Forbes-ის მილიარდერების განახლებული ინდექსის თანახმად, გასული წლის მსგავსად, სიაში ყველაზე მდიდარი ქართველი კვლავ მიხეილ ლომთაძეა.
Forbes-ის შეფასებით, ყაზახეთის წამყვანი ფინტექ კომპანია Kaspi.kz-ის თანადამფუძნებელი და აღმასრულებელი დირექტორი 5.9 მილიარდს ფლობს, რითაც რეიტინგში 579-ე ადგილს იკავებს. აღსანიშნავია, რომ ეს მაქსიმალური შეფასებაა 49 წლის მილიარდერის ქონებისთვის, რაც მას აქამდე ჰქონია. 2024 წელს მისი ქონება 5.2 მილიარდად ფასდებოდა.
Forbes-ის მილიარდერების ინდექსში სულ ორი ქართველი შედის. ბიძინა ივანიშვილის ქონება, რომელიც 2024 წლის რეიტინგში 4.9 მილიარდ დოლარად იყო შეფასებული 2.7 მილიარდ დოლარამდე შემცირდა, რითაც ის რეიტინგში 1299-ე ადგილს იკავებს. ივანიშვილი რეიტინგში ყველაზე მდიდარი ქართველი 2023 წელს და წინა პერიოდში იყო.