ჩხოროწყუს მუნიციპალიტეტში, სოფელ ხაბუმეში, საცხოვრებელ სახლში გაჩენილ ხანძარს დედა-შვილი ემსხვერპლა. გავრცელებული ინფორმაციით, დაღუპულები არიან 60 წლამდე ქალი და მისი ხანდაზმული დედა.

ამ დროისთვის ცეცხლის გამომწვევი მიზეზი უცნობია.  შსს-ს ინფორმაციით, რომ გამოძიება სისხლის სამართლის კოდექსის 188-ე მუხლით დაიწყო, რაც გაუფრთხილებლობით ნივთის დაზიანებას ან განადგურებას გულისხმობს

თბილისში, ისნის მეტროს მიმდებარედ ხანძარია - ვიდეოს სოციალურ ქსელში "ჩემი ქალაქი მკლავს" ავრცელებს.

კადრებში ჩანს, რომ ცეცხლი მაღალსართულიანი კორპუსის ბოლო სართულს უკიდია. 

როგორც საგანგებო სიტუაციების მართვის სამსახურში აცხადებენ, ცეცხლი ერთ-ერთ საცხოვრებელ ბინაში გაჩნდა.

მართლმადიდებელი ეკლესია დღეს წმინდა ნიკოლოზის წმინდა ნაწილების ამოყვანების დღეს აღნიშნავს. ამასთან დაკავშირებით ტაძრებში სადღესასწაულო წირვა-ლოცვა შესრულდება.

მირონლუკიიდან იტალიის ქალაქ ბარში წმინდა ღვდელმთავრის წმინდა ნაწილების გადასვენება მისი გარდაცვალებიდან 7 საუკუნის შემდეგ, 1087 წელს მოხდა. წმინდა ნიკოლოზმა სიცოცხლეში უამრავი სასწაული აღავლინა და დღესაც აღევლინება ქალაქ ბარში, წმინდა ნიკოლოზის სახელობის ეკლესიაში დასვენებული მისი წმინდა ნაწილებიდან. მართლმადიდებლები წმინდა მღვდელთმთავარს შეწევნისათვის ყოველგვარი გასაჭირის ჟამს მიმართავენ.

წმინდა ნიკოლოზ სასწაულმოქმედი საქართველოს მართლმადიდებელი ეკლესიის მფარველად მას შემდეგ ითვლება, რაც საქართველოს კათოლიკოს-პატრიარქმა მას ქართული ეკლესია შეავედრა.

ეკლესია წმინდა ნიკოლოზ სასწაულთმოქმედის ხსენებას წელიწადში ორჯერ აღნიშნავს. 19 დეკემბერი მისი გარდაცვალების დღეა.

1 იანვრიდან არასამკურნალო მიზნით ან ფუნქციური დანიშნულების გარეშე ძაღლისთვის კუდისა და ყურის მოჭრა აიკრძალება. ამას ითვალისწინებს ახალი კანონი, რომელიც ძალაში სწორედ 2026 წლის 1 იანვრიდან შევა. კანონის მიხედვით, ცხოველისთვის ასევე აიკრძალება შემდეგი ვეტერინარული ოპერაციების ჩატარება: 

• ყურების კუპირება
• კუდის კუპირება
• ეშვების ექსტრაქცია
• კლანჭების ოპერაციული ამოკვეთა
• სმენის დაქვეითება
• ხმის იოგების გადაჭრა