სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი ილია მეორე მოქალაქეებს ახალ, 2026 წელს ულოცავს.

„ახალ წელს ჩვენ ვულოცავთ ერთმანეთს ამ დღესასწაულს. გილოცავთ. მივულოცავ ჩვენს ახალგაზრდობას. ფეხბედნიერი ყოფილიყოს ეს წელი. იმედით უნდა ვიყოთ“, – აცხადებს ილია მეორე საახალწლო მილოცვაში.

იუსტიციის სახლი ახალი წლის დღესასწაულებთან დაკავშირებით განსხვავებულ რეჟიმში იმუშავებს. უწყება განცხადებას ავრცელებს:

"გაცნობებთ, რომ ახალი წლის სადღესასწაულო დღეებთან დაკავშირებით იუსტიციის სახლი 2026 წლის 1, 2, 3, 4 და 7 იანვარს არ იმუშავებს.

5 და 6 იანვარს იუსტიციის სახლი იმუშავებს 09:00 საათიდან 15:00 საათამდე. აღნიშნულ დღეებში მომსახურება გაიცემა შეზღუდულად", - იტყობინება უწყება.

სერვისების ჩამონათვალი იხილეთ ბმულზე.

ამასთან, 1 იანვრიდან 8 იანვრამდე არ იმუშავებს მობილური იუსტიციის სახლი.

უქმე დღეებში ქორწინების სახლები, წინასწარ წარდგენილი განცხადების საფუძველზე, უზრუნველყოფენ:

სპეციალურ სარიტუალო მომსახურებას;
შენობის გარეთ (ადგილზე) მომსახურებას.
8 იანვრიდან იუსტიციის სახლის ყველა სერვისი მომხმარებლებისთვის ჩვეულ რეჟიმში იქნება ხელმისაწვდომი.

2026 წლის 1-ლი იანვრიდან შორ მანძილზე მიკროავტობუსებით მგზავრთა გადაყვანა აღარ იქნება შესაძლებელი. აღნიშნულის შესახებ „ავტოსადგურის და ავტოსადგომის ფუნქციონირების წესისა და პირობების“ შესახებ ტექნიკურ რეგლამენტშია ნათქვამი.

„ქალაქებს (თბილისი, ქუთაისი, ბათუმი, ზუგდიდი, თელავი) და ასევე 150 კილომეტრზე მეტი მანძილით დაშორებულ საქართველოში მდებარე შესაბამის დასახლებებს (ქალაქი, სოფელი, დაბა) შორის ქვეყნის შიდა რეგულარული სამგზავრო გადაყვანისას მოემსახუროს მხოლოდ III კლასის არანაკლებ 35 დასაჯდომი ადგილის (მძღოლის ადგილის გარდა) მქონე M3 კატეგორიისა და მინიმუმ „EURO IV უსაფრთხო კატეგორიის“ ავტობუსი ან ავტობუსი, რომლის გამოშვების თარიღიდან გასულია არაუმეტეს 20 წლისა“, - ვკითხულობთ რეგლამენტში.

შეგახსენებთ, რომ საქალაქთაშორისო გადაყვანებთან დაკავშირებით რამდენიმე ახალი რეგლამენტი 2024 წლის განმავლობაში დამტკიცდა და ამოქმედება ეტაპობრივად 2025 წლიდან იყო დაგეგმილი. რეგულაციებს შორის იყო ცვლილება, რომლის მიხედვითაც 2025 წლის 1-ლი ივნისიდან საქალაქთაშორისო გადაყვანა შორ მანძილზე მიკროავტობუსებით ვეღარ განხორციელდებოდა. თუმცა, 2025 წლის 30 მაისის დადგენილებით, ამ შეზღუდვის ამოქმედება 2026 წლის 1-ელ იანვრამდე გადავადდა.

1-ლი იანვრიდან შორ მანძილზე მგზავრთა გადაყვანა მიკროავტობუსებით აიკრძალება1-ლი იანვრიდან შორ მანძილზე მგზავრთა გადაყვანა მიკროავტობუსებით აიკრძალება
2026 წლის 1-ლი იანვრიდან შორ მანძილზე მიკროავტობუსებით მგზავრთა გადაყვანა აღარ იქნება შესაძლებელი. აღნიშნულის შესახებ „ავტოსადგურის და ავტოსადგომის ფუნქციონირების წესისა და პირობების“ შესახებ ტექნიკურ რეგლამენტშია ნათქვამი.

„ქალაქებს (თბილისი, ქუთაისი, ბათუმი, ზუგდიდი, თელავი) და ასევე 150 კილომეტრზე მეტი მანძილით დაშორებულ საქართველოში მდებარე შესაბამის დასახლებებს (ქალაქი, სოფელი, დაბა) შორის ქვეყნის შიდა რეგულარული სამგზავრო გადაყვანისას მოემსახუროს მხოლოდ III კლასის არანაკლებ 35 დასაჯდომი ადგილის (მძღოლის ადგილის გარდა) მქონე M3 კატეგორიისა და მინიმუმ „EURO IV უსაფრთხო კატეგორიის“ ავტობუსი ან ავტობუსი, რომლის გამოშვების თარიღიდან გასულია არაუმეტეს 20 წლისა“, - ვკითხულობთ რეგლამენტში.

შეგახსენებთ, რომ საქალაქთაშორისო გადაყვანებთან დაკავშირებით რამდენიმე ახალი რეგლამენტი 2024 წლის განმავლობაში დამტკიცდა და ამოქმედება ეტაპობრივად 2025 წლიდან იყო დაგეგმილი. რეგულაციებს შორის იყო ცვლილება, რომლის მიხედვითაც 2025 წლის 1-ლი ივნისიდან საქალაქთაშორისო გადაყვანა შორ მანძილზე მიკროავტობუსებით ვეღარ განხორციელდებოდა. თუმცა, 2025 წლის 30 მაისის დადგენილებით, ამ შეზღუდვის ამოქმედება 2026 წლის 1-ელ იანვრამდე გადავადდა.

მაშინ სახმელეთო ტრანსპორტის სააგენტოში განმარტავდნენ, რომ შორ მანძილზე მგზავრთა გადაყვანის რეფორმის გადავადება, გადამყვანებისთვის ავტოპარკის განახლებისთვის საჭირო დროის მიცემასთან იყო დაკავშირებული.

„ბიზნესპრესნიუსი“ დაუკავშირდა სახმელეთო ტრანსპორტის სააგენტოს იმის გასარკვევად, ხომ არ იგეგმება კვლავ ამ რეფორმის გადავადება, თუმცა, როგორც სააგენტოში აცხადებენ აღნიშნულთან დაკავშირებით ამ ეტაპზე ინფორმაცია არ აქვთ.

საავტომობილო გზების დეპარტამენტი გზებზე არსებული მდგომარეობის შესახებ უახლეს ინფორმაციას აქვეყნებს.

უწყების ცნობით, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ106 მონაკვეთზე მსუბუქი ავტოტრანსპორტის მოძრაობა აღდგენილია, ხოლო მისაბმელიანი და ნახევრად მისაბმელიანი ავტოტრანსპორტის გადაადგილება აკრძალულია. საერთაშორისო მნიშვნელობის თბილისი-სენაკი-ლესელიძის საავტომობილო გზის კმ133-კმ162 (სურამის სატრანსპორტო კვანძი-ბორითი) მონაკვეთზე მისაბმელიანი და ნახევრად მისაბმელიანი ავტოტრანსპორტის მოძრაობა აღდგენილია.