფრით ვერ და არ გავაკეთებ, რომ ხმამაღლა კვლავ არ ვიყვირო, რომ როგორმე ხელისუფლებამ, მთავრობამ გაიგოს, რომ უკიდეურეს მდგომარეობაშია გაჭირვებული ხალხი, პირბადე კი არა, პურის ფულზეა საუბარი, გვიკავშირდებიან! დარჩით სახლში - კი ბატონო და, როგორო, კითხულობენ, რა ვქნათ უსახსროებმა სახლშიო?! მართლა, რა ქნან?! ჩვენ, პარტია „კანონმა და სამართალმა“ წარმოვადგინეთ გეგმა! ხალხს დახმარება სჭირდება, არ აქვთს არც საჭმელი, არც გადასახადების გადახდის საშუალება, ამდენი ხანია არაფერი ჩანს მათთვის. ეს ჩვენი მშრომელი ემიგრანტები რა დღეში ჩავარდნენ, იშრომეს , იშრომეს , მთელი ცხოვრება ამ შრომაში გავიდა და ახლა დარჩნენ უსახსროდ და უკან დასაბრუნებელი თანხა არ აქვთ! ეს , რაც შემეძლო რბილად დავწერე! ახლა მარტივად და ხისტად ვიტყვი: მოპარული მილიონები , გატანილი- ბიუჯეტიდან, დაუბრუნეთ ხალხს ამ გაჭირვების ჟამს!“

    ავტორი

    HotNews

    HotNews

    Leave a comment

    Please publish modules in offcanvas position.