გარემოს ეროვნული სააგენტო 21-23 იანვარს საქართველოში მოსალოდნელი ამინდის შესახებ ინფორმაციას ავრცელებს.

სააგენტოს ცნობით, 24 იანვრამდე საქართველოში შენარჩუნებული იქნება ცივი ამინდი.

„თბილისში ცივი და უმეტესად უნალექო ამინდი იქნება. ჰაერის ტემპერატურა ღამით -2, -6, დღისით +2, +6 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი) 21 და 23 იანვარს მოსალოდნელია ნალექიანი, ხოლო 22 იანვარს – უნალექო ამინდი. ჰაერის ტემპერატურა დღისით ღამით +1, +3, დღისით +8 +10 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი) 21 და 23 იანვარს მოსალოდნელია ნალექიანი, ხოლო 22 იანვარს – უნალექო ამინდი. ჰაერის ტემპერატურა ღამით -3, +3, დღისით +7, +9 გრადუსი დაფიქსირდება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი) დროგამოშვებით მოსალოდნელია თოვლი. ჰაერის ტემპერატურა ღამით -5, -10, დღისით +1, +6 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო) დროგამოშვებით თოვლია მოსალოდნელი. ჰაერის ტემპერატურა ღამით -8, -13, დღისით -3, +2 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი) ცივი და უმეტესად უნალექო ამინდი იქნება. ჰაერის ტემპერატურა ღამით -7, -12, დღისით +1, +4 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო) ცივი და უმეტესად უნალექო ამინდი იქნება. ჰაერის ტემპერატურა ღამით -5, -10, დღისით +1, +4 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური) ცივი და უმეტესად უნალექო ამინდი იქნება. ჰაერის ტემპერატურა ღამით -8 -13, დღისით -2, +2 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო) ცივი და უმეტესად უნალექო ამინდი იქნება. ჰაერის ტემპერატურა ღამით -13, -18, დღისით -1, -6 გრადუსი დაფიქსირდება“, – ნათქვამია გარემოს ეროვნული სააგენტოს მიერ გავრცელებულ ინფორმაციაში

სურსათის ეროვნული სააგენტოს ინფორმაციით, თბილისში არაგეგმური კონტროლის ფარგლებში, ყავის საწარმო შპს „ტრეიდერი" შეამოწმა და შემოწმების შედეგად რამდენიმე მნიშვნელოვანი დარღვევა გამოიკვეთა.

სააგენტოს ინფორმაციით, დადგინდა, რომ ბიზნესოპერატორი ყავას (მოხალვა, დაფქვა, დაფასოება) ეკონომიკურ საქმიანობათა რეესტრში რეგისტრაციის გარეშე აწარმოებდა. ბაზარზე პროდუქცია სავაჭრო დასახელებებით „ვილა“ და „ვილა გოლდი“ გამოდიოდა.

ინსპექტირებისას სპეციალისტებმა პროდუქციის შემადგენლობასა და წარმოების პროცესში კრიტიკული შეუსაბამობები დააფიქსირეს:

ფალსიფიკაცია: პროდუქციის წარმოებისას ნედლეულად, ყავის მარცვლებთან ერთად, გამოყენებული იყო მოხალული ბარდა;
რეალიზაციის არეალი: აღნიშნული პროდუქცია მცირე სავაჭრო ობიექტებში იყიდებოდა;
სტანდარტების დარღვევა: გამოვლინდა კრიტიკული შეუსაბამობები, მათ შორის ეტიკეტირებისა და მიკვლევადობის წესების დარღვევა.
გამოვლენილი დარღვევების გამო, ბიზნესოპერატორი კანონმდებლობის შესაბამისად დაჯარიმდა. ამასთანავე, სურსათის ეროვნული სააგენტოს გადაწყვეტილებით, საწარმოო პროცესი შეჩერდა შეუსაბამობების სრულად აღმოფხვრამდე.

სააგენტო მოუწოდებს მომხმარებლებს, გამოიჩინონ სიფრთხილე და ყურადღება მიაქციონ პროდუქციის ეტიკეტირებას.

სამეწარმეო რეესტრის თანახმად, კომპანიის დირექტორი და მფლობელი გიორგი ზირაქაშვილია.

აღ­მა­შე­ნებ­ლის გამ­ზირ­ზე ხან­ძა­რია. ცე­ცხლი ე.წ. იტა­ლი­ურ ეზო­ში ერთ-ერთი სა­ცხოვ­რე­ბე­ლი სახ­ლის გა­და­ხურ­ვა­ზე გაჩ­ნდა.

არ­სე­ბუ­ლი ინ­ფორ­მა­ცი­ით, მომ­ხდა­რის შე­დე­გად არა­ვინ და­შა­ვე­ბუ­ლა.

რო­გორც „ინ­ტერპრეს­ნი­უსს“ სა­გან­გე­ბო სი­ტუ­ა­ცი­ე­ბის მარ­თვის სამ­სა­ხურ­ში გა­ნუ­ცხა­დეს, ხან­ძა­რი ლო­კა­ლი­ზე­ბუ­ლია და ცე­ცხლის სა­ლიკ­ვი­და­ციო სა­მუ­შა­ო­ე­ბი მიმ­დი­ნა­რე­ობს.

„აჭარა თაიმსის“ ინფორმაციით, ბათუმში მდებარე სასტუმრო „რედისონ ბლუში“ ინტოქსიკაციის შემთხვევა დაფიქსირდა, რის შედეგადაც სულ მცირე ორი ადამიანი მოიწამლა.

რამდენიმე, ერთმანეთისგან დამოუკიდებელი წყარო, მათ შორის თანამშრომლები, „აჭარა თაიმსთან“ პირად საუბარში აცხადებენ, რომ ინციდენტი სასტუმროს შიდა აუზში მოხდა. მათი თქმით, სავარაუდოდ, აუზში ქლორის გადაჭარბებული რაოდენობა ჩაასხეს, რამაც იქ მყოფი ადამიანების ჯანმრთელობის გაუარესება გამოიწვია.

შემთხვევა გუშინ, 15 იანვარს მოხდა. მოწამლული პირები ბათუმის ერთ-ერთ კლინიკაში გადაიყვანეს, სადაც მათ შესაბამისი სამედიცინო დახმარება გაეწიათ. არსებული ინფორმაციით, მათი ჯანმრთელობის მდგომარეობა ამ ეტაპზე სტაბილურია.

ინციდენტის დროს სასტუმროში იმყოფებოდნენ სასწრაფო სამედიცინო დახმარების ჯგუფი და პოლიციის თანამშრომლები.

„აჭარა თაიმსი“ დაუკავშირდა სასტუმროს ცხელ ხაზსა და ადმინისტრაციას, სადაც განაცხადეს, რომ ოფიციალური განმარტების გაკეთების შემთხვევაში რედაქციას თავად დაუკავშირდებიან.

შინაგან საქმეთა სამინისტროში კი, თითქმის ორ საათიანი ლოდინის მიუხედავად, ჩვენს კითხვებზე პასუხი ვერ მივიღეთ.

ბათუმის მუნიციპალურ ინსპექციაში „აჭარა თაიმსს“ განუცხადეს, რომ ინციდენტის შესახებ ინფორმაცია არ ჰქონდათ. უწყების განმარტებით, აუზების შემოწმება წელიწადში ერთხელ, სეზონურად ტარდება. გასული წლის ზაფხულში განხორციელებული შემოწმებისას კი მაჩვენებლები ნორმის ფარგლებში იყო.