Featured Articles

ბრაზილიაში, ბოლო 14 წლის განმავლობაში ყველაზე მასშტაბური ტყის ხანძარი მძვინვარებს.

სტიქიამ 220 ათასი კვადრატულ კილომეტრზე მეტი ფართობი მოიცვა. ხანძრით განადგურებული ტერიტორიის ნახევარი ამაზონის ტროპიკულ ტყეებზე მოდის, სადაც ივნისიდან ოქტომბრამდე მშრალი სეზონია და ცეცხლის გავრცელებას ხელს უწყობს.

ამასთან, წლევანდელი მშრალი სეზონი კლიმატური ცვლილებების გამო, კიდევ უფრო მკაცრი აღმოჩნდა. ექსპერტების თქმით, კლიმატურ ცვლილებებში მნიშვნელოვანი უარყოფითი წვლილი შეაქვს ტყის საფარის გაჩეხას.

უკრაინის საჰაერო ძალების ცნობით, გასულ ღამეს რუსეთის მიერ გაშვებული 28 "შაჰიდის" ტიპის დრონიდან 24 ჩამოაგდეს, 2 უკრაინის ტერიტორიაზე დაიკარგა. ასევე, რუსეთმა უკრაინას უცნობი ტიპის რაკეტებით შეუტია. 

გავრცელებული ინფორმაციით, თავდაცვის სისტემა მუშაობდა სუმის, პოლტავას, დნეპროპეტროვსკის, მიკოლაევის და ხერსონის რაიონებში.

უწყების ცნობით, თავდასხმის მოგერიებაში ჩართული იყო ავიაცია, საზენიტო-სარაკეტო ნაწილები, მობილური სახანძრო ჯგუფები და ელექტრონული ომის დანაყოფები.

ნიკარაგუის მთავრობამ ისრაელთან დიპლომატიური ურთიერთობების გაწყვეტის შესახებ გადაწყვეტილება მიიღო. ინფორმაციას Reuters-ი ავრცელებს.

სააგენტოს მტკიცებით, ნიკარაგუამ ეს გადაწყვეტილება ისრაელის მიერ პალესტინურ ტერიტორიებზე თავდასხმის გამო მიიღო. ნიკარაგუის მთავრობის შესაბამის გადაწყვეტილების ტექსტში ისრაელის მთავრობა „ფაშისტად“ და გენოციდის მომწყობად არის მოხსენიებული.

როგორც ნიკარაგუას მთავრობა ამტკიცებს, ლიბანში მიმდინარე კონფლიქტის მასშტაბები შესაძლოა გაიზარდოს და სირიაზე, იემენსა და ირანზე გავრცელდეს.

უკრაინის პრეზიდენტმა, ვოლოდიმირ ზელენსკიმ ბერლინში გამართულ პრესკონფერენციაზე განაცხადა, რომ გერმანიის კანცლერს, ოლაფ შოლცს წარუდგენს რუსეთის წინააღმდეგ ომში უკრაინის გამარჯვების გეგმას:

„დღეს წარვუდგენ ოლაფ შოლცს გეგმას, როგორ ვაიძულოთ რუსეთი, რომ მშვიდობისკენ [ნაბიჯი გადადგას], ანუ როგორ დაასრულოს ეს ომი - მსურს, რომ [ომი დასრულდეს] არაუგვიანეს 2025 წლისა და გარანტირებული იყოს, რომ აგრესია არ განმეორდება"

ვოლოდიმირ ზელენსკიმ ხაზგასმით აღნიშნა, რომ გამარჯვების გეგმა მიზნად ისახავს უკრაინის პოზიციების განმტკიცებას.