უკრაინის პრეზიდენტმა, ვოლოდიმირ ზელენსკიმ და გერმანიის კანცლერმა, ოლაფ შოლცმა სატელეფონო საუბარი გამართეს.

უკრაინის ლიდერმა გერმანიის კანცლერს მადლობა გადაუხადა უკრაინის მხარდაჭერისთვის, კერძოდ, უკრაინის საჰაერო თავდაცვის შესაძლებლობების გაძლიერებისთვის.

„ჩვენ განვიხილეთ გადამწყვეტი ერთობლივი ნაბიჯები - როგორც ორმხრივი, ასევე პარტნიორებთან - რამაც შეიძლება კიდევ უფრო გააძლიეროს უკრაინის თავდაცვისუნარიანობა. რუსეთზე ზეწოლის გაზრდა და უკრაინის პოზიციების გაძლიერება ყველა ფრონტზე გადამწყვეტია, რათა აგრესორი ვაიძულოთ, რეალური მშვიდობისკენ ნაბიჯი გადადგას“, - აღნიშნა ვოლოდიმირ ზელენსკიმ.