როგორც ცნობილია, საქართველოს რელიგიის სახელმწიფო სააგენტოსა და აზერბაიჯანის რელიგიის სახელმწიფო კომიტეტის შეთანხმებით, 22-23 ნოემბერს დაგეგმილი იყო საქართველოს დელეგაციის ვიზიტი აზერბაიჯანის რესპუბლიკაში, კახის, ზაქათალისა და ბელაქნის რაიონებში. დელეგაციასთან ერთად მართლმადიდებელი ქართველი მომლოცველების ნაწილსაც ეძლეოდა შესაძლებლობა ლაგოდეხი-ბელაქანის დაკეტილი სახმელეთო საზღვარი სპეციალური კოდით და წინასწარ შეთანხმებული სიის საშუალებით გადაეკვეთა და გიორგობის დღესასწაულის  შემდეგ იგივე გზით დაბრუნებულიყო საქართველოში.
სამწუხაროდ, ისტორიულ ქართულ კუთხეში - საინგილოში, საქართველოს დელეგაციის ვიზიტი გაურკვეველი მიზეზებით ჩაიშალა აზერბაიჯანული მხარის წარმომადგნლების მხრიდან არაკონსტრუქციული დამოკიდებულების გამო. 
სამწუხაროდ, 23 ნოემბერს კახისა და ქურმუხის წმინდა გიორგის ტაძრებში გიორგობის დღესასწაულის შეხვედრას ვეღარ შეძლებენ საქართველოს და აზერბაიჯანის ის მოქალაქეებიც, ვინც სპეციალური კოდებით, ლაგოდეხი-ბელაქნის საზღვრით უნდა გამგზავრებულიყვნენ კახის რაიონში. სამწუხაროდ, ახალციხისა და ტაო-კლარჯეთის მიტროპოლიტი თეოდორე (ჭუაძე) და სამღვდელოებაც ვერ შეძლებს კახში ჩასვლას და მართლმადიდებელი ქართველებისთვის გიორგობის დღესასწაულის მილოცვას. 

ავტორი: სერგო კერესელიძე, საინგილოს მკვლევარი, ჟურნალისტი