პარლამენტის აქციის მონაწილეებმა საავტომობილო გზა გადაკეტეს. მოქალაქეები უკვე 23-ე დღეა, რაც საპროტესტო აქციებს მართავენ. ისინი ახალ არჩევნებსა და ბოლო კვირებში დაკავებული აქტივისტების გათავისუფლებას ითხოვენ.
ცოტა ხნის წინ აქციას მსვლელობით იურისტთა მარში შეუერთდა, რომელმაც იუსტიციის უმაღლესი საბჭოს მიმდებარე ტერიტორიიდან აიღო სტარტი და მსვლელობით რუსთაველის გამზირამდე მივიდა. რუსთაველის გამზირზე მიმდინარე აქციას საპროტესტო მსვლელობით მოგზაურობის მოყვარულთა მარშიც შეუერთდა.
პარალელურად, აქციას შეუერთდნენ ენერგეტიკის სფეროს წარმომადგენლები და ასევე საერთაშორისო უნივერსიტეტის სტუდენტები, რომლებიც ასევე მსვლელობით მოვიდნენ პარლამენტთან. პარლამენტთან მიმდინარე აქციას ასევე შეუერთდნენ „ვეგანების მარშის“ მონაწილეები, რომლებმაც რესპუბლიკის მოედნიდან გამართეს მსვლელობა.„ნუ შეგვჭამეთ“!, „ვეგან მოგვატყუებთ!“, „მშვიდობიანი მარშები გაგიყვანთ მარილზე!“.