საგანმანათლებლო კვირეული "ეფექტური კომუნიკაცია და პიროვნული განვითარება", რომელიც სამგორში მცხოვრები მოზარდებისთვის, რაიონის გამგეობის მიერ იყო ორგანიზებული, დასრულდა. 
აღნიშნული პროექტის ფარგლებში, 16-დან 20 წლამდე ახალგაზრდებისთვის სხვადასხვა თემატიკის ხუთდღიანი ტრენინგები ბაკურიანში გაიმართა. 
მრავალფეროვანი აქტივობები ჯგუფური და ინდივიდუალური დავალებების შესრულებას მოიცავდა.
პროექტის ფარგლებში, მონაწილეები სამგორის რაიონის გამგებელს კახა სამხარაძეს შეხვდნენ და კითხვა-პასუხის რეჟიმში, მოზარდებისთვის საინტერესო საკითხები განიხილეს.
 საგანმანათლებლო კვირეულის მონაწილეებს სერტიფიკატები გადაეცათ. 
 პროექტის მიზანია მოზარდების ცნობიერების ამაღლება, კრიტიკული აზროვნებისა და სამოქალაქო ჩართულობის გაზრდის ხელშეწყობა, ასევე, საჯაროდ გამოსვლის უნარების გამომუშავება და გაუმჯობესება.