დონალდ ტრამპის ადმინისტრაცია ჰარვარდის უნივერსიტეტს 2.3 მილიარდი აშშ დოლარის ოდენობის ფედერალურ დაფინანსებას გაუყინავს.

მიზეზი გასულ კვირას უნივერსიტეტისთვის ტრამპის ადმინისტრაციის წაყენებული მოთხოვნა და გაგზავნილი სიაა, აღარ ითანამშრომლოს პროფესორებთან, რომლებიც „აქტივიზმის მიმართ უფრო ერთგულები არიან, ვიდრე განათლების მიმართ“, რაზეც უარი მიიღეს.

„ანტისემიტიზმთან ბრძოლის გაერთიანებული სამუშაო ჯგუფი აცხადებს ჰარვარდის უნივერსიტეტისთვის 2,2 მილიარდი დოლარის გრძელვადიანი გრანტებისა და 60 მილიონი დოლარის გრძელვადიანი კონტრაქტების გაყინვის შესახებ“, – აღნიშნულია სამინისტროს მიერ გავრცელებულ განცხადებაში.

სასწავლო დაწესებულებაში განმარტეს, რომ დონალდ ტრამპის ადმინისტრაცია არღვევს აშშ-ის კონსტიტუციის პირველ შესწორებას, აჭარბებს მთავრობის უფლებამოსილებას სამოქალაქო უფლებების აქტის შესაბამისად და ემუქრება კერძო დაწესებულების ავტონომიას.