Featured Articles

აშშ-ის პრეზიდენტმა, დონალდ ტრამპმა უკრაინის პრეზიდენტ ვოლოდიმირ ზელენსკის დიქტატორი უწოდა.

"დიქტატორი არჩევნების გარეშე", - წერს ტრამპი ზელენსკიზე და მას ურჩევს, რომ "სწრაფად იმოქმედოს, თორემ ქვეყანა აღარ დარჩება".

ის ზელენსკის აშშ-ის მიერ გამოყოფილი თანხების გაფლანგვაში ადანაშაულებს და ამბობს, რომ "ამას ზელენსკიც აღიარებს, რომ თანხის ნახევარი დაკარგულია".

"ამავდროულად, ჩვენ წარმატებით ვაწარმოებთ მოლაპარაკებებს რუსეთთან ომის დასრულების შესახებ, რასაც ყველა აღიარებს, რომ მხოლოდ "ტრამპს" და ტრამპის ადმინისტრაციას შეუძლია", - წერს ტრამპი.

მისი თქმით, წინამორბედ ჯო ბაიდენს არასდროს უცდია ევროპაში მშვიდობის დამყარება.

დღეიდან, 19 თებერვლიდან Facebook-ი Live ვიდეოების შენახვის პოლიტიკას ცვლის. როგორც META იტყობინება, ახალი Live ვიდეოების ნახვა, ჩამოტვირთვა და გაზიარება Facebook გვერდებიდან ან პროფილებიდან მხოლოდ 30 დღის განმავლობაში იქნება შესაძლებელი, ამის შემდეგ კი ავტომატურად წაიშლება სოციალური ქსელიდან.

ასევე, ამ დრომდე გაშვებული Live ვიდეოებიც, რომლებიც 30 დღეზე მეტი ხნისაა, წაიშლება. თუმცა ამის შესახებ Facebook-ი შეტყობინებას ავტორთან წინასწარ გაგზავნის.

“მანამ ვიდრე თქვენი არქივის Live ვიდეოები წაიშლება, შეტყობინებას ელფოსტით და აპლიკაციაში მიიღებთ, ამის შემდეგ კი 90 დღე გექნებათ იმისთვის, რომ ჩამოტვირთოთ და შეინახოთ თქვენი მასალა“, - იტყობინება META.

უკრაინის პრეზიდენტი ვოლოდიმირ ზელენსკი მიიჩნევს, რომ აშშ-ის პრეზიდენტი დონალდ ტრამპი დეზინფორმაციულ სივრცეში ცხოვრობს.

ზელენსკის თქმით, უკრაინა რუსეთისგან „უამრავ დეზინფორმაციას“ აწყდება.

„პრეზიდენტ დონალდ ტრამპის, როგორც ლიდერის მიმართ სრული პატივისცემით, ის დეზინფორმაციულ სივრცეში ცხოვრობს“, – აღნიშნა ზელენსკიმ.

ამასთან, როგორც ზელენსკიმ აღნიშნა, მას მაღალი რეიტინგი აქვს და ამ ეტაპზე ლიდერის პოზიციაზე მისი შეცვლა ვერ მოხერხდება. ზელენსკიმ მედიასთან საუბრისას მაგალითისთვის მოიყვანა გამოკითხვის ის შედეგები, რომლის თანახმადაც, უკრაინელი ხალხის 58% მას ენდობა, როგორც ლიდერს.

ცნობისთვის, უკრაინის პრეზიდენტის აღნიშნული განცხადება მოჰყვა ტრამპის გამოსვლას, სადაც აშშ-ის პრეზიდენტი ამბობდა, რომ ზელენსკის რეიტინგი ოთხ პროცენტამდე დაეცა, ხოლო ხალხი დაიღალა.

ზელენსკის თქმით, უკრაინას აქვს „მტკიცებულება“, რომ დეზინფორმაცია 4%-იანი რეიტინგის შესახებ რუსეთის მიერ ვრცელდება და „ეს ციფრები აშშ-სა და რუსეთს შორის განიხილება“.

ევროკავშირის წევრი ქვეყნების ელჩები შეთანხმდნენ რუსეთის წინააღმდეგ სანქციების მე-16 პაკეტზე, რომელიც წინამორბედი სანქციების მსგავსად, დაწესდება უკრაინაში რუსეთის არმიის შეჭრის გამო. ამის შესახებ რადიო თავისუფალი ევროპის/რადიო თავისუფლების კორესპონდენტი რიკარდ იოზვიაკი იტყობინება.

საგარეო საქმეთა მინისტრები, სავარაუდოდ, ოფიციალურად დაუჭერენ გადაწყვეტილებას მხარს 20 თებერვალს და ის ძალაში შევა რუსეთის მიერ უკრაინაში შეჭრის მესამე წლისთავზე, 24 თებერვალს.

საერთაშორისო საინფორმაციო სააგენტოების ცნობით, ახალი შემზღუდავი ზომები ითვალისწინებს ევროკავშირის ქვეყნების მიერ რუსეთიდან ალუმინის პროდუქციის შესყიდვის ეტაპობრივ აკრძალვას. ასევე გამკაცრდება შეზღუდვები რუსეთიდან ნავთობის ექსპორტზე. სავარაუდოდ, სანქციები ასევე შეეხება რუსეთის ეგრეთ წოდებული “ჩრდილოვანი ფლოტის” 73 ტანკერს, რომლებიც, სავარაუდოდ, მოიხმარენ ნავთობით ვაჭრობის შეზღუდვების გვერდის ავლით.

„შავ სიაში“ 13 ბანკი იქნება. მანამდე გავრცელდა ინფორმაცია, რომ სანქციები შესაძლოა შეეხოს 15 რუსულ ბანკს, მათ შორის Uralsib-სა და Tochka-ს.

მანამდე Sistema იტყობინებოდა, რომ სანქციების მოახლოებულ მე-16 პაკეტით ევროკავშირი დაუწესებს შეზღუდვებს Zolotaya Korona-ს ოპერატორს RNKO -გადახდის კონსტრუქტორის, რომელიც პოპულარულია გადარიცხვების სფეროში. ახალი სანქციები შეეხება რუსეთის მედია საშუალებებს, რაც ევროკავშირში რუსული პროპაგანდის წინააღმდეგ ბრძოლის მიზნით მოხდება.

ამის ფონზე აშშ-ის სახელმწიფო მდივანმა მარკო რუბიომ, რომელიც თავისი ქვეყნის დელეგაციას ხელმძღვანელობდა საუდის არაბეთში რუსეთის წარმომადგენლებთან მოლაპარაკებაზე წინა დღით, დაარწმუნა თავისი ევროპელი კოლეგები, რომ აშშ არ გააუქმებს სანქციებს რუსეთის წინააღმდეგ სამშვიდობო შეთანხმების გაფორმებამდე. ამის შესახებ Bloomberg იუწყება.