Featured Articles

იტალიელი ქიმიკოსი ფრანჩესკო რიველა, ასევე ცნობილი, როგორც „ნუტელას მამა“ 97 წლის ასაკში გარდაიცვალა. ინფორმაციას FoxNews ავრცელებს.

იტალიელმა ქიმიკოსმა მსოფლიოში ყველაზე ცნობილი თხილის კარაქი შექმნა. იტალიური მედიის ცნობით, რიველა 14 თებერვალს გარდაიცვალა.

რიველამ თავდაპირველად 1952 წელს იტალიურ შოკოლადის კომპანია „ფერეროში“ დაიწყო მუშაობა. მან იქ წლები იმუშავა, მოგვიანებით კი თავად შექმნა „ნუტელა“.

ფუკუოკას საფონდო ბირჟის ერთ-ერთი ხელმძღვანელი არასრულწლოვან გოგონათა ფარული ფოტოების გადაღების ბრალდებით დააკავეს.

პოლიციის განმარტებით, 62 წლის შინიჩი საკაი ეჭვმიტანილია მატარებელში 17 წლის გოგონების პირადი სივრცის დარღვევაში. როგორც ჩანს, საფონდო ბირჟის ხელმძღვანელი სმარტფონის გამოყენებით არასრულწლოვანებს ფოტოებს კაბის ქვევიდან უღებდა, რასაც მატარებლის სხვა მგზავრები ადასტურებენ.

საკაიმ უარყო ბრალდება და პოლიციას განუცხადა: „მე მხოლოდ მათი ფეხების სურათებს ვიღებდი“.

როგორც ირკვევა, გოგონებმა კამერის ხმა გაიგეს და შემთხვევის შესახებ სადგურის პერსონალს აცნობეს. მოგვიანებით, სამართალდამცველებმა დაადასტურეს, რომ ეჭვმიტანილის მოწყობილობაში გოგონების ფოტოები მართლაც აღმოაჩინეს.

აშშ-ის მთავრობის ეფექტურობის დეპარტამენტის ხელმძღვანელმა, მილიარდერმა ილონ მასკმა „ფოქს ნიუსთან“ პრეზიდენტ დონალდ ტრამპთან ერთობლივ ინტერვიუში განაცხადა, რომ „მუშაობს ხალხის ნების აღდგენაზე“.

„ვფიქრობ, ჩემზე უნდა იფიქროთ, როგორც ტექნოლოგზე და მე ვცდილობ, შევქმნა ტექნოლოგიები, რომლებიც აუმჯობესებს მსოფლიოს. ამიტომაც ჩემს მაისურზე წერია „ტექნიკური მხარდაჭერა“, რადგან მე აქ ვარ პრეზიდენტისთვის ტექნოლოგიური მხარდაჭერის გასაწევად. რასაც ჩვენ რეალურად ვცდილობთ აქ, არის ხალხის ნების აღდგენა პრეზიდენტის დახმარებით. არსებობს უზარმაზარი ფედერალური ბიუროკრატია, რომელიც უპირისპირდება პრეზიდენტსა და კაბინეტს. პრეზიდენტის ნება თუ არ სრულდება, პრეზიდენტი კი წარმოადგენს ხალხს, ეს ნიშნავს, რომ ხალხის ნება არ სრულდება. და ეს ნიშნავს, რომ ჩვენ არ ვცხოვრობთ დემოკრატიაში, ჩვენ ვცხოვრობთ ბიუროკრატიაში. ასე რომ, ვფიქრობ, ჩვენ ვცდილობთ დემოკრატიისა და ხალხის ნების აღდგენას. ჩვენი საერთო მიზანია, ვცადოთ დეფიციტიდან ერთი ტრილიონი დოლარის ამოღება და თუ დეფიციტი არ იქნება კონტროლირებადი, ამერიკა გაკოტრდება. ეს ძალიან მნიშვნელოვანი რამაა, რაც ხალხმა უნდა გაიგოს“, – განაცხადა მასკმა.

ამასთან, ტრამპმა და მასკმა ისაუბრეს მედიის მიმართ კრიტიკული დამოკიდებულებისა და სისტემური ცვლილებების აუცილებლობის შესახებ.

ტრამპის თქმით, MSNBC, Associated Press-ი (AP), PBS-ი და CBS-ი აქვეყნებენ არასწორ ინფორმაციას.

„ისინი არღვევენ კონსტიტუციას. მათ არც კი იციან, რას ლაპარაკობენ. აბსურდია. ეს უბრალოდ თაღლითური საქმეა. ეს დიდი თაღლითური საქმეა. ისინი ძალიან ცუდები არიან ქვეყნისთვის. როდესაც მე ვუყურებ NBC-ს, რომელსაც ხშირად არ ვუყურებ, მაგრამ თქვენ გიწევთ, შიგადაშიგ უყუროთ მტერს, ამპარტავნებისა და ტყუილების დონეს, ისინი უბრალოდ საშინელი ხალხია“, – განაცხადა ტრამპმა.

საფრანგეთის პრეზიდენტმა, ემანუელ მაკრონმა განაცხადა, რომ საფრანგეთი არ აპირებს თავისი სახმელეთო ჯარების გაგზავნას უკრაინაში.

„2024 წელს პარიზში სამიტზე მე ვთქვი, რომ სტრატეგიული ორაზროვნება უნდა აღვადგინოთ. მე არასოდეს მითქვამს, რომ საფრანგეთი სახმელეთო ჯარებს გაგზავნიდა. დღეს საფრანგეთი არ ემზადება სახმელეთო ჯარების გაგზავნისთვის. ჩვენ განვიხილავთ უსაფრთხოების გარანტიების საკითხს“, - აღნიშნა ემანუელ მაკრონმა.