Featured Articles

დიდ ბრიტანეთში თავდასხმის შედეგად 2 ადამიანი დაშავდა. შეიარაღებული მამაკაცი ლიდსში გამვლელებს დაესხა თავს. ერთ-ერთი დაშავებულის მდგომარეობა მძიმეა. სამართალდამცავებმა თავდამსხმელი უკვე დააკავეს.

მან სავარაუდოდ, თვითდაზიანებები მიიყენა. პოლიცია დანაშაულის მოტივს იკვლევს.

ახლა პუტინზეა დამოკიდებული დაამტკიცოს, რომ ნამდვილად სურს მშვიდობა. ამის შესახებ საფრანგეთის პრეზიდენტმა რომში უკრაინელ კოლეგასთან შეხვედრის შემდეგ სოციალურ ქსელში დაწერა.

„უკრაინა მზად არის უპირობო ცეცხლის შეწყვეტისთვის, რაც პრეზიდენტმა ზელენსკიმ დღეს კიდევ ერთხელ დამიდასტურა. ახლა პუტინზეა დამოკიდებული დაამტკიცოს, რომ ნამდვილად უნდა მშვიდობა,“ - წერს ემანუელ მაკრონი.

რომის პაპი ფრანცისკე სანტა მარია მაჯორეს ბაზილიკაში დაკრძალეს.

დაკრძალვა ვიწრო წრეში გაიმართა რამდენიმე კარდინალის, ასევე ფრანცისკეს პირადი ექიმის, მასიმილიანო სტრაპეტის მონაწილეობით.

წმინდა პეტრეს მოედანსა და მიმდებარე ქუჩებზე შეკრებილი ადამიანების რაოდენობა 200 ათასს აჭარბებდა.

დაკრძალვის ცერემონიალს სახელმწიფოების მეთაურები დაესწრნენ, მათ შორის საქართველოს პრეზიდენტი მიხეილ ყაველაშვილი საქართველოს დელეგაციასთან ერთად წმინდა პეტრეს მოედანზე იმყოფებოდა. დელეგაციაში შედიან საგარეო საქმეთა მინისტრი მაკა ბოჭორიშვილი და საპატრიარქოს წარმომადგენლები.

რომის პაპი 21 აპრილს 88 წლის ასაკში გარდაიცვალა.

რომის პაპ ფრანცისკეს დღეს დაკრძალავენ. დაკრძალვის ცერემონიასთან დაკავშირებით, რომში უსაფრთხოების ზომები გამკაცრებულია.

ცერემონიაზე მთელი მსოფლიოდან 200 000-ზე მეტ ადამიანს ელოდებიან. უშიშროების სამსახურის განსაკუთრებული მეთვალყურეობის ქვეშაა წმინდა პეტრეს ბაზილიკა და მოედანი. პერიმეტრზე სნაიპერებთან ერთად მობილიზებულია 2000-ზე მეტი კარაბინერი. 

რომში დღეს, 170 ქვეყნის უმაღლესი დონის დელეგაციას ელოდებიან. მათ შორის იქნებიან პრეზიდენტი ტრამპი, ესპანეთის, შვედეთის, ბელგიის სამეფო ოჯახის წარმომადგენლები, პრეზიდენტები მაკრონი და ზელენსკი, ასევე ევროკავშირის ლიდერები.