თბილისში მიმდინარე ევროპის ჩემპიონატი ეფექტურად დაასრულა ეთერ ლიპარტელიანმა (57 კგ), რომელმაც ისრაელის წარმომადგენელი ტიმნა ნელსონ ლევი ფინალში ეფექტური გდებით დაამარცხა.
შეხვედრის დასაწყისში ქართველმა ძიუდოისტმა გდება გაუშვა და ბოლო წამებამდე 0:1-ს აგებდა, თუმცა შეხვედრის დასრულებამდე 15 წამით ადრე ეთერ ლიპარტელიანმა მეტოქე იპონით დაამარცხა და მსოფლიო ჩემპიონის ტიტულს ევროპის ოქროც მიამატა.
იგი პირველი ქართველი ქალი ძიუდოისტია, რომელმაც ევროპა მოიგო.
ეთერ ლიპარტელიანმა საჩემპიონო გამარჯვება საქართველოს პატრიარქ ილია მეორის ხსოვნას მიუძღვნა – „შენს სახელზე იყო, პატრიარქო!“
