აშშ-ის პრეზიდენტმა, დონალდ ტრამპმა განაცხადა, რომ 7 ან 8 ივლისს დაიწყებს მოლაპარაკებებს ჩინეთთან TikTok-თან დაკავშირებით შესაძლო გარიგებაზე.

მისი თქმით, აშშ-მა პრაქტიკულად მიაღწია შეთანხმებას TikTok-ის გაყიდვაზე.

„ვფიქრობ, ორშაბათს ან სამშაბათს დავიწყებთ მოლაპარაკებებს ჩინეთთან, შესაძლოა, პრეზიდენტ სისთან ან მის ერთ-ერთ წარმომადგენელთან, მაგრამ პრაქტიკულად მივაღწიეთ შეთანხმებას“, - აღნიშნა აშშ-ის პრეზიდენტმა.

გასულ თვეში პრეზიდენტმა ტრამპმა 17 სექტემბრამდე გაახანგრძლივა ვადა ჩინურ კომპანია ByteDance-ისთვის, რათა მას გაეყიდა TikTok-ის ამერიკული აქტივები.