მსოფლიოს 2026 წლის ჩემპიონატის მასპინძლები ამერიკის შეერთებული შტატები, მექსიკა და კანადა იქნებიან. აშშ-ის სახელმწიფო დეპარტამენტთან დაახლოებული წყარო იტყობინება, არსებობს რისკი, რომ ყველა გულშემატკივარი ვერ შეძლებს ლეგალურად შეძენილი ბილეთების გამოყენებას.

საქმე ისაა, რომ პრეზიდენტ დონალდ ტრამპის ადმინისტრაციის ანტიიმიგრაციულმა პოლიტიკამ, შეიძლება, გამოიწვიოს ის, რომ გულშემატკივრებისთვის, რომლებსაც მსოფლიო ჩემპიონატზე მოსახვედრად აშშ-ის ვიზა სჭირდებათ, გაუარესდეს მოლოდინის დრო და მიღებული გადაწყვეტილებების რაოდენობა.

ფეხბურთის საერთაშორისო ფედერაცია (ფიფა) მუდმივ კონტაქტშია აშშ-ის საიმიგრაციო სამსახურის ხელმძღვანელობასთან და იმედოვნებს, რომ გაამარტივებს ამ პროცესს.