თურქეთში 5,8 მაგნიტუდის მიწისძვრა მოხდა.

მიწისქვეშა ბიძგები ხმელთაშუა ზღვის სანაპირო ქალაქ მარმარისში ადგილობრივი დროით 02:17 საათზე დაფიქსირდა.

ბიძგები იგრძნობოდა მეზობელ რეგიონებშიც, მათ შორის საბერძნეთში, როდოსის კუნძულზე.

მუგლას გუბერნატორის ინფორმაციით, მიწისძვრის შედეგად დაიღუპა 14 წლის მოზარდი, 69 ადამიანი დაშავდა, მათგან 14-ს სამედიცინო დახმარება ადგილზე აღმოუჩინეს.