საერთაშორისო სავალუტო ბირჟაზე თურქული ლირა ახალ ანტირეკორდს ამყარებს - დღეს მეზობელი სახელმწიფოს ეროვნული ვალუტა უკიდურესად მკვეთრად გაუფასურდა და 1 ამერიკული დოლარის კურსმა 41 ლირას მიაღწია, რაც ერთ დღეში დაფიქსირებული 14%-იანი ცვლილებაა.

ერთწლიან პერიოდში ლირა თითქმის 28%-ითაა გაუფასურებული და ძირითად ვალუტებს შორის მას ყველაზე ცუდი შედეგი აქვს.

ლირის ბოლოდროინდელი გაუფასურება პირდაპირ კავშირშია სტამბოლის მერის დაკავებასთან, რაც ქვეყანაში პოლიტიკური არასტაბილურობის რისკებს ზრდის და ამყარებს წარმოდგენას, რომ პრეზიდენტ რეჯეპ ტაიპ ერდოღანის მთავრობა ავტორიტარიზმისაკენ მიიწევს, ვინაიდან, დაკავებული ექრემ იმამოღლუ ოპოზიციონერი პოლიტიკური ლიდერია.