Featured Articles

კანადის პრემიერ-მინისტრი ჯასტინ ტრიუდო აცხადებს, რომ ტორონტოში 7 თებერვალს კანადა-შეერთებული შტატების ეკონომიკური სამიტი გაიმართება.

ამის შესახებ ნათქვამია ჯასტინ ტრიუდოს ოფისის მიერ გავრცელებულ განცხადებაში.

ჯასტინ ტრიუდოს განცხადებით თანახმად, კანადა- შეერთებული შტატების ეკონომიური სამიტი დაეფუძნება პრემიერ-მინისტრის ოფისთან არსებულ კანადა-აშშ-ის ურთიერთობების საბჭოზე და ერთად შეკრებს კანადელ ლიდერებს ვაჭრობიდან, ბიზნესიდან, საჯარო პოლიტიკისა და პროფკავშირებიდან.

თავიანთი დარგობრივი გამოცდილების გამოყენებით, ლიდერებო შეისწავლის გზებს, ჩვენი ეკონომიკის ზრდისთვის, ქვეყნის შიგნით შენებისა და ვაჭრობის გამარტივებისთვის, ექსპორტის ბაზრების დივერსიფიცირებისთვის და პროდუქტიულობის აღდგენისთვის.

„სამიტზე განხილული იქნება პარტნიორებს შორის კოორდინაციის, თანამშრომლებისა და ურთიერთთავსებადობის ზრდა. კანადა-აშშ-ის ეკონომიკური სამიტი არის კანადის საუკეთესო გუნდი. ჩვენ ერთად შევკრებთ პარტნიორებს ბიზნესიდან, სამოქალაქო საზოგადოებიდან და პროფკავშირებიდან, რათა ვიპოვოთ გზები ეკონომიკის გასაცოცხლებლად, მეტი სამუშაო ადგილის შესაქმნელად და ხელფასების გასაზრდელად, ჩვენი საზღვრების შიგნით შენებისა და ვაჭრობის გასამარტივებლად და ექსპორტის ბაზრების დივერსიფიცირებისთვის. ჩვენ გვინდა, ბიზნესმა, ინვესტორებმა და დასაქმებულებმა კანადა აირჩიონ“, – აცხადებს ჯასტინ ტრიუდო.

კანადის პრემიერ-მინისტრმა ეკონომიკური სამიტის გამართვა მას შემდეგ გამოაცხადა, რაც დონალდ ტრამპმა 30 დღით გადაავადა კანადისთვის და მექსიკისთვის იმპორტზე 10 %-იანი ტარიფების ამოქმედება.

რუსეთმა და უკრაინამ სამხედრო ტყვეები გაცვალეს. მხარეებმა ერთმანეთს 150-150 სამხედრო ტყვე გადასცეს. როგორც უკრაინის პრეზიდენტი ვოლოდიმირ ზელენსკი სოციალურ ქსელებში წერს, რუსეთიდან დაბრუნებულ უკრაინელ დამცველებს შორის არიან ჯარისკაცები, სერჟანტები, ოფიცრები, სამხედრო-საზღვაო და სამხედრო-საჰაერო ძალების სამხედროები, სადესანტო-მოიერიშე და სახმელეთო ჯარების წევრები, ეროვნული გვარდიის წევრები, მესაზღვრეები, ტერიტორიული თავდაცვის წევრები და სამართალდამცველები.

„ყველა მათგანი ფრონტის სხვადასხვა მიმართულებიდანაა, თუმცა მათ აერთიანებთ საერთო: ისინი უკრაინისთვის იბრძოდნენ. ზოგიერთი მათგანი ტყვეობაში ორ წელიწადზე მეტი ხნის განმავლობაში იმყოფებოდა“ – წერს ზელენსკი.

უკრაინის პრეზიდენტი ტყვეების დაბრუნების პროცესის მხარდაჭერისთის მადლობას უხდის პარტნიორებს, კერძოდ, არაბთა გაერთიანებულ საამიროებს.

უკრაინიდან 150 სამხედრო ტყვეს დაბრუნების შესახებ განცხადებას ავრცელებს რუსეთის თავდაცვის სამინისტროც. უწყების ცნობით, ამჟამად რუსი სამხედრო მოსამსახურეები ბელარუსში იმყოფებიან, სადაც ისინი საჭირო ფსიქოლოგიურ და სამედიცინო დახმარებას იღებენ. რუსეთის თავდაცვის სამინისტრო აღნიშნავს, რომ ტყვეების დაბრუნებაში ჰუმანიტარული შუამდგომლობა არაბთა გაერთიანებულმა საამიროებმა შეასრულა.

ლოს-ანჯელესში გრემის 67-ე დაჯილდოება გაიმართა. ცერემონიას ტრადიციულად კრიპტო-არენამ უმასპინძლა. 

ღონისძიება ლოს-ანჯელესში ხანძრისგან დაზარალებულთა დასახმარებლად თანხების შეგროვებას და პირველად დახმარებაში ჩართული გმირ მეხანძრე-მაშველებს მიეძღვნა.

გრემის დაჯილდოების ცერემონია უკვე მეხუთედ კომიკოსი და მსახიობი, ტრევორ ნოამ წაიყვანა.

დაჯილდოების ნომინაციების ლიდერი ბიონსე იყო, მისი ალბომი  „კოვბოი კარტერ“ 11 ნომინაციაზე იყო წარდგენილი.

ბიონსეს შემდეგ 7-7 ნომინაციაზე იყო წარდგენილი ბილი აილიში, კენდრიკ ლამარი და  Post Malone. და 6-6- ნომინაციით – ტეილორ სვიფტი, ჩაპელ რონი და საბრინა კარპენტერი. 

კენდრიკ ლამარმა "გრემის" 5 ქანდაკება დაიმსახურა. Charli XCX და საბრინა კარპენტერი კი პრესტიჟული ჯილდოს მფლობელნი პირველად გახდნენ.

აღსანიშნავია, რომ წელს დაჯილდოება განსაკუთრებულ ყურადღებას ახალ არტისტებზე ამახვილებს.  წლის საუკეთესო ახალი შემსრულებლის ნომინანტებიდან შვიდი: ბენსონ ბუნი, ჩაპელ როანი, დოჩი, რეი, საბრინა კარპენტერი  და ტედი სვიმსი – სცენაზე გამოვლენ. მერვე ნომინანტი, Khruangbin, ჯერ შემსრულებლად არ დასახელებულა. 

გრემის დაჯილდოებაზე სხვა შემსრულებლებს შორის არიან: ბილი აილიში (რომელმაც წლის საუკეთესო ახალი არტისტის ჯილდო ხუთი წლის წინ მოიპოვა), ლედი გაგა და ბრუნო მარსი,  Charli XCX და შაკირა. ლედი გაგასა და ბრუნო მარსის გამოსვლა პარასკევს, ხმის აკადემიის სოციალურ ქსელებში დაანონსდა და ის „ლოს ანჯელესსა და ხანძრისგან დაზარალებულებს“ მიეძღვნება.

67-ე ყოველწლიურ გრემის დაჯილდოებას მეოთხე წელია, რაც Fulwell 73 Productions უწევს პროდიუსინგს  Recording Academy-სთვის. დაჯილდოების ცერემონიის აღმასრულებელი პროდიუსერები არიან ბენ უინსტონი, რაჯ კაპური და ჯესი კოლინსი.

ძირითადი ნომინაციების და გამარჯვებულების სრული სია:

წლის ალბომი

ბიონსე – Cowboy Carter

წლის ჩანაწერი

ქენდრიქ ლამარი – Not Like Us 

წლის სიმღერა 

ქენდრიქ ლამარი – Not Like Us

წლის ახალი არტისტი

ჩაპელ როანი

საუკეთესო სოლო პოპ პერფორმანსი

საბრინა კარპენტერი – Espresso

საუკეთესო პოპ ვოკალური ალბომი

საბრინა კარპენტერი – Short n’ Sweet

დუეტისა თუ ჯგუგიფის საუკეთესო პოპ პერფორმანსი

ლედი გაგა და ბრუნო მარსი – Die With a Smile 

საუკეთესო რეპ ალბომი

Doechii – Alligator Bites Never Heal 

საუკეთესო რეპ პერფორმანსი

ქენდრიქ ლამარი – Not Like Us

საუკეთესო ქანთრი ალბომი

Beyoncé – Cowboy Carter 

საუკეთესო როკ ალბომი

The Rolling Stones – Hackney Diamonds

საუკეთესო როკ პერფორმანსი

The Beatles – Now and Then 

საუკეთესო არენბი ალბომი 

კრის ბრაუნი – 11:11 (Deluxe)

ბრიტანეთის საგარეო საქმეთა მინისტრი დევიდ ლემი კიევში ჩავიდა ორმხრივი თანამშრომლობისა და უკრაინის უსაფრთხოების საკითხების განსახილველად.

ამის შესახებ გაერთიანებულ სამეფოში უკრაინის ელჩმა, ვალერი ზალუჟნიმ სოციალურ ქსელში დაწერა.

„ჩვენ ვისაუბრებთ შემდგომ თანამშრომლობაზე და ერთობლივ პროექტებზე უკრაინის უსაფრთხოების გასაძლიერებლად. მადლიერი ვარ, რომ გაერთიანებული სამეფო ყოველთვის ჩვენთან არის ამ რთულ დროს“, – წერს ზალუჟნი სოციალურ ქსელში.