Featured Articles

ირანი არ გამართავს მოლაპარაკებებს აშშ-თან მუქარის ფონზე - ამის შესახებ ირანის პრეზიდენტმა, მასუდ პეზეშკიანმა განაცხადა.

„ჩვენთვის მიუღებელია, რომ ისინი ბრძანებებს იძლევიან და გვემუქრებიან. მე თქვენთან მოლაპარაკებას არც კი ვაპირებ. გააკეთეთ, რაც გინდათ.

სამარცხვინოა ის, რაც თქვენ ზელენსკის გაუკეთეთ! ჩვენთვის მიუღებელია, რომ აშშ გვაძლევს ბრძანებებს და გვემუქრება. არ ვაპირებ თქვენთან მოლაპარაკებას, რა ჯანდაბაც გინდათ, ის ქენით “, – მიმართა პეზეშკიანმა აშშ-ის პრეზიდენტ დონალდ ტრამპს.

ერთი დღით ადრე, ირანის სულიერმა ლიდერმა, აიათოლა ალი ხამენეიმ განაცხადა, რომ ირანს მოლაპარაკებებში შესვლას ვერავინ აიძულებს.

დონალდ ტრამპი აპირებს ხელახლა განახორციელოს "მაქსიმალური ზეწოლის" კამპანია, რომელსაც პრეზიდენტობის პირველ ვადაში მიმართავდა, რათა ირანი გლობალური ეკონომიკისგან მოწყვეტილ მდგომარეობაში დატოვოს და მისი ნავთობის ექსპორტი ნულამდე დაიყვანოს.

აშშ-ის პრეზიდენტის, დონალდ ტრამპის განცხადებით, ამერიკის შეერთებული შტატებისა და რუსეთის წარმომადგენლების შეხვედრა დღეს ან ხვალ გაიმართება. ინფორმაციას Sky news ავრცელებს. ეს განცხადება ტრამპმა აშშ-სა და უკრაინის დელეგაციებს საუდის არაბეთში გამართული მოლაპარაკებების შემდეგ გააკეთა.

ამასთან, Sky News-ის ცნობითვე, რუსეთის საგარეო საქმეთა სამინისტროში "აშშ-ის წარმომადგენლებთან შეხვედრას არ გამორიცხავენ".

მანამდე, ცნობილი გახდა, რომ დონალდ ტრამპი ვოლოდიმირ ზელენსკის თეთრ სახლში ისევ მიიწვევს. ტრამპის თქმით, ის რუსეთის პრეზიდენტს, ვლადიმერ პუტინს, სავარაუდოდ, მიმდინარე კვირაში დაელაპარაკება. 

ამერიკა-უკრაინის დელეგაციების შეხვედრა საუდის არაბეთში დასრულდა. შეხვედრის დასრულების შემდეგ გახდა ცნობილი, რომ ამერიკა უკრაინისთვის სამხედრო დახმარებასა და სადაზვერვო ინფორმაციის გაზიარებას დაუყოვნებლივ განაახლებს.

"ჯიდაში მოლაპარაკებები დასრულდა: რა ვიცით ამ ეტაპზე?

* მოლაპარაკებები 7 საათი გაგრძელდა;

* უკრაინა თანახმაა 30 დღით სრულად შეწყვიტოს ცეცხლი;

* ახლა ამერიკა ამ შეთანხმებას რუსეთს წარუდგენს;

* ამერიკა განაახლებს უკრაინისთვის სადაზვერვო ინფორმაციის მიწოდებას;

* ამერიკა ასევე განაახლებს შეჩერებულ სამხედრო დახმარებას;

* ამერიკის დელეგაცია იმედოვნებს რომ ცეცხლისშეწყვეტის შეთანხმებას რუსეთი დათანხმდება; *

მინერალებზე შეთანხმებისთვის ხელი არ მოუწერიათ, მაგრამ ის დღისწესრიგში რჩება", - წერს Fox news-ის ჟურნალისტი, ნანა საჯაია.

„უკრაინამ გამოთქვა მზადყოფნა, მიიღოს აშშ-ის წინადადება დაუყოვნებლივი, 30-დღიანი ცეცხლის შეწყვეტის შესახებ, რომელიც შეიძლება გაგრძელდეს მხარეთა ურთიერთშეთანხმებით და რომელიც ექვემდებარება რუსეთის მიერ მიღებას და ერთდროულად განხორციელებას. აშშ დაუყოვნებლივ განაახლებს სადაზვერვო ინფორმაციის გაზიარებას და განაახლებს უკრაინისთვის სამხედრო დახმარების მიწოდებას“, – აღნიშნულია განცხადებაში, რომელიც უკრაინის პრეზიდენტის ადმინისტრაციის ვებგვერდზე გამოქვეყნდა.

ომის დაწყებიდან 2024 წლის წლის 31 დეკემბრის ჩათვლით, უკრაინამ დახმარების სახით საერთაშორისო პარტნიორებისგან თითქმის 400 მილიარდი ევროს მოცულობის დახმარება მიიღო.

PMC კვლევითი ცენტრის ინფორმაციით, ქვეყანამ ყველაზე მეტი დახმარება ამერიკისგან და ევროკავშირისგან მიიღო. ამ თანხის დიდი ნაწილი 52% ფინანსური, 42% სამხედრო, ხოლო 6% ჰუმანიტარული დახმარება იყო.

კვლევის მიხედვით, სამხედრო დახმარება განსაკუთრებით 2023 წელს გაიზარდა და 49.6 მილიარდ ევროს მიაღწია, თუმცა შარშან 42 მილიარდ ევრომდე შემცირდა. სამხედრო დახმარებისგან განსხვავებით, 2024 წელს თითქმის 51 მილიარდ ევრომდე გაიზარდა.

დახმარება ქვეყნების მიხედვით ასე გადანაწილდა:

აშშ - 119 მლრდ ევრო
ევროკავშირის ინსტიტუტები - 115.7 მლრდ ევრო
გაერთიანებული სამეფო - 27.2 მლრდ ევრო
გერმანია - 25.5 მლრდ ევრო
იაპონია - 16.8 მლრდ ევრო
PMC კვლევითი ცენტრის ინფორმაციით, აშშ-ის დახმარების უდიდესი ნაწილი სამხედრო სფეროს ეხებოდა. განსხვავებით ევროკავშირის ინსტიტუტებისგან, რომლის დახმარების დიდი ნაწილი ფინანსური იყო, ხოლო დანარჩენი ჰუმანიტარული. რაც შეეხება გერმანიას და დიდ ბრიტანეთს, ისინი უკრაინას ძირითადად სამხედრო კუთხით ეხმარებოდნენ. ფინანსური და სამხედრო დახმარების გარდა, ომის გამო უკრაინა თითქმის 5 მლნ ადამიანმა დატოვა. კვლევაში წერია, რომ გერმანიამ ყველაზე მეტი 1.2 მლნ-ზე მეტი უკრაინელი ლტოლვილი მიიღო; მეორე ადგილს პოლონეთი იკავებს 985 104 ლტოლვილით, მესამე ადგილზე კი ჩეხეთია 389 830 ლტოლვილით. ამ სამმა ქვეყანამ ჯამში უკრაინელების 52% მიიღო.