არქიტექტორებისთვის პროექტის დასამოწმებლად სერტიფიცირების ვალდებულება 10 თვით გადავადდა

არქიტექტორს არქიტექტურული პროექტის დასამოწმებლად სერტიფიცირება 2026 წლის პირველ სექტემბრამდე არ მოეთხოვება. შესაბამის ცვლილებას ხელი "ქართული ოცნების" პრეზიდენტმა მიხეილ ყაველაშვილმა უკვე მოაწერა.

"არქიტექტორს ამ კანონის მე-4 მუხლის პირველი პუნქტით გათვალისწინებული არქიტექტურული პროექტის დასამოწმებლად 2026 წლის 1 სექტემბრამდე შესაბამისი სერტიფიკატის ფლობა არ მოეთხოვება.“, - აღნიშნულია შესაბამის საკანონმდებლო ცვლილებაში.

აქამდე მოქმედი კანონით, არქიტექტორებს სერტიფიკატის გარეშე არქიტექტურული პროექტის დამოწმება მიმდინარე წლის პირველ დეკემბრამდე შეეძლოთ.