თბილისში 20 წლის ბიჭი მოკლეს. გავრცელებული ინფორმაციით, ახალგაზრდა მეგობრებთან ერთად მის დაბადების დღეს ერთ-ერთის მეგობრის სახლში აღნიშნავდა. მკვლელობის შემდეგ თანატოლებმა ცხედარი ოთახში დატოვეს, კარი ჩაკეტეს და შემთხვევის ადგილიდან მიიმალნენ. მკვლელობის მიზეზი და სხვა დეტალები ჯერჯერობით უცნობია.
საქმეში 4 პირი ფიგურირებს. მომხდარზე გამოძიება დაწყებულია. შემთხვევის ადგილზე საგამოძიებო მოქმედებები ჩატარდა. პოლიცია დამნაშავეებს ამ დრომდე ეძებს. მათი ვინაობა ძალოვნებისთვის უკვე ცნობილია.
"ჩემი მეგობრის, უსაყვარლესი გოგოს შვილი მოკლეს, მკვლელებმა ცოცხალ-მკვდარი ბიჭი მკვლელის სახლში ჩაკეტეს და მკვლელის დედამ იპოვა ცხედარი 2 დღის შემდეგ. ოჯახი 2 დღე ეძებდა თაზოს."- წერს ადვოკატი ელისო რუხაძე სოციალურ ქსელში.