მკვლელობა გლდანში, ბოჭორიშვილის ქუჩაზე. შუახნის კაცის ცხედარი საკუთარ საცხოვრებელ სახლში მეზობლებმა იპოვეს. ის პროზექტურაში რამდენიმე წუთის წინ გადაასვენეს.
50 წლამდე მამაკაცი მე-12 სართულზე ცხოვრობდა, სადაც სათვალთვალო ვიდეო კამერებია დამონტაჟებული.
ბოჭორიშვილის ქუჩაზე საგამოძიებო მოქმედებები ამ წუთებშიც მიმდინარეობს.
მკვლელობაში ეჭვმიტანილი უკვე დაკავებულია და ბრალის ოფიციალურად წარდგენას ელოდება. გამოძიება სისხლის სამართლის კოდექსის 108-ე მუხლით დაიწყო, რაც განზრახ მკვლელობას გულისხმობს.