Featured Articles

აშშ-მა უკრაინას თითქმის $2,5 მილიარდიანი სამხედრო დახმარება გამოუყო - „ ვამაყობ, რომ ვაცხადებ დაახლოებით 2,5 მილიარდი დოლარის დახმარებას უკრაინის უსაფრთხოებისთვის, რადგან უკრაინელი ხალხი აგრძელებს დამოუკიდებლობისა და თავისუფლების დაცვას რუსული აგრესიისგან“, - ნათქვამია პრეზიდენტ ბაიდენის განცხადებაში.

აშშ-დან მოსალოდნელი სამხედრო დახმარების შესახებ დღეს ვოლოდიმირ ზელენსკიმ ისაუბრა.

ეთიოპიაში ავტოკატასტროფის შედეგად 71 ადამიანი დაიღუპა. არიან დაშავებულებიც, მათგან ხუთის მდგომარეობა კრიტიკულია. არსებული ინფორმაციით, მგზავრებით სავსე სატვირთო მანქანა მდინარეში გადავარდა.

ადგილობრივი მედიის ცნობით, მგზავრთა ნაწილი ქორწილის ცერემონიაზე მიდიოდა. მანქანა გადატვირთული იყო, რაც ავტოსაგზაო შემთხვევის ერთ-ერთ სავარაუდო მიზეზად განიხილება.

ბელარუსის დედაქალაქის სკოლებმა, ქალაქის ხელმძღვანელობისგან მიიღეს განკარგულება, რომ ახალი წლის სადღესასწაულო ღონისძიებების დროს არ გამოიყენონ სანტა კლაუსის იმიჯი და ამასთან ერთად დაუშვებელია ინგლისურენოვანი საახალწლო სიმღერების ჩართვაც. ამის შესახებ "ევრორადიოზე" დაყრდნობით belsat.eu წერს.

როგორც სკოლებისთვის გაგზავნილ წერილშია ნათქვამი ამ შემთხვევაში რეკომენდებულია ბელორუსულ ტრადიციებზე ფოკუსირება.

"ქალაქის ხელმძღვანელობის ბრძანება

ძვირფასო კლასის ხელმძღვანელებო, ღონისძიებებზე აკრძალულია სანტა კლაუსი, საშობაო ინგლისური სიმღერები (როგორიცაა Jingle Bells).

ვიყენებთ: ჩვენს ცნობილ სიმღერებს და ჩვენი ზღაპრის გმირებს. აქცენტი კეთდება ბელარუსულ ტრადიციებზე. იგივე ეხება საახალწლო დეკორაციებს!!!!" - ნათქვამია გამოცემის მიერ ციტირებულ დოკუმენტში.

დეკემბერში ბრესტის ქალაქის აღმასრულებელმა კომიტეტმა საშობაო და საახალწლო დეკორაციების შესახებ ინსტრუქციები გაუგზავნა ქალაქის სავაჭრო და საზოგადოებრივი კვების დაწესებულებებს, რომლის მიხედვითაც სანტა კლაუსის გამოსახულების და საშობაო გვირგვინების გამოყენება აკრძალულია. მსგავსი რეკომენდაციები ვრცელდება ბრესტის სკოლებსა და საბავშვო ბაღებში.

უკრაინის პრეზიდენტი ვოლოდიმირ ზელენსკი მოელის, რომ უკრაინელი სამხედროებისთვის მნიშვნელოვანი დახმარების პაკეტი შეერთებული შტატებისგან ორშაბათს, 30 დეკემბერს გამოცხადდება. ამის შესახებ ზელენსკიმ პრეზიდენტის საღამოს მიმართვაში ისაუბრა,

"ვიცი, რომ მზადდება ამერიკული მნიშვნელოვანი გადაწყვეტილება უკრაინის მხარდასაჭერად - ხვალ ველით ოფიციალურ განცხადებას: მნიშვნელოვანი მხარდაჭერის პაკეტები ჩვენი ჯარისკაცებისთვის.

ის, რაც მუშაობს ომის ამ წლებში უკრაინის დასაცავად და ახლა ხელი უნდა შეუწყოს ფრონტზე სტაბილიზაციის სამუშაოებს". - განაცხადა ზელენსკი და ხაზი გაუსვა იმას, რომ რაც უფრო სრულყოფილი იქნება პარტნიორების მხრიდან მიწოდენა, მით მეტი სიცოცხლე იქნება გადარჩენილი.