Featured Articles

Mercedes-Benz-ის აღმასრულებელმა დირექტორმა, რომის პაპ ფრანცისკეს G-Class-ის ახალი ელექტრო-კაბრიოლეტი გადასცა. საავტომობილო კომპანია, ეგრეთ წოდებულ, პაპ-მობილებს უკვე ასი წელია, აწარმოებს. აქამდე პაპი ყოველკვირეული საერთო აუდენციის დროს, ბენზინზე მომუშავე ავტომობილებს იყენებდა. ახალ ავტოზე, რომელსაც პონტიფიკოსის საჭიროებები უნდა დაეკმაყოფილებინა, Mercedes-Benz ერთი წლის განმავლობაში მუშაობდა, ვატიკანის წარმომადგენლებთან ერთად. ერთ-ერთი პრიორიტეტი ნულოვანი გამონაბოლქვი იყო. ახალი კაბრიოლეტი მბრუნავი სავარძლით არის აღჭურვილი. სავალი ნაწილებიც სპეციალურად, წმინდა პეტრეს მოედანზე ნელი მოძრაობებისთვის არის შექმნილი. უამინდობის შემთხვევისთვის, ფრანცისკეს ახალ ავტომობილს მოძრავი სახურავიც აქვს. ტრადიციის მიხედვით, კაბრიოლეტი თეთრია და სანომრე ნიშანს - SCV 1-ს ატარებს, რაც ვატიკანის თეოკრატიულ სახელმწიფოზე მიანიშნებს. 

უკრაინაში გლოვის დღეა. საოკუპაციო რეჟიმის თავდასხმას ზაპოროჟიეში 13 ადამიანი ემსხვერპლა, დაჭრილია 29 პირი. რუსეთმა საცხოვრებელ კორპუსებს ორი მართვადი ავიაბომბი ესროლა. განადგურებულია საცხოვრებელი სახლები და სამოქალაქო ინფრასტრუქტურა. ექიმები დაშავებულების გადარჩენას ადგილზე ცდილობდნენ.

მომხდარს გამოეხმაურა ზელენსკი, რომელმაც დაწერა, რომ არ არსებობს იმაზე მეტი სისასტიკე, ესროლო ავიაბომბი ქალაქს და იცოდე, რომ ამით მშვიდობიანი მოსახლეობა დაზარალდება.

ლოს-ანჯელესში, 7 იანვარს გაჩენილმა ტყის მასშტაბურმა ხანძარმა, 5 ადამიანის სიცოცხლე იმსხვერპლა, ხოლო 130,000 ადამიანს სავალდებულო ევაკუაციის წესით ადგილმდებარეობა უკვე დაატოვებინეს. ინფორმაციას, AP News ავრცელებს. 

BBC-ის ინფორმაციით, ლოს ანჯელესსა და მეზობელ ვენტურას ოლქში ხანძარი კატასტროფული სისწრაფით ვრცელდება და სულ მცირე, ხანძრის ექვსი კერა მძვინვარებს. მედიის ცნობით, ამ დროისთვის ხანძრის არცერთი კერა არ არის ლოკალიზებული.

აშშ-ის პრეზიდენტმა ჯო ბაიდენმა ლოს-ანჯელესში მასშტაბური ხანძრების შედეგად შექმნილი კრიზისის გამო კალიფორნიის შტატში სტიქიური უბედურების რეჟიმი გამოაცხადა. ამის შესახებ განცხადება თეთრმა სახლმა, 8 იანვარს გააკეთა. 

რუმინეთში განმეორებითი საპრეზიდენტო არჩევნები 4 მაისს გაიმართება, – Reuters-ის ინფორმაციით, ამის შესახებ მმართველმა კოალიციამ განაცხადა.

მმართველმა კოალიციამ ორტურიანი საპრეზიდენტო არჩევნების – 4 და 18 მაისს ხელახლა ჩატარების შესახებ შეთანხმებას მიაღწია.

რუმინეთის მოქმედი პრეზიდენტი კლაუს იოჰანისი ახალ არჩევნებამდე სახელმწიფოს მეთაურის თანამდებობაზე დარჩება.

შეგახსენებთ, რუმინეთში საპრეზიდენტო არჩევნები 24 ნოემბერს ჩატარდა, რომელშიც ყველასთვის მოულოდნელად, 22%-ით დამოუკიდებელმა მემარჯვენე კანდიდატმა, კალინ ჯორჯესკუმ გაიმარჯვა. რუმინეთის სასამართლომ საპრეზიდენტო არჩევნების შედეგები რუსეთის გავლენის გამო გააუქმა. რუმინეთის სადაზვერვო სამსახურის ანგარიშის თანახმად, კალინ ჯორჯესკუს გამარჯვება არ იყო ბუნებრივი შედეგი და მას სახელმწიფო აქტორის მიერ კოორდინირებული სოციალური მედიის კამპანია ხელოვნურად დაეხმარა გამარჯვებაში.