უნგრეთის არჩევნებში ამომრჩეველთა აქტივობამ 13:00 საათისთვის რეკორდულ 54.1%-ს მიაღწია

უნგრეთის საპარლამენტო არჩევნებში ამომრჩეველთა აქტივობამ 13:00 საათისთვის რეკორდულ 54.1%-ს მიაღწია. 2022 წელს იგივე მაჩვენებელი 40%-ს შეადგენდა.

ამომრჩეველთა აქტივობამ რეკორდულ მაჩვენებელს მიაღწია 07:00, 09:00, 11:00 საათებზეც.

ქვეყნის პრემიერმინისტრმა ვიქტორ ორბანმა, პარტია Fidesz-ის ლიდერმა, ბუდაპეშტში დღეს დილით მისცა ხმა და განაცხადა, რომ კმაყოფილია მაღალი აქტივობით - "ეს დემოკრატიის გამარჯვებაა. რაც უფრო მეტი ადამიანი მონაწილეობს, მით უკეთესია".

ორბანის პარტიის მთავარი კონკურენტი ოპოზიციური პარტია Tisza-ს ლიდერმა, პეტერ მაგიარმა ასევე დღეს დილით მისცა ხმა. მისი თქმით, რეკორდულად მაღალი აქტივობა და მშვიდი და გამჭვირვალე არჩევნები მის პარტიას გამარჯვებაში დაეხმარება.

"თუ ეს არჩევნები მშვიდ და კანონიერ გარემოში ჩატარდება, მაშინ Tisza და შესაბამისად, უნგრეთი ამ არჩევნებს მოიგებს" - განაცხადა მან.