Featured Articles

6 დეკემბერს, გამთენიისას, აფეთქებები იყო რუსეთის მიერ ანექსირებული ყირიმის ნახევარკუნძულის ქალაქ ქერჩის რაიონში. ამის შესახებ ადგილობრივი ტელეგრამ-არხები იუწყებიან.

რუსეთის მიერ აშენებული ე.წ. ყირიმის, იგივე ქერჩის ხიდისკენ მიმავალი გზების საინფორმაციო ცენტრის ოპერატიული არხით დილის 6 საათისთვის გავრცელდა შეტყობინება, რომ ხიდზე ავტოტრანსპორტის მიმოსვლა დროებით შეწყვეტილია. მიზეზი დასახელებული არ ყოფილა.

დილით რუსეთის თავდაცვის სამინისტრომ შედეგების დაკონკრეტების გარეშე განაცხადა, რომ ყირიმის თავზე გაანადგურეს ერთი უკრაინული უპილოტო საფრენი აპარატი, ხოლო შავ ზღვაში - ორი უეკიპაჟო კატერი, რომლებიც ნახევარკუნძულისკენ მიემართებოდნენ. დამოუკიდებელი წყაროებით ეს ინფორმაცია დადასტურებული არ არის.

უკრაინას ყირიმზე დღევანდელი შეტევის შესახებ ჯერჯერობით არაფერი უთქვამს.

2014 წლიდან ანექსირებულ ყირიმში რუსეთის მიერ აშენებულ ხიდზე 2022 წლის ოქტომბერში მომხდარმა ძლიერმა აფეთქებამ გამოიწვია ხიდის საავტომობილო ნაწილის ნგრევა და ძლიერი ხანძარი ხიდის სარკინიგზო ნაწილზე. რუსეთის მონაცემებით, დაიღუპა სამი ადამიანი.

უკრაინამ ოფიციალურად მხოლოდ 2023 წლის ივლისში დაადასტურა, რომ ყირიმის ხიდზე 2022 წლის ოქტომბერში მომხდარი აფეთქება მისი ორგანიზებული იყო.

2023 წლის ივლისში ყირიმის ხიდზე მორიგი შეტევა განხორციელდა.

ენგურჰესის კომპლექსი ჯვარის წყალსაცავში წყლის დაბალი დონის გამო ავარიული გათიშვის ზღვარზეა. ამის გამო აფხაზეთის ნაწილი შესაძლოა ელექტროენერგიის გარეშე დარჩეს. ადგილობრივი მედიის ინფორმაციით, ამის შესახებ აფხაზეთის საოკუპაციო რეჟიმის ენერგეტიკული უსაფრთხოების შტაბის სხდომაზე ჩერნომორენერგოს ხელმძღვანელმა თემურ ჯინჯოლიამ განაცხადა. მისი თქმით, რესპუბლიკას რუსეთიდან მოთხოვნილი ელექტროენერგიის მოცულობის გაზრდა მოუწია.

"იმ რეჟიმში, რომელშიც ჩვენ დღეს ვმუშაობთ, ეს არის არა ავარიული, არამედ უკვე საგანგებო მდგომარეობა," - განაცხადა ჯინჯოლიამ.

შეგახსენებთ, ენგურის კაშხალი თბილისის მიერ კონტროლირებად ტერიტორიაზეა, ხოლო ტურბინები ოკუპირებულ გალის რაიონში. თბილისსა და სოხუმს შორის არსებული არაფორმალური შეთანხების თანახმად, ენგურჰესის მიერ გამომუშავებული ელექტროენერგიის 40% აფხაზეთში მიდის, ხოლო 60%-ს დანარჩენი საქართველო იღებს. არსებული ინფორმაციით, ბოლო წლებში ენგურჰესიდან გამომუშავებული ელექტროენერგიის მხოლოდ 20% რჩება საქართველოს, ხოლო 80%-ს აფხაზეთის მარიონეტული რეჟიმი მოიხმარს. 

ოფიციალური კიევი "ქართული ოცნების" მაღალჩინოსნების წინააღმდეგ სანქციების დაწესებას აანონსებს - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

ზელენსკის თქმით, მან გასცა დავალება შესაბამისი სანქცირების გადაწყვეტილებები მომზადდეს. ამასთან, ომში ჩართული ქვეყნის პრეზიდეტნმა აღნიშნა, რომ განვითარებული მოვლენები დასტურია იმის, თუ "როგორ მიყავს დღევანდელ ხელისუფლებას ქვეყანა რუსეთზე დამოკიდებულებაზე".

საქართველოში რაც ხდება, არის არა ერთი ერის და არა მარტო ჩვენი რეგიონის პრობლემა — თუ როგორ მიჰყავს დღევანდელ ხელისუფლებას საქართველო რუსეთზე დამოკიდებულობაზე. უბრალოდ სირცხვილია, რასაც აკეთებენ თავიანთი ხალხის წინააღმდეგ. როცა მოსკოვში აქებენ ამ ხელისუფლებას, ეს ნათლად აღნიშნავს, ვისზე მუშაობენ თბილისში და ვისთვის არბევენ მიტინგებს.

ნამდვილად არ აკეთებენ ამას საქართველოსთვის. ვამზადებთ ჩვენს იურიდიულ რეაგირებას და ვმუშაობთ ევროპელებთან და სხვა პარტნიორებთან კონკრეტულ ქმედებებზე. გავეცი დავალება, მომზადდეს შესაბამისი სანქცირების გადაწყვეტილებები“, — ნათქვამია მის განცხადებაში.

სამ­ხრეთ კო­რე­ის პრე­ზი­დენტმა, იუნ სუკ იოლი, მო­უ­ლოდ­ნე­ლად ქვეყანაში სა­ო­მა­რი მდგო­მა­რე­ო­ბა გამოაცხადა, რომელიც ექ­ვსი სა­ა­თის შემ­დეგ დასრულდა. ბო­ლოს სა­ო­მა­რი მდგო­მა­რე­ო­ბა სამ­ხრეთ კო­რე­ა­ში 1979 წელს და­წეს­და მა­შინ­დე­ლი დიქ­ტა­ტო­რის პარკ ჩუნგ-ჰის მკვლე­ლო­ბის შემ­დეგ.

 3 დე­კემ­ბრის მი­მარ­თვა­ში, პრე­ზი­დენ­ტმა სა­ო­მა­რი მდგო­მა­რე­ო­ბა "კო­მუ­ნის­ტუ­რი ძა­ლე­ბის­გან" კონ­სტი­ტუ­ცი­უ­რი წეს­რი­გის და ჩრდი­ლო­ეთ კო­რე­ის მიერ წარ­მოქ­მნი­ლი საფრ­თხე­ე­ბის­გან და­სა­ცა­ვად აუ­ცი­ლე­ბელ ღო­ნის­ძი­ე­ბად გა­მო­ა­ცხა­და. მისი თქმით, საფრ­თხე მო­დი­ო­და, რო­გორც ჩრდი­ლო­ეთ კო­რე­ი­დან, ასე­ვე ად­გი­ლობ­რი­ვი "ან­ტი­სა­ხელ­მწი­ფო­ებ­რი­ვი ელე­მენ­ტე­ბი­დან“, რომ­ლე­ბიც უნდა აღ­მო­ი­ფხვრას.

პრე­ზი­დენ­ტის ოპო­ზი­ცი­ას სა­ხელ­მწი­ფო მუ­შა­ო­ბის პა­რა­ლი­ზე­ბა­ში ადა­ნა­შა­უ­ლებ­და, სამ­თავ­რო­ბო ფი­გუ­რე­ბი­სა და ოფი­ცი­ა­ლუ­რი პი­რე­ბის იმ­პიჩ­მენ­ტის მცდე­ლო­ბით. მისი თქმით, ახა­ლი მთავ­რო­ბის მუ­შა­ო­ბის და­წყე­ბი­დან (არ­ჩევ­ნე­ბი მიმ­დი­ნა­რე წლის გა­ზა­ფხულ­ზე გა­ი­მარ­თა) ეროვ­ნუ­ლი ასამ­ბლეა იმ­პიჩ­მენ­ტით და­ე­მუქ­რა 22 სა­ჯა­რო მო­ხე­ლეს, მათ შო­რის რამ­დე­ნი­მე პრო­კუ­რორს, შს მი­ნისტრს და თავ­დაც­ვის მი­ნისტრს.

”ეს არის აშ­კა­რა ან­ტი­სა­ხელ­მწი­ფო­ებ­რი­ვი აქტი, რო­მე­ლიც არ­ღვევს თა­ვი­სუ­ფა­ლი კო­რე­ის რეს­პუბ­ლი­კის კონ­სტი­ტუ­ცი­ურ წეს­რიგს და ანად­გუ­რებს კონ­სტი­ტუ­ცი­ი­თა და კა­ნო­ნე­ბით დად­გე­ნილ ლე­გი­ტი­მურ სა­ხელ­მწი­ფო ინ­სტი­ტუ­ტებს, ცდი­ლობს სა­მო­ქა­ლა­ქო ომის პრო­ვო­ცი­რე­ბას.

ჩვე­ნი ეროვ­ნუ­ლი ასამ­ბლეა კრი­მი­ნა­ლუ­რი ჯგუ­ფე­ბის ბუ­ნა­გად იქცა და ცდი­ლობს ქვეყ­ნის სა­სა­მარ­თლო-ად­მი­ნის­ტრა­ცი­უ­ლი სის­ტე­მის პა­რა­ლი­ზე­ბას და ლი­ბე­რა­ლუ­რი დე­მოკ­რა­ტი­ის სის­ტე­მის დამ­ხო­ბას სა­კა­ნონ­მდებ­ლო დიქ­ტა­ტუ­რით“, - თქვა მან ერი­სად­მი მი­მარ­თვა­ში.

სა­ო­მა­რი მდგო­მა­რე­ო­ბის შე­მო­ღე­ბას არც მმარ­თვე­ლი პარ­ტია და არც ოპო­ზი­ცია არ ეთან­ხმე­ბოდ­ნენ. სამ­ხრეთ კო­რე­ის დე­მოკ­რა­ტი­უ­ლი პარ­ტი­ის ლი­დერ­მა, რო­მელ­საც აქვს უმ­რავ­ლე­სო­ბა პარ­ლა­მენ­ტში, ლი ჯაე-მი­უნ­გმა მას არა­კონ­სტი­ტუ­ცი­უ­რი უწო­და, პრე­ზი­დენ­ტის პარ­ტი­ის "ხალ­ხის ძა­ლა­უფ­ლე­ბის" ხელ­მძღვა­ნელ­მა, ჰან დონ-ჰუნ­მა კი უკა­ნო­ნო უწო­და და ხალ­ხს მის დაბ­ლოკ­ვას დაჰ­პირ­და.

გე­ნე­რალ პარკ აჰნ-სოს ბრძა­ნე­ბუ­ლე­ბით, რო­მე­ლიც პა­სუ­ხის­მგე­ბე­ლი იყო სა­ო­მა­რი მდგო­მა­რე­ო­ბის აღ­სრუ­ლე­ბა­ზე, აკ­რძა­ლუ­ლი იყო ყვე­ლა პო­ლი­ტი­კუ­რი აქ­ტი­ვო­ბა, მათ შო­რის პარ­ლა­მენ­ტის, ად­გი­ლობ­რი­ვი საბ­ჭო­ე­ბის, პო­ლი­ტი­კუ­რი პარ­ტი­ე­ბი­სა და ასო­ცი­ა­ცი­ე­ბის მუ­შა­ო­ბა, ასე­ვე მი­ტინ­გე­ბი, დე­მონ­სტრა­ცი­ე­ბი და გა­ფიც­ვე­ბი. ასევე, მე­დია მო­ექ­ცა სამ­ხედ­რო სარ­დლო­ბის კონ­ტროლს ქვეშ და, შე­სა­ბა­მი­სად, აიკ­რძა­ლა "ყალ­ბი ამ­ბე­ბის გავ­რცე­ლე­ბა, სა­ზო­გა­დო­ებ­რი­ვი აზ­რის მა­ნი­პუ­ლი­რე­ბა და ცრუ პრო­პა­გან­და“. გან­კარ­გუ­ლე­ბის დამ­რღვე­ვებს ემუქ­რე­ბოდ­ნენ ორ­დე­რის გა­რე­შე ჩხრე­კით, და­კა­ვე­ბით და დას­ჯით.

მას შემ­დეგ, რაც სამ­ხრეთ კო­რე­ის პრე­ზი­დენ­ტმა სა­ო­მა­რი მდგო­მა­რე­ო­ბის შე­მო­ღე­ბა გა­მო­ა­ცხა­და, ხალ­ხმა შეკ­რე­ბა ქვეყ­ნის ეროვ­ნუ­ლი ასამ­ბლე­ის შე­ნო­ბას­თან და­ი­წყო. შე­ნო­ბის შე­სას­ვლელ­თან პო­ლი­ცი­ე­ლე­ბი გან­ლაგ­დნენ. შე­ნო­ბის თავ­ზე კი სამ­ხედ­რო ვერ­ტმფრე­ნე­ბი გა­მოჩ­ნდნენ.

კენ­ჭისყ­რის შე­დე­გად, 300-დან 190-მა დე­პუ­ტატ­მა (მათ ვინც შეძ­ლო სხდო­მა­თა დარ­ბაზ­ში შეს­ვლა) მხა­რი და­უ­ჭი­რა სა­ო­მა­რი მდგო­მა­რე­ო­ბის მოხ­სნის გა­და­წყვე­ტი­ლე­ბას.

სამ­ხედ­რო­ებ­მა, რომ­ლე­ბიც ასე­ვე ცდი­ლობ­დნენ ეროვ­ნუ­ლი ასამ­ბლე­ის შე­ნო­ბა­ში შეს­ვლას (მე­დია წერ­და, რომ ზო­გი­ერ­თმა ეს მო­ა­ხერ­ხა), გავ­რცე­ლე­ბუ­ლი ინ­ფორ­მა­ცი­ით, კენ­ჭისყ­რის შემ­დეგ და­ი­წყეს ტე­რი­ტო­რი­ის და­ტო­ვე­ბა.

BBC-ის სე­უ­ლის კო­რეს­პონ­დენ­ტი ჯეიკ კვო­ნის ცნო­ბით, მო­მი­ტინ­გე­ე­ბი პარ­ლა­მენ­ტის შე­ნო­ბის წინ სკან­დი­რებ­დნენ "არა სა­ო­მა­რი მდგო­მა­რე­ო­ბას“, "მო­დით, და­ვამ­ხოთ დიქ­ტა­ტუ­რა“ და "გა­ა­ღეთ კა­რიბ­ჭე“.

ასე­ვე და­ფიქ­სირ­და შე­ტა­კე­ბე­ბი პო­ლი­ცი­ა­სა და აქ­ცი­ის მო­ნა­წი­ლე­ებს შო­რის პარ­ლა­მენ­ტის შე­ნო­ბის მთა­ვარ შე­სას­ვლელ­თან.

The New York Times-ი იტყო­ბი­ნე­ბა, რომ ეროვ­ნუ­ლი ასამ­ბლე­ის წინ ხალ­ხმრავ­ლო­ბა ღა­მით გა­ი­ზარ­და და პრე­ზი­დენ­ტის გა­დად­გო­მის მო­წო­დე­ბე­ბი გახ­შირ­და.

პრე­ზი­დენ­ტის მიერ სა­ო­მა­რი მდგო­მა­რე­ო­ბის მოხ­სნა­ზე თან­ხმო­ბის ამ­ბავს პარ­ლა­მენ­ტთან შეკ­რე­ბი­ლე­ბი სი­ხა­რუ­ლით შეხ­ვდნენ. 

შეგახსენებთ, რომ სა­პარ­ლა­მენ­ტო არ­ჩევ­ნებ­ში, რო­მე­ლიც სამ­ხრეთ კო­რე­ა­ში მიმ­დი­ნა­რე გა­ზა­ფხულ­ზე გა­ი­მარ­თა, დე­მოკ­რა­ტი­ულ­მა პარ­ტი­ამ ეროვ­ნუ­ლი ასამ­ბლე­ის 300 ად­გი­ლი­დან 192 მო­ი­პო­ვა. პრე­ზი­დენ­ტის "სა­ხალ­ხო ძა­ლა­უფ­ლე­ბის" პარ­ტი­ის არ­ჩევ­ნებ­ში გა­მა­ნად­გუ­რე­ბე­ლი მარ­ცხის შე­დე­გად, გა­დად­გა ამ პარ­ტი­ის ლი­დე­რი ჰან დონ-ჰუნი და ქვეყ­ნის პრე­მი­ერ-მი­ნის­ტრი ჰან დეოკ-სო.მე­დია წერ­და, რომ გა­ზა­ფხულ­ზე ჩა­ტა­რე­ბუ­ლი არ­ჩევ­ნე­ბი შე­იძ­ლე­ბა გა­ნი­ხი­ლე­ბო­დეს, რო­გორც შუ­ა­ლე­დუ­რი რე­ფე­რენ­დუ­მი პრე­ზი­დენტ იუნ სუკ-იო­ლი­სად­მი ნდო­ბის სა­კი­თხზე, რო­მელ­საც ჯერ კი­დევ დარ­ჩა ხე­ლი­სუფ­ლე­ბა­ში ყოფ­ნის სამი წელი.