Featured Articles

„ვოლოდიმირ ზელენსკი ლეგიტიმურია, ის არის თავისუფალი სისტემის არჩეული პრეზიდენტი. ეს არ არის ვლადიმირ პუტინის შემთხვევა, რომელიც კლავს თავის ოპონენტებს კლავს და დიდი ხანია არჩევნებს აყალბებს. “ - თქვა საფრანგეთის პრეზიდენტმა, ემანუელ მაკრონმა BFMTV-სთან ინტერვიუში.

ისრაელში რამდენიმე ავტობუსი აფეთქდა. ინფორმაციას ადგილობრივი მედია ავრცელებს.

ადგილობრივი ხელისუფლების განცხადებით, პოლიციამ თელ ავივის გარეუბანში გაჩერებული ავტობუსების შემოწმება დაიწყო მას შემდეგ, რაც რამდენიმე ცარიელი ავტობუსი აფეთქდა. მომხდარს მსხვერპლი არ მოჰყოლია.

სამართალდამცავების შეფასებით, ეს „სავარაუდო ტერორისტულ აქტს“ წარმოადგენს.

ისრაელის მედიის ცნობით, ავტოსადგომებზე სამი ცარიელი ავტობუსი აფეთქდა, ხოლო კიდევ ორ ავტობუსზე ასაფეთქებელი მოწყობილობები აღმოაჩინეს.

„პოლიციის ძალები იმყოფებიან შემთხვევის ადგილებზე და ეძებენ საეჭვო პირებს“, – აცხადებენ სამართალდამცავები.

ისრაელის პრემიერ-მინისტრის ოფისში აცხადებენ, რომ ბენიამინ ნეთანიაჰუს ინფორმაციას აწვდიან და ის მალე უსაფრთხოების მდგომარეობის შეფასების მიზნით თათბირს გამართავს. ამასთან, გავრცელებული ინფორმაციით, გაიცა მითითება, რომ ყველა ავტობუსი და მატარებელი გაჩერდეს და შემოწმდეს.

ვატიკანის ცნობით, რომის პაპის ჯანმრთელობის მდგომარეობა მცირედით გაუმჯობესდა, მას ტემპერატურა აღარ აღენიშნება და სისხლის ანალიზის მაჩვენებლები სტაბილურია.

რომის პაპი მკურნალობას რომის საავადმყოფოში გადის, სადაც ის 14 თებერვალს მოათავსეს მას შემდეგ, რაც რამდენიმე დღის განმავლობაში სუნთქვის პრობლემები აღენიშნებოდა. მანამდე ვატინაკის მიერ გავრცელებულ განცხადებაში აღნიშნული იყო, რომ რომის პაპს სასუნთქი გზების მძიმე ინფექცია აქვს. ის საავადმყოფოში დარჩება, ვიდრე ეს საჭირო იქნება.

როგორც „ბიბისი“ წერს, პაპ ფრანცისკეს ადრეც ჰქონდა ჯანმრთელობის პრობლემები. წლების წინ მას ფილტვის ოპერაცია ჩაუტარდა, რის გამოც განსაკუთრებით მგრძნობიარეა რესპირატორული ინფექციების მიმართ. ბრონქიტის გამო რომის პაპი საავადმყოფოში გასული წლის მარტშიც გადაიყვანეს, დეკემბერში კი ავადმყოფობის გამო ვერ შეძლო კლიმატის სამიტზე გამგზავრება.

უკრაინის პრეზიდენტი, ვოლოდიმირ ზელენსკი უკრაინასა და რუსეთში აშშ-ის პრეზიდენტის, დონალდ ტრამპის სპეციალურ წარმომადგენელს, კით კელოგს შეხვდა, თუმცა ერთობლივი პრესკონფერენცია, რომელიც მათი შეხვედრის შემდეგ იყო დაგეგმილი, ამერიკის შეერთებული შტატების მოთხოვნის საფუძველზე გაუქმდა.

ამის შესახებ ინფორმაცია გამოცემა Reuters-მა უკრაინის პრეზიდენტის ოფისის განცხადებაზე დაყრდნობით გაავრცელა.

პრესკონფერენციის გაუქმების მიზეზი უცნობია.