Featured Articles

კალიფორნიაში, ლოს-ანჯელესის ჩრდილოეთ ნაწილში ხანძრის კიდევ ერთი კერა გაჩნდა, რომელიც ქარისა და მშრალი კლიმატის გამო მალევე გავრცელდა 38 კვადრატულ კილომეტრზე, 31 ათასზე მეტი ადამიანი კი ამ დრომდე ევაკუირებულია - ამის შესახებ Reuters იტყობინება.

ოფიციალურმა უწყებებმა კასტაის ტბის მიმდებარე ტერიტორიაზე მოქალაქეები გააფრთხილეს, რომ ხანძარი პირდაპირ საფრთხეს უქმნიდა მათ სიცოცხლეს. სამხრეთ კალიფორნიის ძირითად ნაწილში, ცეცხლის გაჩენის მაღალი რისკის გამო, წითელი კატეგორიის გაფრთხილება მოქმედებს.

ხანძრის ახალ კერას რამდენიმე საათი დასჭირდა იმისთვის, რომ "იტონის ცეცხლის" 2/3 ზომამდე გაზრდილიყო, "იტონი" კი ლოს-ანჯელესის ცეცხლის კერებს შორის ერთ-ერთი ყველაზე მასშტაბურია.

სამხრეთ კალიფორნიაში 9 თვის განმავლობაში არ მოსულა ძლიერი წვიმა, რაც ცეცხლის გასაჩენად ხელსაყრელ პირობებს ქმნის. სინოპტიკოსების პროგნოზის თანახმად, წვიმა მიმდინარე კვირის ბოლოსაა მოსალოდნელი.

რაც შეეხება 7 იანვარს გაჩენილი ხანძრების მდგომარეობას, ბოლო ინფორმაციით, "იტონის ცეცხლი", რომელიც 57 კვადრატულ კილომეტრზე გავრცელდა, 91%-ით ლიკვიდირებულია, ხოლო 95 კვადრატულ კილომეტრზე გავრცელებული "პალისეიდის ცეცხლი" მხოლოდ 68%-ითაა მეხანძრეთა კონტროლის ქვეშ.

7 იანვარს გაჩენილ ხანძრებს ლოს-ანჯელესში 28 ადამიანის სიცოცხლე ემსხვერპლა, დაზიანდა 16 ათასზე მეტი შენობა-ნაგებობაც. ოფიციალური მონაცემებით, საევაკუაციო გაფრთხილება 180 ათას ადამიანს შეეხო.

წინასწარი დათვლებით, ლოს-ანჯელესში ხანძრით გამოწვეული ზარალი $250 მილიარდს აღემატება.

სქესზე დაფუძნებული განსხვავებების ადმინისტრირების ან აღსრულებისას, ყველა სააგენტო და ყველა ფედერალური თანამშრომელი, რომლებიც მოქმედებენ თავიანთი სააგენტოს სახელით ოფიციალურად, გამოიყენებენ ტერმინს „სქესი“ და არა „გენდერი“ ყველა მოქმედ ფედერალურ პოლიტიკასა და დოკუმენტში,- ამის შესახებ აღმასრულებელი ბრძანება თეთრი სახლის ოფიციალურ ვებ გვერდზე გამოქვეყნდა.

აღმასრულებელ ბრძანებაში სახელწოდებით „ქალების დაცვა გენდერული იდეოლოგიის ექსტრემიზმისგან და ბიოლოგიური სიმართლის აღდგენა ფედერალურ მთავრობაში" აღნიშნულია, რომ ტრამპის ადმინისტრაცია ქალთა უფლებებს და სინდისის თავისუფლებას მკაფიო, ზუსტი ენისა და პოლიტიკის გამოყენებით დაიცავს, რომლის მიხედვითაც ქალები ბიოლოგიურად მდედრობითი, ხოლო კაცები ბიოლოგიურად მამრობითი სქესის წარმომადგენლები არიან.

აღმასრულებელ ბრძანებაში აღნიშნულია, რომ ტერმინი "გენდერული იდენტობა" სუბიექტურ განცდას ასახავს, რაც ცრუ აღქმის შექმნის საშუალებას იძლევა. დოკუმენტის მიხედვით, გენდერული იდეოლოგია შინაგანად წინააღმდეგობრივია და ასევე არ იძლევა იდენტიფიკაციის მნიშვნელოვან საფუძველს.

„გენდერული იდეოლოგია“ ცვლის სქესის ბიოლოგიურ კატეგორიას თვითშეფასებული გენდერული იდენტობის მუდმივად ცვალებადი კონცეფციით, რაც საშუალებას აძლევს ცრუ აღქმის შექმნას, რომ მამაკაცებს შეუძლიათ თავიანთი თავის ქალად იდენტიფიცირებით გახდნენ ქალები და პირიქით. ის ასევე მოითხოვოს საზოგადოების ყველა ინსტიტუტისგან ცრუ აღქმების ჭეშმარიტებად მიღებას. გენდერული იდეოლოგია მოიცავს აზრს, რომ არსებობს გენდერების ფართო სპექტრი, რომელიც არ არის დაკავშირებული ადამიანის სქესთან: გენდერული იდეოლოგია შინაგანად წინააღმდეგობრივია, რადგან ის ამცირებს სქესს, როგორც იდენტიფიცირებად ან სასარგებლო კატეგორიას, მაგრამ მიუხედავად ამისა, ამტკიცებს, რომ ადამიანი შეიძლება დაიბადოს არასწორი სქესის სხეულში.

„გენდერული იდენტობა“ ასახავს საკუთარი თავის სრულიად შინაგან და სუბიექტურ განცდას, რომელიც არ არის დაკავშირებული ბიოლოგიურ რეალობასთან და სქესთან და არსებობს უსასრულო კონტინუუმზე, რომელიც არ იძლევა იდენტიფიკაციის მნიშვნელოვან საფუძველს და არ შეიძლება იყოს აღიარებული სქესის შემცვლელად."- ვკითხულობთ თეთრი სახლის აღმასრულებელ ბრძანებაში.

"მე არ მინდა რუსეთისთვის ზიანის მიყენება. მე მიყვარს რუსი ხალხი და ყოველთვის კარგი ურთიერთობა მქონდა პრეზიდენტ პუტინთან - მიუხედავად რუსეთის რადიკალური მემარცხენეების სიყალბისა. ჩვენ არასდროს არ უნდა დავივიწყოთ, რომ რუსეთი დაგვეხმარა მეორე მსოფლიო ომის მოგებაში და ამ პროცესში თითქმის 60 მილიონი სიცოცხლე დაკარგა.

ამ ყველაფრის გათვალისწინებით, მე ვაპირებ დიდი დახმარება გავუწიო პრეზიდენტ პუტინს და რუსეთს, რომლის ეკონომიკაც კრახს განიცდის გადაწყვიტეთ და შეაჩერეთ ეს დამცინავი ომი. ის მხოლოდ გაუარესებისკენ წავა.

თუ ჩვენ ვერ მივაღწევთ "გარიგებას" მალე, სხვა გზა არ მექნება, გარდა იმისა, რომ დავაწესო მაღალი დონის გადასახადები, ტარიფები და სანქციები ყველაფერზე, რასაც რუსეთი ყიდის შეერთებულ შტატებსა და სხვა [USTR-ში] მონაწილე ქვეყნებში.

დავასრულოთ ეს ომი, რომელიც მე რომ პრეზიდენტი ვყოფილიყავი, არასდროს დაიწყებოდა! ჩვენ შეგვიძლია ამის გაკეთება მარტივი გზით, ან რთული გზით - და მარტივი გზა ყოველთვის უკეთესია. "გარიგების" დროა. მეტი სიცოცხლე არ უნდა დაიკარგოს!!!" | წერს ამერიკის შეერთებული შტატების 47-ე პრეზიდენტი დონალდ ტრამპი truthsocial.com-ზე.

ამერიკის შეერთებული შტატების პრეზიდენტმა დონალდ ტრამპმა ევროკავშირში ელჩის თანამდებობაზე წარადგინა 75 წლის ენდრიუ პაზდერი.

ტრამპმა თავის სოციალურ ქსელ Truth-ში დაწერა, რომ „ენდი წარმატებული იურისტი, ბიზნესმენი, ეკონომიკის მიმომხილველი და მწერალია“ და მნიშვნელოვან რეგიონში აშშ-ის ინტერსებს წარმატებით დაიცავს.

ენდრიუ პაზდერი 2000 წელს დაინიშნა კომპანია CKE Restaurants, Inc-ის აღმასრულებელ დირექტორად. ეს კომპანია ფლობს და მართავს სწრაფი კვების რესტორნებს, მათ შორის Carl's Jr-ს და Hardee's-ს.

ტრამპის განცხადებით, 17-წლიანი მართვის პერიოდში პაზდერმა დაძლია კომპანიის ფინანსური სირთულეები, გადაარჩინა და ფინანსურად უზრუნველყოფილ, მზარდ კომპანიად აქცია.

2017 წელს, პრეზიდენტობის პირველ ვადაში დონალდ ტრამპი ენდრიუ პაზდერის შრომის მინისტრად დანიშნვას აპირებდა. დანიშვნა ვერ შედგა პაზდერის მხრიდან ძალადობის შესახებ მისი ყოფილი ცოლის ბრალდების გამო. თავად პაზდერი ამ ბრალდებას უარყოფდა.