მიმდინარე კვირის ბოლოს, აშშ-ის და ჩინეთის წარმომადგენლები ტარიფების საკითხზე მოსალაპარაკებლად ერთმანეთს ნეიტრალურ ტერიტორიაზე, შვეიცარიის ქალაქ ჟენევაში შეხვდებიან.

მოლაპარაკების პროცესში ვაშინგტონის მხარეს ფედერალური ხაზინის ხელმძღვანელი, სკოტ ბესენტი წარმოადგენს, ხოლო პეკინის ინტერესებს ვიცე-პრემიერი ჰი ლიფენი დაიცავს. ამასთან, შეხვედრას დაესწრებიან სავაჭრო დეპარტამენტის და სახელმწიფო დეპარტამენტის წარმომადგენლები.

უნდა აღინიშნოს, რომ პრეზიდენტ დონალდ ტრამპის მიერ წამოწყებული სავაჭრო ომის შემდეგ, ეს აშშ-ჩინეთის დელეგაციების პირველი ოფიციალური შეხვედრა იქნება, რომლის მიზანს მხარეებს შორის შეთანხმების მიღწევა და 145%-იანი სატარიფო რეჟიმის შემსუბუქება წარმოადგენს.