Erasmus+ 13 ათასზე მეტმა ქართველმა სტუდენტმა და აკადემიური პერსონალის წარმომადგენელმა ისარგებლა - EU-ს საელჩო

ბოლო ათწლეულების განმავლობაში, Erasmus+ პროგრამის მეშვეობით 13 ათასზე მეტმა სტუდენტმა და აკადემიური პერსონალის წარმომადგენელმა საქართველოდან ისწავლა და გაიარა ტრენინგები ევროპაში.

მათი მგზავრობის, სწავლისა და ცხოვრების ხარჯები სრულად იყო დაფინანსებული ევროკავშირის მხრიდან. ამის შესახებ ინფორმაციას საქართველოში ევროკავშირის საელჩო ავრცელებს.

"Erasmus Mundus პროგრამის მიერ ერთობლივი სამაგისტრო პროგრამების სტიპენდიით 290 ქართველმა სტუდენტმა ისწავლა ევროპის წამყვან უნივერსიტეტებში - რამაც მათ აკადემიურ წარმატებასა და პროფესიულ ზრდას შუწყო ხელი.ამავდროულად, 22 000-ზე მეტმა ახალგაზრდამ საქართველოდან მონაწილეობა მიიღო ევროკავშირის მიერ დაფინანსებულ ახალგაზრდების სასწავლო მობილობაში, კულტურულ პროექტებსა და სასწავლო პროგრამებში, რაც დიალოგს, ჩართულობას და საერთო ევროპული ღირებულებების გაზიარებას აძლიერებდა.

ევროკავშირის ფარგლებს გარეთ პარტნიორ ქვეყნებს შორის საქართველო მე-4 ადგილზეა Erasmus+ პროგრამის საშუალებით გამავალი მობილობის მხრივ - რაც ასახავს საქართველოს მოქალაქეების სურვილს მიიღონ ცოდნა, გამოცდილება დაამყარონ კავშირები ევროპაში", - წერია საელჩოს გავრცელებულ ინფორმაციაში.