დღეს, დიდმა ბრიტანეთმა რუსეთის წინააღმდეგ დამატებითი სანქციები გამოაცხადა, რასაც პრემიერ-მინისტრი კირ სტარმერი „დიდი შვიდეულის“ (G7) ქვეყნის კოორდინირებულ ნაბიჯს უწოდებს.

უახლესი სანქციები ოთხ ფიზიკურ პირს, ექვს ორგანიზაციას და 20 გემს ეხება, მათ შორის ნავთობის ტანკერებს, საზღვაო ფლოტთან დაკავშირებულ კომპანიებს და რუსეთისთვის საქონლის, განსაკუთრებით კი ელექტრონიკის მომწოდებლებს.

სანქციები მიმართულია რუსეთის სამხედრო, ენერგეტიკული, ფინანსური სექტორებისა და იმ პირების წინააღმდეგ, რომლებიც პუტინის საინფორმაციო ომს აწარმოებენ უკრაინის წინააღმდეგ.

დიდი ბრიტანეთი და მისი პარტნიორები ასევე მუშაობენ ნავთობის ფასების ლიმიტის გამკაცრებაზე, რაც კიდევ უფრო შეზღუდავს პუტინის საომარი მანქანისთვის ნავთობიდან მიღებულ კრიტიკულ შემოსავლებს.

2022 წელს უკრაინაში შეჭრის შემდეგ, დიდმა ბრიტანეთმა უკვე დააწესა სანქციები 2300-ზე მეტ ფიზიკურ პირზე, ორგანიზაციასა და გემზე.