ქედის მუნიციპალიტეტში მსუბუქი ავტომანქანა სავალი გზიდან გადავარდა - დაღუპულია 1 ადამიანი

ქედის მუნიციპალიტეტში ავარიას 1 ადამიანი ემსხვერპლა, 3 კი დაშავდა. დაშავებულები კლინიკაში გადაიყვანეს.

არსებული ინფორმაციით, ტრაგედია მსუბუქი ავტომანქანის სავალი გზიდან გადავარდნას მოჰყვა.

შსს-მ გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.