ვასო აბაშიძის სახელობის ახალი თეატრი რეგიონებში გასვლას იწყებს.
მათი ინფორმაციით, 1-ელ თებერვალს აჭარაში ჩავლენ, 2-ში - სამეგრელოში.
თეატრი ბათუმისა და ზუგდიდის მერიებს მიმართავს:
"შემოტანილი განცხადების საფუძველზე უზრუნველყავით საპროტესტო მანიფესტის სრულფასოვნად და უსაფრთხოდ ჩატარება!" - წერს თეატრი.
23 იანვარს ვასო აბაშიძის სახელობის ახალი თეატრის ხელმძღვანელმა, დავით დოიაშვილმა თქვა, რომ რეგიონებში გასვლას იწყებენ. მათი მოთხოვნაა ანდრო ჭიჭინაძისა და რეჟიმის პატიმრების გათავისუფლება.