Featured Articles

“მე ვთქვი ეგ? არ მჯერა, რომ ამას ვიტყოდი”, - ასე უპასუხა დონალდ ტრამპმა ჟურნალისტს კითხვაზე, კიდევ სჯერა თუ არა, რომ ზელენსკი “დიქტატორია”?

შეგახსენებთ, თეთრ სახლში შეხვედრის დაწყებამდე აშშ-ის პრეზიდენტი და დიდი ბრიტანეთის პრემიერი ჟურნალისტების კითხვებს პასუხობენ.

ცოტა ხნის წინ, ტრამპმა დაადასტურა, რომ წიაღისეულზე შეთანხმებას უკრაინის პრეზიდენტთან ხვალ მოაწერს ხელს.

აშშ-ის პრეზიდენტი დონალდ ტრამპი 2014 წლიდან რუსეთის წინააღმდეგ მოქმედ სანქციებს ერთი წლით ახანგრძლივებს. შესაბამისი ბრძანება, რომელიც აშშ-ის ფედერალურ რეესტრშია განთავსებული, 28 თებერვალს უნდა გამოქვეყნდეს.

აშშ-ის პრეზიდენტმა, დონალდ ტრამპმა გასცა განკარგულება, გააგრძელოს საგანგებო მდგომარეობა და მასთან დაკავშირებული სანქციები რუსეთის წინააღმდეგ, რომელიც 2014 წელს რუსეთის მხრიდან უკრაინის წინააღმდეგ აგრესიის საპასუხოდ იყო მიღებული.

„ქმედებები და პოლიტიკა, რომლებზეც საუბარია ამ ბრძანებებში, კვლავ წარმოადგენს უჩვეულო და განსაკუთრებულ საფრთხეს შეერთებული შტატების ეროვნული უსაფრთხოებისა და საგარეო პოლიტიკისთვის“, – ნათქვამია ტრამპის ბრძანებაში.

აღსანიშნავია, რომ, ანალოგიურად, 2024 წელს იგივე საგანგებო მდგომარეობა გაახანგრძლივა აშშ-ის ყოფილმა პრეზიდენტმა, ჯო ბაიდენმა.

აშშ-ის პრეზიდენტი დონალდ ტრამპი აცხადებს, რომ მექსიკას, კანადასა და ჩინეთს 4 მარტიდან სავაჭრო ტარიფები დაუწესდებათ. აშშ-ის პრეზიდენტის თქმით, კანადიდან და მექსიკიდან შესული საქონელი 25-პროცენტიან ტარიფებს დაექვემდებარება, ჩინეთს კი დამატებით ათპროცენტიანი ტარიფები დაუწესდება.

ტრამპის თქმით, ტარიფები საჭიროა უკანონო ნარკოტიკების მუდმივი ნაკადის წინააღმდეგ საბრძოლველად. აშშ-ის პრეზიდენტი ამტკიცებს, რომ ნარკოტიკები დიდი დოზით ისევ შედის აშშ-ში კანადიდან და მექსიკიდან, რომელთა დიდი წილი ჩინეთშია დამზადებული.

აშშ-ის პრეზიდენტის განცხადებით, გასულ წელს 100 000-ზე მეტი ადამიანი დაიღუპა ამ სახიფათო ნარკოტიკული საშუალებებით.

„ჩვენ არ შეგვიძლია, დავუშვათ, რომ ამ უბედურებამ განაგრძოს, ზიანი მიაყენოს აშშ-ს და, შესაბამისად, ვიდრე ის არ შეჩერდება, ან სერიოზულად არ შეიზღუდება, შემოთავაზებული ტარიფები, რომლებიც დაგეგმილი იყო 4 მარტს, მართლაც ამოქმედდება, როგორც ეს დაგეგმილი იყო“, – განაცხადა დონალდ ტრამპმა.

თურქეთი მზადაა, უკრაინაში სამშვიდობო ძალების სახით ჯარები გაგზავნოს. ამის შესახებ ინფორმაციას გამოცემა Bloomberg სანდრო და ინფორმირებულ წყაროებზე დაყრდნობით ავრცელებს.

Bloomberg-ის ცნობით, თურქეთი, რომელსაც NATO-ში ამერიკის შეერთებული შტატების შემდეგ ყველაზე დიდი არმია ჰყავს, მზადყოფნას აცხადებს უკრაინისთვის ჯარების გასაგზავნად.

გამოცემა ინფორმირებულ პირებზე დაყრდნობით წერს, რომ თურქეთის პრეზიდენტმა, რეჯეფ თაიფ ერდოღანმა უკრაინაში სამშვიდობოების გაგზავნის საკითხის შესახებ უკრაინის პრეზიდენტ ვოლოდიმირ ზელენსკისთან და რუსეთის საგარეო საქმეთა მინისტრთან, სერგეი ლავროვთან თებერვლის დასაწყისში, ანკარაში ცალკეული შეხვედრების დროს ისაუბრა.

Bloomberg-ი წყაროებზე დაყრდნობით აცხადებს, რომ თურქეთის განზრახვა, რუსეთ-უკრაინის კრიტიკულად მნიშვნელოვანი პოტენციური სამშვიდობო ზავის მონიტორინგს დახმარებაა, რათა ევროპელი მოკავშირეებისთვის, მათ შორის, დიდ ბრიტანეთისთვისა და საფრანგეთისთვის, ტვირთი შემსუბუქდეს, რომლებიც ევროპის სახელით უკრაინაში სამშვიდობო ძალების გაგზავნას გეგმავენ. 

ამასთან, თურქეთი არ იქნება არც ერთი სამშვიდობო მისიის ნაწილი, თუ ის არ იქნება ჩართული მის ჩამოყალიბებასა და კონსულტაციების მომზადებაში.

როგორც საფრანგეთმა, ასევე დიდმა ბრიტანეთმა განაცხადა, მზად არიან განათავსონ ჯარები უკრაინაში, როგორც უსაფრთხოების გარანტიების პაკეტის ნაწილი, რომელიც მიზნად ისახავს უზრუნველყოს ნებისმიერი სამშვიდობო გარანტიების უზრუნველყოფა, იმ პირობით, თუ აშშ ამ ინიციატივას მხარს დაუჭერს.