ლაგოდეხის მუნიციპალიტეტის სოფელ კაბალში, პატარა ბაზრის მიმდებარე ტერიტორიაზე, შუახნის კაცი მოკლეს.
წინასწარი ინფორმაციით, კაცი საკუთარ ხორცის მაღაზიაში იმყოფებოდა, რა დროსაც უცნობმა პირმა მისი მისამართით რამდენჯერმე გაისროლა. დაჭრილი სასწრაფო დახმარების ბრიგადამ კლინიკაში გადაიყვანა, თუმცა მისი გადარჩენა ვერ მოხერხდა.
შემთხვევის ადგილზე იმყოფება პოლიცია და მიმდინარეობს საგამოძიებო მოქმედებები.
ფორმულა დეტალებს შსს-ში არკვევს.