ვენეციის კომისია "ქართული ოცნების" პარლამენტის მიერ პროტესტისა და გამოხატვის თავისუფლების შემზღუდავი საკანონმდებლო ცვლილებების შესახებ დასკვნას აქვეყნებს.
დოკუმენტის თანახმად, კანონპროექტები ნაჩქარევად იქნა მიღებული, შესაბამისი დაინტერესებული მხარეების ჩართულობის გარეშე, რაც „ძირს უთხრის ცვლილებების ლეგიტიმაციას, განსაკუთრებით მასობრივი პოლიტიკური მიტინგების ფართო პოლიტიკური კონტექსტის გათვალისწინებით“.
კომისიის შეფასებით, კანონშემოქმედებითი პროცესი ფუნდამენტურად ხარვეზიანი იყო.
"ცვლილებებით, ახალი წესები უამრავ ბუნდოვან დებულებას შეიცავს, რაც ხელისუფლებას ზედმეტად ფართო დისკრეციას ანიჭებს მათ გამოყენებაში. კანონმდებლობაში სიცხადის ნაკლებობა ზრდის მისი ბოროტად გამოყენების რისკს. მეტიც, ცვლილებებში არ არის სათანადოდ დასაბუთებული სხვადასხვა შემაკავებელი ზომის შემოღების აუცილებლობა და პროპორციულობა", - წერია დასკვნაში.