Featured Articles

ჰააგის სასამართლომ 19 წლის პირს ექვსთვიანი პატიმრობა მიუსაჯა საახალწლო დღესასწაულის დროს პოლიციელებისთვის პიროტექნიკის სროლისთვის. ინფორმაციას ამის შესახებ ნიდერლანდური მედია ავრცელებს.

სასამართლომ დაგმო ეს ქმედება, როგორც „უაღრესად საშიში“, განსაკუთრებით იმის გათვალისწინებით, რომ სამიზნე პოლიციის ოფიცრები იყვნენ, რომლებიც ასრულებდნენ თავიანთ მოვალეობას.

„პოლიციელების მიმართ ძალადობა, როგორც ჩანს, ნორმალურ მოვლენად იქცა, მაგრამ ეს, რა თქმა უნდა, არ არის ნორმალური“, - აღნიშნა პოლიციის ერთ-ერთმა თანამშრომელმა, რომელსაც მსჯავრდადებულმა პიროტექნიკა ესროლა.

"აშშ-ის სახელმწიფო დეპარტამენტის პრესსპიკერის თანამდებობას ტემი ბრიუსი დაიკავებს", - ამის შესახებ აშშ-ის არჩეული პრეზიდენტი, დონალდ ტრამპი სოციალურ პლატფორმაზე წერს.

ბრიუსი 2005 წლიდან Fox News-ის თანამშრომელია და ის თანამდებობაზე მეთიუ მილერს შეცვლის.

"ჩემთვის დიდი პატივია განვაცხადო, რომ აშშ-ის სახელმწიფო მდივნის თანამდებობაზე წარდგენილ ჩვენს შესანიშნავ კანდიდატს, მარკო რუბიოს სახელმწიფო დეპარტამენტის პრესსპიკერის რანგში ტემი ბრიუსი შეუერთდება," - წერს დონალდ ტრამპი.

აშშ-ის მოქმედი პრეზიდენტის ჯო ბაიდენის ადმინისტრაცია ადასტურებს, რომ გადაწყვეტილება დონალდ ტრამპის ინაუგურაციის დაშვებული დროშების ფონზე ჩატარების შესახებ აღარ გადაიხედება, - იუწყება AP.

თეთრ სახლში განმარტეს, რომ ასეთი გადაწყვეტილება აშშ-ის ყოფილი პრეზიდენტის, ჯიმი კარტერის გარდაცვალებას უკავშირდება.

კარტერი 100 წლის ასაკში 30 დეკემბერს გარდაიცვალა.

აშშ-ში სახელმწიფო დროშები 9 იანვრის შემდეგ, რომელიც გლოვის დღედ არის გამოცხადებული, ტრადიციისამებრ, 30 დღის განმავლობაში იქნება დაშვებული.

აშშ-ს არჩეული პრეზიდენტის ინაუგურაცია 20 იანვარს გაიმართება. დონალდ ტრამპი აშშ-ის 47-ე პრეზიდენტი გახდება.

აშშ-ის წარმომადგენელთა პალატის სპიკერად, 218  ხმით ისევ მაიკ ჯონსონი აირჩიეს.

მანამდე, ამერიკელმა კანონმდებლებმა ფიცი დადეს და შესაბამის წიგნში ხელიც მოაწერეს - ამით აშშ-ის 119-ე კონგრესმა მუშაობა დაიწყო

ვაშინგტონში, 119-ე მოწვევის კონგრესის პირველი სხდომა მიმდინარეობს, 2019 წლის შემდეგ პირველად, რესპუბლიკურ პარტიას კონგრესის ორივე პალატაზე სრული კონტროლი აქვს.