არაგვის ხიდზე ტრანსპორტის მოძრაობა თავისუფალია. ინფრასტრუქტურის სამინისტროს საავტომობილო გზების დეპარტამენტის ინფორმაციით, დაზიანებული გზის შეკეთების 2 დეკემბერს დაწყებული სამუშაოები დროზე ადრე დასრულდა. მათი ცნობით, ინფრასტრუქტურული სამუშაოები 10 დღე უნდა გაგრძელებულიყო.

"საერთაშორისო მნიშვნელობის თბილისი-სენაკი-ლესელიძის საავტომობილო გზის 26-ე კმ-ზე, (თბილისი-სენაკის მიმართულება), მდინარე არაგვის სახიდე გადასასვლელის მარჯვენა სამოძრაო ზოლზე, დაზიანებული სავალი ნაწილის შეკეთების სამუშაოები განსაზღვრულ დროზე ადრე დასრულდა და ავტოტრანსპორტის მოძრაობა აღდგენილია", - ნათქვამია საავტომობილო გზების დეპარტამენტის გავრცელებულ ინფორმაციაში.

სურსათის ეროვნულმა სააგენტომ ბათუმში საბავშვო ბაღის კვების ბლოკს საწარმოო პროცესი შეუჩერა, – ინფორმაციას ამის შესახებ სურსათის ეროვნული სააგენტო ავრცელებს.

მათივე ცნობით, შემოწმებისას კრიტიკული შეუსაბამობები გამოვლინდა.

„სურსათის ეროვნული სააგენტოს აჭარის დეპარტამენტის ინსპექტორებმა, მიღებული შეტყობინების საფუძველზე, არაგეგმური ინსპექტირება განახორციელეს ბათუმში, ტბელ აბუსერიძის ქ N1-ში მდებარე საბავშვო ბაღში – „სტარ ბათუმი“ (ს/კ 345682692).

შემოწმებისას გამოვლინდა კრიტიკული შეუსაბამობები, არასათანადო რეცხვა-დეზინფექცია და წყალმომარაგების პრობლემა. ასევე დადგინდა, რომ ბიზნესოპერატორი საქმიანობდა ეკონომიკურ საქმიანობათა რეესტრში რეგისტრაციის გარეშე.

აღნიშნული შეუსაბამობების გამო ბიზნესოპერატორი დაჯარიმდა და შეუჩერდა საწარმოო პროცესი დარღვევების გამოსწორებამდე.

სურსათის ეროვნული სააგენტო მოუწოდებს მომხმარებლებს, რომ დარღვევის აღმოჩენის შემთხვევაში, ინფორმაცია დატოვონ ცხელ ხაზზე – 15-01.

სამომხმარებლო ბაზრის ერთობლივი მონიტორინგი და მოსახლეობის აქტიური ჩართულობა სურსათის ეროვნულ სააგენტოს საშუალებას მისცემს, დროულად გამოავლინოს და აღმოფხვრას შეუსაბამობები“, – აღნიშნულია ინფორმაციაში.

აზერბაიჯანული მედია ავრცელებს ინფორმაციას, რომ გუშინ, 8 დეკემბერს ზაქათალის რაიონის დაბა ალიაბადში ადგილობრივი ისმაილ მამედოვის ცხედარი ოჯახის წევრებმა საკუთარი სახლის ეზოში, დამხმარე შენობაში აღმოაჩინეს.

ფაქტთან დაკავშირებით ზაგათალას რაიონულპროკურატურაში გამოძიება მიმდინარეობს.

აღსანიშნავია, რომ ზაქათალისა და ბელაქნის რაიონებში მცხოვრებ ინგილო ქართველების 95%-ზე მეტს კომუნისტური რეჟიმის დროს საბჭოთა პასპორტებში ძველი ქართული გვარები ახალიაზერბაიჯანული გვარებით შეუცვალეს. მათთვის დღემდე პრობლემაა ახალშობილისთვის ქართულისახელების დარქმევაც.

დაბა ალიაბადი (ისტორიული ელისენი) საინგილოშიყველაზე დიდი და მრავალრიცხოვანი დასახლებააქალაქების შემდეგ. ალიაბადის მოსახლეობადაახლოებით 11 ათასზე მეტია (მოსახლეობის 98 % ეთნიკური ქართველია და ისინი ქართული ენისინგილოური დიალექტის ალიაბათურ კილოზესაუბრობენ). ალიაბადის უბნებს (ობა) დღემდე ძველიქართული სახელები აქვთ შემორჩენილი - ქურა, ქევხიანი (ქევხიშვილების), ციცქვილ (ანუწისქვილის), ჩიტის, ძაღლის (ვარდის), ასუსტიანი, კურდღლისი (მე-3 ბრიგადა), მურტალიანი, ზემოთ ობადა სხვ.

ალიაბადში ჯერ კიდევ 1938 წელს 4 ქართული სკოლაგაიხსნა (იმ პერიოდში ქართული სკოლა გაიხსნაქალაქ ზაქათალაშიც). სამწუხაროდ, დღეისათვისალიაბადის 4 სკოლიდან მხოლოდ 1 სკოლაშიადარჩენილი ქართული სექტორი და მასაც დახურვაემუქრება. ალიაბადის აზერბაიჯანულ სკოლებსა და 1 რუსულ სექტორზეც ინგილო ქართველი მოსწავლეებისწავლობენ. მათი გაკვეთილების ცხრილში საერთოდარაა გათვალისწინებული მშობლიური ქართულ ენის სწავლება.

ავტორი: გიორგი კერესელიძე

ეკონომიკური პოლიტიკის კომიტეტის სხდომაზე, ივანიშვილის განათლების მინისტრის მოადგილემ, ზვიად გაბისონიამ განსახილველი ცვლილებები წარადგინა.

მისი თქმით, ახალი მოდელის მიხედვით, აბიტურიენტები ერთზე მეტი ფაკულტეტისა და უნივერსიტეტის არჩევას ვეღარ შეძლებენ, რადგან მთავარი ამოცანა იქნება მხოლოდ მაღალქულიანი სტუდენტების მოხვედრა. 

"დღეს არსებული მოდელის მიხედვით, თქვენ იცით, რომ როდესაც სტუდენტი ხაზავს სასურველ ფაკულტეტებს, მას აქვს ვარიანტები, რომ რამდენიმე უნივერსიტეტი მოხაზოს და საბოლოო ჯამში, ის თუ ვერ მოხვდა თავისი ქულების მიხედვით პირველ უნივერსიტეტში, ან მეორეში მოხვდება, ან მესამეში, ან მეოთხეში და რეალურად ამით ხარისხი, მოგეხსენებათ, ვარდება.

ახალი მოდელის მიხედვით, ამის საშუალება არ იქნება, ანუ მთავარი ამოცანა იქნება, რომ მხოლოდ მაღალკვალიფიციური, მაღალი ქულების მქონე სტუდენტები მოხვდნენ, რადგან ჩვენთვის ფუნდამენტური ამოცანაა, რომ ხარისხი გავზარდოთ ამ მიმართულებით." - თქვა გაბისონიამ. 

ცნობისთვის, ცვლილება ასევე ეხება უნივერსიტეტების სახელმწიფო გრანტების მოდელსაც, რომლის მიხედვითაც, 2026 წლიდან ყველა სტუდენტი, რომელიც სახელმწიფო უნივერსიტეტში ჩააბარეს, უფასოდ ისწავლის.

რაც შეეხება კერძო უნივერსიტეტებს, მოქმედ სტუდენებს არსებული გრანტები შეუნარჩუნდებათ, 2026 წლიდან კი კერძო უნივერსიტეტების პირველკურსელები სახელმწიფოსგან დაფინანსებას ვეღარ მიიღებენ.