Featured Articles

რუსეთის პრეზიდენტმა, ვლადიმირ პუტინმა 11 დეკემბერს სატელეფონო საუბარი გამართა უნგრეთის პრემიერმინისტრთან, ვიქტორ ორბანთან, რომელიც საკუთარ თავს უკრაინაში ომში პოტენციურ „მშვიდობისმყოფელად“ მიიჩნევს.

მათ განიხილეს უკრაინის კონფლიქტის თემა, კრემლის თანახმად, "შედგა აზრთა საფუძვლიანი გაცვლა უკრაინის საკითხებზე."
ამავე ცნობით, პუტინმა განაცხადა, რომ კიევმა დაიკავა "დესტრუქციული" პოზიცია, რომელიც გამორიცხავს სამშვიდობო შეთანხმებას.

კრემლის ინფორმაციით, სატელეფონო საუბარი შედგა ორბანის თხოვნით.

მანამდე ბუდაპეშტის უმაღლესი რანგის დიპლომატმა განაცხადა, რომ უნგრეთი გააგრძელებს უკრაინის გარშემო "მშვიდობიან მისიას". უნგრეთის საგარეო საქმეთა მინისტრმა, პიტერ სიიარტომ ფლორიდაში ობრანის და ტრამპის შეხვედრა იმის დასტურად შეაფასა, რომ არ იყო შემთხვევითი, რომ "ისინი, ვინც უკრაინაში მშვიდობას ესწრაფვიან, გახარებული იყვნენ დონალდ ტრამპის გამარჯვებით არჩევნებში“.

ორბანი მანამდე შეხვდა აშშ-ის პრეზიდენტად არჩეულ დონალდ ტრამპს, რომელმაც ადრე დადო პირობა, რომ ხელისუფლებაში მოსვლის შემდეგ მალევე მშვიდობას დაამყარებს უკრაინაში.

ობრანის და ტრამპის შეხვედრა შედგა კვირის დასაწყისში, ფლორიდაში.

„ორბანი დაინტერესებულია კრიზისის მოგვარების პოლიტიკურ-დიპლომატიური მოგვარების გზების ერთობლივ მოძებნაში“ - წერს კრემლი თავის ცნობაში.

უნგრეთის პრემიერმა, ტრამპის და ასევე პუტინის უახლოესმა პარტნიორმა ევროპის კავშირში, არაერთხელ მოუწოდა მხარეებს სამშვიდობო მოლაპარაკებისკენ და უარი თქვა უკრაინისთვის სამხედრო დახმარებაზე მეზობელ ქვეყანაში რუსეთის შეჭრის შემდეგ.

ივლისში მან გაბრაზა თავისი კოლეგები, ევროკავშირის წევრების ლიდერები, როცა კონფლიქტის მოგვარების მიზნით რუსეთთან დიპლომატიური მიმოწერა დაიწყო თავის ქვეყნის მიერ ევროკავშირის მორიგე თავმჯდომარის პოსტის დაკავებიდან რამდენიმე დღეში.

კრემლი იტყობინება, რომ ორბანმა და პუტინმა განიხილეს ასევე ენერგეტიკის პრობლემები. ბრიუსელი იმედგაცრუებულია, რომ ბუდაპეშტი რჩება რუსეთიდან ენერგომატარებლების მყიდველი სამი წლის შემდეგაც მას მერ, რაც რუსეთმა უკრაინაში ომი დაიწყო.

პოლონეთის პრემიერ-მინისტრმა, დონალდ ტუსკმა განაცხადა, რომ სამშვიდობო მოლაპარაკებები უკრაინაში ომთან დაკავშირებით მიმდინარე ზამთარში შეიძლება დაიწყოს. ინფორმაციას ამის შესახებ უკრაინული მედია ავრცელებს.

ტუსკის თქმით, პოლონეთი გეგმავს აქტიურ მონაწილეობას მოლაპარაკებებში ქვეყნის აღმოსავლეთ საზღვარზე არსებულ ვითარებასთან დაკავშირებით.

„როგორც გესმით, ჩვენი დელეგაცია იქნება პასუხისმგებელი, კერძოდ იმაზე, თუ როგორი იქნება პოლიტიკური კალენდარი, როგორი სიტუაცია იქნება მოლაპარაკებების დროს, რომელიც შესაძლოა ამ ზამთარს დაიწყოს“, - აღნიშნა დონალდ ტუსკმა.

უკრაინის პრეზიდენტი ვოლოდიმირ ზელენსკი მიიჩნევს, რომ ომის დასასრულებლად აუცილებელია ერთიანობა, ძლიერი პოზიციები და მშვიდობის გარანტიები. ზელენსკის განცხადებით, წარმატებას სჭირდება ერთიანობა ამერიკის, ევროპის და მსოფლიოში ყველას მხრიდან, ვინც უსაფრთხოების ფასი იცის.

უკრაინის პრეზიდენტმა, რომელიც 7 დეკემბერს პარიზში შეხვდა საფრანგეთის პრეზიდენტ ემანუელ მაკრონს და აშშ-ის პრეზიდენტად არჩეულ დონალდ ტრამპს, 10 დეკემბერს, შუაღამის შემდეგ სოციალურ ქსელ X-ში, ოფიციალურ გვერდზე დაწერა, რომ ძალიან პროდუქტიული საუბარი ჰქონდათ.

ზელენსკი მაკრონს მადლობას უხდის შეხვედრის ორგანიზებისთვის, ხოლო ტრამპს - ომის სამართლიანად დასრულების მტკიცე გადაწყვეტილებისთვის.

ზელენსკის თანახმად, ტრამპს უთხრა, რომ პუტინს ეშინია მხოლოდ მისი და შესაძლოა, ჩინეთის.

უკრაინის პრეზიდენტის განცხადებით, მხოლოდ სიმტკიცეს შეუძლია ომის სამართლიანად დასრულება და ხანგრძლივი მშვიდობის უზრუნველყოფა და ახლავე მოქმედებაა საჭირო, რათა შესაბამისი საერთაშორისო წესრიგი აღდგეს.

უკრაინის პრეზიდენტი ვოლოდიმირ ზელენსკი მიიჩნევს, რომ ომის დასასრულებლად აუცილებელია ერთიანობა, ძლიერი პოზიციები და მშვიდობის გარანტიები. ზელენსკის განცხადებით, წარმატებას სჭირდება ერთიანობა ამერიკის, ევროპის და მსოფლიოში ყველას მხრიდან, ვინც უსაფრთხოების ფასი იცის.

უკრაინის პრეზიდენტმა, რომელიც 7 დეკემბერს პარიზში შეხვდა საფრანგეთის პრეზიდენტ ემანუელ მაკრონს და აშშ-ის პრეზიდენტად არჩეულ დონალდ ტრამპს, 10 დეკემბერს, შუაღამის შემდეგ სოციალურ ქსელ X-ში, ოფიციალურ გვერდზე დაწერა, რომ ძალიან პროდუქტიული საუბარი ჰქონდათ.

ზელენსკი მაკრონს მადლობას უხდის შეხვედრის ორგანიზებისთვის, ხოლო ტრამპს - ომის სამართლიანად დასრულების მტკიცე გადაწყვეტილებისთვის.

ზელენსკის თანახმად, ტრამპს უთხრა, რომ პუტინს ეშინია მხოლოდ მისი და შესაძლოა, ჩინეთის.

უკრაინის პრეზიდენტის განცხადებით, მხოლოდ სიმტკიცეს შეუძლია ომის სამართლიანად დასრულება და ხანგრძლივი მშვიდობის უზრუნველყოფა და ახლავე მოქმედებაა საჭირო, რათა შესაბამისი საერთაშორისო წესრიგი აღდგეს.

რესპუბლიკელი დონალდ ტრამპი აშშ-ის პრეზიდენტის უფლებამოსილების შესრულებას ოფიციალურად შეუდგება 2025 წლის 20 იანვრიდან.

78 წლის ტრამპი თეთრ სახლში ბრუნდება მას შემდეგ, რაც 2024 წლის 5 ნოემბრის საპრეზიდენტო არჩევნებში დაამარცხა დემოკრატი ვიცე-პრეზიდენტი კამალა ჰარისი.

უნგრეთის პრემიერ-მინისტრი ვიქტორ ორბანი ამერიკის შეერთებული შტატების პრეზიდენტად არჩეულ დონალდ ტრამპს შეხვდა.

ორბანის მიერ სოციალურ ქსელ X-ში, ოფიციალურ გვერდზე 10 დეკემბერს გამოქვეყნებული მოკლე ტექსტის თანახმად, შეხვედრა ფლორიდაში, მარ-ა-ლაგოში, ტრამპის რეზიდენციაში გაიმართა. „აშშ დღეს. მომავალი დაიწყო!“ - წერს უნგრეთის პრემიერ-მინისტრი.

ვიქტორ ორბანის ინფორმაციით, შეხვდა ილონ მასკსა და მაიკ უოლცსაც. ტრამპი აპირებს უოლცი დანიშნოს მრჩევლად ეროვნული უსაფრთხოების საკითხებში, ხოლო კომპანიების, Tesla-ს და SpaceX-ის მფლობელი, მილიარდერი ილონ მასკი - ახალი, ე.წ. მთავრობის ეფექტიანობის დეპარტამენტის ერთ-ერთ ხელმძღვანელად.

რა საკითხები განიხილეს ტრამპის რეზიდენციაში, ორბანი არ აკონკრეტებს.

უნგრეთის საგარეო საქმეთა მინისტრ პეტერ სიიარტოს ფეისბუკის გვერდზე გამოქვეყნებული ფოტოების მიხედვით, ტრამპის რეზიდენციაში შეხვედრებს ისიც ესწრებოდა. სიიარტო დეტალების დაკონკრეტების გარეშე წერს, რომ მარ-ა-ლაგოში იყო კარგი დღე და ხანგრძლივი საუბარი დონალდ ტრამპთან, ილონ მასკსა და მაიკ უოლცთან.

დონალდ ტრამპმა ვიქტორ ორბანს მარ-ა-ლაგოს რეზიდენციაში უმასპინძლა 2024 წლის ივლისშიც.

2024 წლის ნოემბრის ბოლოს რადიო თავისუფლების უნგრული სამსახური წერდა, რომ 5 ნოემბრის საპრეზიდენტო არჩევნებში გამარჯვების შემდეგ ტრამპი ორბანს ტელეფონით რამდენჯერმე ესაუბრა და სურდა გაეგო მისი აზრი უკრაინაში ომის შეწყვეტის შესახებ.

უნგრეთის პრემიერ-მინისტრმა ვიქტორ ორბანმა, რომელსაც მეგობრული ურთიერთობები აქვს რუსეთის პრეზიდენტ ვლადიმირ პუტინთანაც, არაერთხელ გააკრიტიკა ევროკავშირის მიერ უკრაინის დახმარება და ხელს უშლიდა მოსკოვისთვის სანქციების დაწესებას.

უკრაინისადმი აშშ-ის სამხედრო დახმარებას აკრიტიკებდა დონალდ ტრამპი, რომელიც აშშ-ის პრეზიდენტის მოვალეობის შესრულებას ოფიციალურად შეუდგება 2025 წლის 20 იანვრიდან.