Featured Articles

Forbes-ის ინფორმაციით, კომპანია SpaceX-ის დამფუძნებელმა და ტრამპის ადმინისტრაციაში აშშ-ის მთავრობის ეფექტურობის დეპარტამენტის ხელმძღვანელმა, ილონ მასკმა განაცხადა, რომ ამერიკის პრეზიდენტი დონალდ ტრამპი USAID-ის დახურვას დათანხმდა.

მისი თქმით, ის რამდენჯერმე შეხვდა ტრამპს ამ თემაზე და USAID-ის დახურვაზე ჰკითხა: „დარწმუნებული ხართ?“. ტრამპმა თქვა, კი.

„შესაბამისად, ჩვენ მას ვხურავთ“, – აღნიშნა მასკმა.

USAID-ს რადიკალი შეშლილები მართავდნენ, – ამის შესახებ აშშ-ის პრეზიდენტმა, დონალდ ტრამპმა განაცხადა.

ტრამპმა ჟურნალისტებთან საუბრისას აღნიშნა, რომ ვიდრე USAID-ის მომავალზე საბოლოო გადაწყვეტილება იქნება მიღებული, მისი ადმინისტრაცია სააგენტოდან „შეშლილებს“ გაათავისუფლებს.

„USAID-ს მართავდნენ შეშლილი რადიკალები და ჩვენ ვათავისუფლებთ მათ. შემდეგ კი მივიღებთ გადაწყვეტილებას“,- განაცხადა ტრამპმა.

უკრაინის პრეზიდენტი ვოლოდიმირ ზელენსკი აცხადებს, რომ ომზე მოლაპარაკებების წარმოება უკრაინის გარეშე „ძალიან საშიში“ იქნება.

"რუსეთს არ სურს, მონაწილეობა მიიღოს ცეცხლის შეწყვეტის მოლაპარაკებებში ან განიხილოს რაიმე დათმობა, რომელსაც კრემლი განმარტავს, როგორც დანაკარგს იმ დროს, როდესაც მის ძალებს უპირატესობა აქვთ ბრძოლის ველზე. 

აშშ-ის პრეზიდენტ დონალდ ტრამპს შეუძლია რუსეთის ლიდერის, ვლადიმერ პუტინის მოლაპარაკებების მაგიდასთან დასმა რუსეთის ენერგეტიკულ და საბანკო სისტემებზე სანქციებით და უკრაინელი სამხედროების მხარდაჭერით.

ვფიქრობ, ეს არის მომავალი და ყველაზე მნიშვნელოვანი ნაბიჯები“, – აღნიშნა ვოლოდიმირ ზელენსკიმ

შეერთებული შტატების პრეზიდენტმა დონალდ ტრამპმა კანადისთვის, მექსიკისა და ჩინეთისთვის ტარიფების დაწესების შესახებ განკარგულებას მოაწერა ხელი.

როგორც BBC წერს, კანადიდან და მექსიკიდან იმპორტირებულ საქონელზე 25%-იანი ტარიფები დაწესდა, ჩინეთიდან იმპორტზე - 10% ტარიფი, ხოლო კანადიდან ენერგორესურსების იმპორტზე 10%-იანი ტარიფი იმოქმედებს.

თეთრი სახლის განცხადებით, „ეს ტარიფები აუცილებელია, რათა ჩინეთი, მექსიკა და კანადა ანგარიშვალდებულნი გახადონ მათ დაპირებებზე, შეაჩერონ მომწამვლელი ნარკოტიკის ნაკადი აშშ-ში“.