Featured Articles

სომხეთის პრემიერ-მინისტრი ნიკოლ ფაშინიანი მიუნხენის კონფერენციის ფარგლებში გერმანიის კანცლერს, ოლაფ შოლცს შეხვდა. ინფორმაციას ამის შესახებ სომხური მედია ავრცელებს.

სომხეთის პრემიერ-მინისტრის აპარატის ინფორმაციით, მხარეებმა განიხილეს სომხეთ-გერმანიის ორმხრივი ურთიერთობების დღის წესრიგი და თანამშრომლობის გაფართოების პერსპექტივები. ამასთან, ფაშინიანმა ხაზი გაუსვა ორმხრივი კავშირების გაძლიერებისა და სავაჭრო-ეკონომიკური თანამშრომლობის გაღრმავების მნიშვნელობას.

მხარეებმა ასევე განიხილეს რეგიონული უსაფრთხოებისა და სტაბილურობის საკითხებიც.

გავრცელებული ინფორმაციით, ნიკოლ ფაშინიანმა გერმანიის კანცლერს გააცნო სომხეთ-აზერბაიჯანის სამშვიდობო პროცესში არსებული სიახლეები.
ამასთან, მხარეებმა ხაზი გაუსვეს ორმხრივი პოლიტიკური დიალოგის შენარჩუნების მნიშვნელობას.

ცნობისთვის, მიუნხენის უსაფრთხოების კონფერენცია 14 თებერვალს დაიწყო და 16 თებერვალს დასრულდება. წლევანდელი კონფერენციის მთავარ თემებს უკრაინაში მიმდინარე ომი და აშშ-ის ახალი ადმინისტრაციის პირობებში სამშვიდობო მოლაპარაკებების პერსპექტივები წარმოადგენს.

უკრაინის პრეზიდენტი, ვოლოდიმირ ზელენსკი NATO-ს გენერალურ მდივანს, მარკ რუტეს მიუნხენის უსაფრთხოების კონფერენციაზე შეხვდა. ამის შესახებ ინფორმაცია ზელენსკიმ სოციალურ ქსელში გაავრცელა.

"ჩვენ განვიხილეთ NATO-ს წევრ ქვეყნებთან კოორდინაცია, რათა განვითარდეს ერთობლივი პოზიცია ომის დასრულებაზე და რუსეთზე ზეწოლა სამართლიანი და ხანგრძლივი მშვიდობისკენ. ამის ერთ-ერთი მთავარი პირობა უნდა იყოს უკრაინის უსაფრთხოების საიმედო გარანტიები.

მადლობელი ვარ ჩვენი სახელმწიფოს ურყევი მხარდაჭერისთვის და ბრიუსელში რამშტეინის ფორმატისა და NATO-უკრაინის საბჭოს შეხვედრებისთვის. ჩვენ ველით, რომ ყველა მიღებული გადაწყვეტილება შესრულდება, რაც შეიძლება მალე", - წერს ზელენსკი.

14 თებერვალს, უკრაინის პრეზიდენტმა მიუნხენის უსაფრთხოების კონფერენციაზე სიტყვით გამოსვლისას განაცხადა, რომ არ სურს ისტორიაში შევიდეს, როგორც ადამიანი, რომელიც პუტინს საკუთარი ქვეყნის (უკრაინის) ოკუპაციაში დაეხმარა.

ამასთან, მან ხაზი გაუსვა სამშვიდობო მოლაპარაკებებში ევროპის მონაწილეობის აუცილებლობას და განაცხადა, რომ მიუნხენში სამშვიდობო ხელშეკრულების ხელმოწერა შეუძლებელია.

უკრაინის პრეზიდენტი ვოლოდიმირ ზელენსკი აცხადებს, რომ დღესდღეობით საუბარი არ არის სამშვიდობო შეთანხმებაზე, რადგან ასეთი შეთანხმება უნდა იყოს მხოლოდ ომის დასრულების გეგმა. მან ხაზი კიდევ ერთხელ გაუსვა სამშვიდობო შეთანხმების პროცესში აშშ-ის როლს და განაცხადა, რომ პუტინის გარდა არც ერთ რუს პოლიტიკოსთან არ აპირებს შეხვედრას.

ამის შესახებ მან უკრაინის პრეზიდენტი მიუნხენის უსაფრთხოების კონფერენციის პანელზე გამოსვლისას განაცხადა:

"დღეს ჩვენ არ ვსაუბრობთ სამშვიდობო შეთანხმებაზე და არ არის საჭირო შუამავლების ძიება უკრაინასა და პუტინს შორის. ჩვენ გვჭირდება ძლიერი ქვეყნის, შეერთებული შტატების და ძლიერი პრეზიდენტის ტრამპის ძლიერი მხარდაჭერა. ჩვენ გვჭირდება მისი მხარდაჭერა და მისი ჩვენს მხარეზე ყოფნა... რუსებს არ შევხვდები. არ ვიცი, მოეწონებათ თუ არა... მე მხოლოდ პუტინს შევხვდები. მხოლოდ მას შემდეგ, რაც ტრამპთან ერთად მოვამზადებთ საერთო გეგმას, რათა პუტინმა შეწყვიტოს ომი. მხოლოდ ამ შემთხვევაში შევხვდები. კომპრომისების არანაირი სხვა პლატფორმები არ იქნება,"