აშშ-ში დონალდ ტრამპისა და ილონ მასკის წინააღმდეგ აქცია გაიმართა. ვაშინგტონში ათასობით დემონსტრანტი შეიკრიბა.

აქციის მონაწილეებმა უკმაყოფილება გამოხატეს ტრამპის მიერ გამოცემული აღმასრულებელი ბრძანებების გამო.

აქციის ორგანიზატორებმა „როიტერს“ განუცხადეს, რომ მიტინგზე 20 000-ზე მეტი ადამიანის დასწრება იყო მოსალოდნელი. „როიტერის“ ინფორმაციით, აქციები დაგეგმილი იყო აშშ-ის ყველა შტატში, ასევე მექსიკასა და კანადაში.

დღესვე დონალდ ტრამპისა და ილონ მასკის საწინააღმდეგო აქციები გაიმართა ევროპის ქალაქებში.