Featured Articles

აშშ სანქციებს უწესებს 250-ზე მეტ პირსა და საწარმოს, რომლებიც რუსეთის თავდაცვის ინდუსტრიასა და მის სამხედრო სამრეწველო ბაზის მხარდაჭერაშია ჩართული.

სანქციების სიაში არის ფედერალური სახელმწიფო უნიტარული საწარმო "ზაპოროჟიეს ატომური ელექტროსადგური". ეს არის რუსული იურიდიული პირი, ის შექმნილია ზაპოროჟიეს ატომური ელექტროსადგურისთვის, რომელიც ამჟამად მდებარეობს ოკუპირებულ ტერიტორიაზე რუსეთის კონტროლქვეშ.

გარდა ამისა, სანქციები შეეხო რუსეთის რამდენიმე ქარხანას, ასევე "პოჩტა-ბანკს".

შეზღუდვები ასევე შეეხო კომპანიებს ჩინეთიდან, არაბთა გაერთიანებული საამიროებიდან და თურქეთიდან.

ისრაელმა და „ჰამასმა“ ცეცხლის შეწყვეტისა და მძევლების გათავისუფლების შესახებ შეთანხმებას მიაღწიეს.

ამის შესახებ ინფორმაციას ისრაელის მედია აშშ-ის და არაბ ოფიციალურ პირებზე დაყრდნობით ავრცელებს.

შეთანხმების შესახებ ოფიციალურად მომდევნო საათებში გამოცხადდება.

ისრაელის მედიის თანახმად, „ჰამასი“ ადასტურებს, რომ „პასუხისმეგებლობით“ უპასუხა ცეცხლის შეწყვეტისა და მძევლების გათავისუფლების შეთანხმების წინადადებაზე.

შეთანხმება ითვალისწინებს ბრძოლის შეჩერებას ღაზის სექტორში, ასევე ისრაელიდან გატაცებული მძევლების და პალესტინელი პატიმრების ეტაპობრივ გათავისუფლებას.

ისრაელი უნდა გავიდეს სირიიდან, წინააღმდეგ შემთხვევაში, მძიმე შედეგები უარყოფითად აისახება ყველაზ, – ამის შესახებ თურქეთის პრეზიდენტმა, რეჯეფ თაიფ ერდოღანმა განაცხადა.

„ძალებმა, რომლებიც თავს ესხმიან სირიის მიწებსა და ხალხს, განსაკუთრებით ისრაელმა, დაუყოვნებლივ უნდა შეწყვიტონ ეს აგრესიული ქმედებები, წინააღმდეგ შემთხვევაში, მძიმე შედეგები, რაც გამოვა, უარყოფითად აისახება ყველაზე“, – აღნიშნა თურქეთის პრეზიდენტმა.

ერდოღანის თქმით, ცეცხლის შეწყვეტის დამყარება ღაზაში, სადაც გენოციდი და ხოცვა-ჟლეტა გრძელდება 15 თვის განმავლობაში, შექმნის მნიშვნელოვან შესაძლებლობას მუდმივი მშვიდობისა და სტაბილურობისთვის მთელ რეგიონში.

„ჩვენ ყურადღებით ვაკვირდებით ისრაელსა და „ჰამასს“ შორის ცეცხლის შეწყვეტის შესახებ მოლაპარაკებებს და ვიმედოვნებთ, რომ რაც შეიძლება მალე მივიღებთ დადებით სიახლეებს“, – აღნიშნა თურქეთის პრეზიდენტმა.

სამართალდამცველებმა სამხრეთ კორეის პრეზიდენტი,იუნ სოკ იოლი დააკავეს. ინფორმაციას ამის შესახებ „ბიბისი“ ავრცელებს.

დაკავებამდე ჩაწერილ ვიდეომიმართვაში იუნ სოკ იოლმა განაცხადა, რომ ის დათანხმდა დაკავებას, რათა თავიდან აიცილოს ძალადობრივი ესკალაცია. პრეზიდენტის თქმით, ეს დაკავება უკანონო იყო.

სამართალდამცველები სამხრეთ კორეის პრეზიდენტის, იუნ სოკ იოლის დაკავებას მეორედ ცდილობდნენ.

პოლიციამ პრეზიდენტის რეზიდენციის მიმდებარე ტერიტორიაზე დაახლოებით ათასი სამართალდამცელი განალაგა. პრეზიდენტის რეზიდენციასთან იუნ სოკ იოლის მხარდამჭერებსა და პოლიციას შორის შეტაკება მოხდა, რის შედეგადაც ერთი ადამიანი დაშავდა.