Featured Articles

ჩრდილოეთ კორეამ  სამხრეთ კორეასთან საგზაო და სარკინიგზო კომუნიკაციების სრული განადგურების მიზნით სამხედრო კამპანია დაიწყო, ასევე ფხენიანმა თავის მეზობელს "მტერი სახელმწიფო" უწოდა.

რამდენიმე დღის წინ ჩრდილოეთ კორეამ უკვე ააფეთქა სამხრეთ კორეასთან დამაკავშირებელი გზების ნაწილი (მაგისტრალები სამხრეთ-დასავლეთ საზღვრის გასწვრივ).

სამხრეთ კორეასთან დაძაბულობის ფონზე ჩრდილოეთ კორეა 1,4 მილიონ მოქალაქის მობილიზებას ახდენს. ამის შესახებ გუშინ Reuters-მა დაწერა. სააგენტოს ცნობით, ჯარში გაწევრიანების ამდენი განაცხადი მიმდინარე კვირაში შევიდა.

გავრცელებული ინფორმაციით, ასეთი მობილიზაცია სამხრეთ კორეის მიერ უპილოტო თვითმფრინავების მეშვეობით ჩტდილოეთ კორეაში პროკლამაციების გავრცელების ფონზე მოხდა. ჩრდილოეთ კოარეა იმუქრება, რომ სამხრეთ კორეა "მძიმე ფასს გადაიხდის".

ამერიკელმა მილიარდერმა, ილონ მასკმა სამი თვის განმავლობაში დაახლოებით 75 მილიონი აშშ დოლარი გამოყო კომიტეტისთვის PAC America, რომელიც მხარს რესპუბლიკელების საპრეზიდენტო კანდიდატს, დონალდ ტრამპს უჭერს. ამის შესახებ ინფორმაციას ამერიკული გამოცემა „ჰილი“ ავრცელებს.

სტატიის მიხედვით, ივნისიდან აღნიშნულმა კომიტეტმა წინასაარჩევნო კამპანიაზე 102,2 მილიონ დოლარზე მეტი დახარჯა. ათეულობით მილიონი დოლარი გამიზნული იყო ტრამპის მხარდასაჭერად და ვიცე-პრეზიდენტ კამალა ჰარისზე თავდასხმებისთვის. ასევე, კომიტეტმა თითქმის 8,9 მილიონი დოლარი დახარჯა აშშ-ის მოქმედ პრეზიდენტთან, ჯო ბაიდენთან ბრძოლაზე, ვიდრე ის საარჩევნო რბოლას გამოეთიშებოდა.

„ჰილი“ აღნიშნავს, რომ რამდენიმე თვეში კომიტეტი, რომელშიც თანხას ილომ მასკი აბანდებდა, საპრეზიდენტო არჩევნების დროს გაწეული ხარჯების მოცულობით მეშვიდე ადგილზე აღმოჩნდა.

America PAC-ში შენატანები გააკეთეს ასევე მასკის ახლო მოკავშირეებმა. კერძოდ, Palantir Technologies-ის თანადამფუძნებელმა, ჯო ლონსდეილმა, Sequoia Capital-ის პარტნიორებმა, დაგ ლეონემ და შონ მაგუაირმა, კრიპტოინვესტორებმა კამერონ და ტაილერ უინკლვოსებმა. ანგარიშის თანახმად, მასკმა ივლისში სამი შენატანი გააკეთა America PAC-ში, ჯამში, 15 მილიონი დოლარის ოდენობით, ივლისში – კიდევ სამი შენატანი, რომელთა მოცულობა 30 მილიონ დოლარს შეადგენდა, ანალოგიური თანხა მასკმა დახარჯა სექტემბერშიც.

ევროპული საბჭოს პრეზიდენტმა შარლ მიშელმა უკრაინის პრეზიდენტი ვოლოდიმირ ზელენსკი ბრიუსელში მიიწვია ევროკავშირის ლიდერთა სამიტზე. ორდღიანი სამიტი ხვალ, 17 ოქტომბერს, იწყება.

მიშელის ინფორმაციით, ზელენსკი სამიტზე მიწვეულია 17 ოქტომბერს, რათა შეაჯამოს რუსეთთან ომში განვითარებული ბოლო მოვლენები და წარმოადგინოს თავისი „გამარჯვების გეგმა“.

უკრაინის პრეზიდენტმა რუსეთზე გამარჯვების გეგმა სექტემბრის ბოლოს, აშშ-ში ვიზიტისას გააცნო პრეზიდენტ ჯო ბაიდენს და პრეზიდენტობის კანდიდატებს, კამალა ჰარისს და დონალდ ტრამპს.

გამოცემა The Wall Street Journal-ი თეთრი სახლის ოფიციალურ წარმომადგენლებზე დაყრდნობით წერდა, რომ ზელენსკის გეგმას ბაიდენის ადმინისტრაციაზე შთაბეჭდილება არ მოუხდენია ყოვლისმომცველი სტრატეგიის არარსებობის გამო.

ოქტომბერში, ევროპული ტურნეს დროს, უკრაინის პრეზიდენტმა „გამარჯვების გეგმა“ გააცნო დიდი ბრიტანეთის და იტალიის პრემიერ-მინისტრებს, საფრანგეთის პრეზიდენტს, გერმანიის კანცლერს და ნატოს გენერალურ მდივანს.

კიევში მომზადებული ეს გეგმა საჯაროდ არ გამოქვეყნებულა. უკრაინის პრეზიდენტი და მისი ადმინისტრაციის წარმომადგენლები საჯაროდ საუბრობენ „გამარჯვების გეგმის“ მხოლოდ ზოგად შინაარსზე, რომელიც ეხება სამხედრო და დიპლომატიური მეთოდებით სამართლიანი და ხანგრძლივი მშვიდობის უზრუნველყოფას.

უკრაინული მედიის ცნობით, დღეს, 16 ოქტომბერს, პრეზიდენტი ზელენსკი გეგმას წარუდგენს პარლამენტს, თუმცა ყველა დეტალზე არ ისაუბრებს.

რუსეთის არმია უკრაინის ტერიტორიაზე 2022 წლის 24 თებერვალს შეიჭრა.
პრეზიდენტმა პუტინმა „სპეციალური სამხედრო ოპერაციის" მიზნად გამოაცხადა უკრაინის „დემილიტარიზაცია და დენაციფიკაცია".
უკრაინაში რუსული არმიის ფართომასშტაბიან შეჭრას წინ უძღოდა პუტინის მიერ უკრაინის ორი სეპარატისტული რეგიონის, დონეცკის და ლუგანსკის ე.წ. სახალხო რესპუბლიკების „დამოუკიდებლობის" აღიარება. მანამდე, რუსეთმა მოითხოვა, რომ უკრაინა არ გახდეს ნატოს წევრი.
2022 წლის 30 სექტემბერს, რუსეთმა თავის ტერიტორიებად გამოაცხადა უკრაინის ხერსონის, ზაპოროჟიეს, დონეცკისა და ლუგანსკის ოლქები, თუმცა სრულად ვერცერთ მათგანს ვერ აკონტროლებს.
2014 წლიდან რუსეთის მიერ ანექსირებულია უკრაინის ყირიმის ნახევარკუნძული და ქალაქი სევასტოპოლი.
უკრაინას მიზნად გამოცხადებული აქვს ტერიტორიული მთლიანობის სრულად აღდგენა.
პუტინის ხელისუფლება ომის დასრულების პირობებად ასახელებს უკრაინაში უკვე ოკუპირებული ტერიტორიების რუსეთის ნაწილად აღიარებას და უარს ნატოში უკრაინის მიღებაზე.

საფრანგეთის პრეზიდენტს, ემანუელ მაკრონსა და ისრაელის პრემიერ-მინისტრს, ბენიამინ ნეთანიაჰუს შორის სატელეფონო საუბარი შედგა. ლიდერებმა ახლო აღმოსავლეთში არსებული ვითარება განიხილეს.

როგორც ისრაელის მედია წყაროებზე დაყრდნობით წერს, საუბრის დასრულების შემდეგ ემანუელ მაკრონმა ელისეის სასახლეში, დახურულ კარს მიღმა გამართულ შეხვედრაზე ბენიამინ ნეთანიაჰუ გააკრიტიკა.

„ბატონმა ნეთანიაჰუმ არ უნდა დაივიწყოს, რომ მისი ქვეყანა გაერო-ს გადაწყვეტილებით შეიქმნა. ამიტომ ახლა არ არის გაერო-ს გადაწყვეტილებების უგულებელყოფის დრო“, – ციტირებს მედია წყაროებზე დაყრდნობით მაკრონს.

საფრანგეთის პრეზიდენტის კრიტიკის საპასუხოდ ბენიამინ ნეთანიაჰუს ოფისმა განცხადება გაავრცელა.

„შევახსენებთ საფრანგეთის პრეზიდენტს: ისრაელის სახელმწიფო არა გაერო-ს რეზოლუციამ, არამედ დამოუკიდებლობის ომში მოპოვებულმა გამარჯვებამ დააფუძნა, გმირი მებრძოლების სისხლის ფასად, რომელთაგან ბევრი ჰოლოკოსტს გადაურჩა – მათ შორის, საფრანგეთის ვიშის რეჟიმს“, – აღნიშნულია ისრაელის პრემიერ-მინისტრის ოფისის განცხადებაში.