Featured Articles

ევროპარლამენტმა უკრაინის მხარდამჭერი ახალი რეზოლუცია მიიღო. დოკუმენტს მხარი დაუჭირა 442 ევროპარლამენტარმა, წინააღმდეგი იყო 98, ხოლო 126 თავი შეიკავა.

რეზოლუციის თანახმად, ევროკავშირი ახლა უკრაინის მთავარი სტრატეგიული მოკავშირეა და ვალდებულია, დაეხმაროს ქვეყანას თავდაცვის უფლებაში.

„რუსეთის აგრესიული ომის მიმართ აშშ-ის პოზიციის აშკარა ცვლილების შემდეგ, რაც მოიცავდა უკრაინის ღიად დადანაშაულებას მიმდინარე ომში, ევროკავშირი და მისი წევრი სახელმწიფოები ახლა უკრაინის მთავარი სტრატეგიული მოკავშირეები არიან და უნდა შეინარჩუნონ თავიანთი როლი როგორც მისმა უდიდესმა დონორმა“, – აღნიშნულია რეზოლუციაში.

დოკუმენტის მიხედვით, ევროპარლამენტარები მიესალმებიან 30-დღიანი ცეცხლის შეწყვეტის წინადადებას. მათი მოლოდინია, რომ რუსეთი დათანხმდება ცეცხლის შეწყვეტას, რის შემდეგაც შეწყვეტს უკრაინის მოსახლეობაზე და ინფრასტრუქტურაზე თავდასხმას.

რეზოლუციაში ასევე თანხმდებიან, რომ რუსეთის შემდგომი აგრესიის შესაკავებლად, ევროკავშირმა წვლილი უნდა შეიტანოს უკრაინისთვის მყარი უსაფრთხოების გარანტიების უზრუნველყოფაში.

ევროპარლამენტარები ასევე მკაცრად ეწინააღმდეგებიან ნებისმიერ მცდელობას, შანტაჟით აიძულონ უკრაინის ხელმძღვანელობა კაპიტულაციაზე მხოლოდ ე.წ. სამშვიდობო შეთანხმების გასაადვილებლად.

რეზოლუციაში ასევე ნათქვამია, რომ ევროპულ უსაფრთხოებაზე მოლაპარაკებები არ შეიძლება, წარიმართოს ევროკავშირის დასწრების გარეშე, ასევე საუბარია უკრაინის ევროკავშირში გაწევრიანებაზე. ევროდეპუტატები თანხმდებიან, რომ უკრაინის მომავალი არის ევროკავშირში.

აშშ-ის პრეზიდენტი დონალდ ტრამპი აცხადებს, რომ მისი ადმინისტრაციის წარმომადგენლები ამჟამად რუსეთში მიემგზავრებიან, რათა ცეცხლის შეწყვეტის შეთავაზება განიხილონ.

„ბიბისის“ ცნობით, ამის შესახებ ტრამპმა ოვალურ კაბინეტში ირლანდიის პრემიერ-მინისტრთან მიშელ მარტინთან შეხვედრისას განაცხადა.

ტრამპის თქმით, მან უკრაინასა და რუსეთს შორის შესაძლო ცეცხლის შეწყვეტასთან დაკავშირებით „პოზიტიური გზავნილები“ მიიღო, თუმცა, როგორც აღნიშნა, ეს გზავნილები არაფერს ნიშნავს, რადგან სიტუაცია ძალიან სერიოზულია.

„იმედი მაქვს, ჩვენ შევძლებთ რუსეთისგან ცეცხლის შეწყვეტის მიღებას. თუ ამას გავაკეთებთ, ვფიქრობ, ეს ამ საშინელი სისხლისღვრის დასრულების გზის 80% იქნება“, – აღნშნა ტრამპმა.

ამასთან, ოვალურ ოფისში მედიასთან საუბრისას ტრამპმა აღნიშნა, რომ რუსეთი თუ ომის გაგრძელებას აირჩევს, ამა შესაძლოა, მოსკოვისთვის „გამანადგურებელი“ ფინანსური ზომები მოჰყვეს.

„ეს იქნება ძალიან ცუდი რუსეთისთვის. მე არ მინდა ამის გაკეთება, რადგან მე მშვიდობის მიღწევა მსურს“, – განაცხადა ტრამპმა.

აშშ-ის პრეზიდენტის თქმით, უახლოვდებიან იმ ეტაპს, როდესაც შესაძლოა, უკრაინასთან დაკავშირებით რამე გაკეთდეს. ამასთან, მან აღნიშნა, რომ ოდესღაც „რთულმა“ უკრაინულმა მხარემ თავისი მოსაზრება შეიცვალა.

„მე მყავდა ერთი პიროვნება, რომელსაც, როგორც ჩანდა, არ სურდა მშვიდობა. ახლა ის დათანხმდა მშვიდობას“, – აღნიშნა ტრამპმა.

აშშ-ის პრეზიდენტმა ასევე განაცხადა, რომ განიხილეს მიწის საკითხი.

ცნობისთვის, რომ ქალაქ ჯიდაში გამართული მოლაპარაკებების დროს უკრაინა დათანხმდა აშშ-ის შეთავაზებას ცეცხლის 30 დღით შეწყვეტასთან დაკავშირებით.

ამერიკული ტარიფების საპასუხოდ, კანადა 25%-იან გადასახადს უწესებს 20 მილიარდი დოლარის ღირებულების ამერიკულ პროდუქციას, რომელთა შორის სპორტული აღჭურვილობა, კომპიუტერები და თუჯის ნაწარმია.

აღსანიშნავია, რომ კანადა ამერიკისთვის ფოლადისა და ალუმინის უმსხვილესი ექსპორტიორია.

კანადის ფინანსთა მინისტრის განცხადებით, ტარიფები ძალაში ხვალ, 13 მარტიდან შევა.

დღეს კი, ამერიკული 25%-იანი ტარიფები ამოქმედდა, რომელიც ვაშინგტონმა კანადას, მექსიკას, ბრაზილიასა და სამხრეთ კორეას დაუწესა.

შეგახსენებთ, მომდევნო თვიდან ევროკავშირი ამერიკის შეერთებულ შტატებისთვის, $28 მილიარდის ღირებულების პროდუქტზე, იმპორტის გადასახადებს აამოქმედებს. ამის შესახებ ევროკომისიამ აშშ-ის მიერ ფოლადსა და ალუმინზე დაწესებული ტარიფების საპასუხოდ განაცხადა.

NATO-ს გენერალური მდივანი, მარკ რუტე აშშ-ის პრეზიდენტ დონალდ ტრამპს შეხვდება.

რუტე ვაშინგტონს 12-14 მარტს ეწვევა, პრეზიდენტთან შეხვედრა კი ხვალ, 13 მარტს, თეთრ სახლში გაიმართება.

ასევე, ვიზიტის ფარგლებში რუტე ადმინისტრაციისა და კონგრესის მაღალჩინოსნებს შეხვდება.